ހަނދާން ނެތުމަކީ އިންސާނުންގެ ފިޠުރަތުގައި ވާކަމެކެވެ. ޢަރަބި ޅެންވެރިއަކު ބުނެފައިވާ ފަދައިންނެވެ. [އޭނާއަށް އިންސާނެކޭ (انسان) ބުނެވެނީ އޭނަގެ ހަނދާން ބަލިކަށި (نسيان) ކަމުންނެވެ. އަދި އެއަށް ހިތޭ (قلب) ކިޔެނީ އަވަސް އަވަހަށް ބަދަލުވާތީއެވެ. (يتقالب).
Thursday, December 31, 2009 |
Posted in
ދީން
|
އިތުރަށް ވިދާޅުވޭ »
ދި-ބުރުނު
ބޮޑު ޗުއްޓީގެ ދުވަސް ވަރުކަމުން އަހަރެންނާއި އަހަރެންގެ ރައްޓެހިން ޗުއްޓީގައި ކުރާނޭ ވަރަށް ގިނަ ކަންތައް ތަކެއްރޭވީމެވެ. މިގޮތުން އެންމެ މުހިންމު އަދި އެންމެ ހާއްސަ ކަމަކަށް އޮތީ ފަޅު ރަށަކަށް ދަތުރު ދިއުމެވެ. ހުރިހާ އެންމެން މަޝްވަރާ ކުރުމަށްފަހު ދަތުރު ދާނެ ދުވަހަކަށް ހަމަޖެހުނީ ޖެހިގެން އަންނަ ހުކުރު ދުވަހެވެ.
ހުކުރު ދުވަހުގެ ފަތިހުގެ ވަގުތެވެ. އަހަރެންނާއި އަހަރެންގެ ރައްޓެހިން ތައްޔާރު ވަމުން ދިޔައީ ދަތުރު ދިއުމަށްޓަކައެވެ. ދަތުރަށް ބޭނުންވާނޭ ހުރިހާ އެއްޗެއް ދޯންޏަށް އެރުވުމުގެ މަސައްކަތް ވަރަށް ފޯރިޔާއެކު ކުރިއަށް ދިޔައެވެ. ރޭވިފައި އޮތީ ހެނދުނު 6 ޖަހާއިރު ނައްޓާލާ ގޮތަށެވެ. ނަމަވެސް 6 ޖެހި އިރުވެސް ނައްޓާލެވޭ ގޮތެއް ނުވިއެވެ. ދަތުރުގެ އެންމެ މުހިންމު އެކަކު އަދިވެސް ބަނދަރަކަށް ނުނިކުމެއެވެ. އެއީ ފަރުހާދުއެވެ.
ފަރުހާދަކީ އަހަރެންގެ ރައްޓެހިންގެތެރޭގައި އަދި އަހަރެމެންގެ ގުރޫޕުގައި ހުރި އެންމެ ރަނގަޅު ކުއްޖާއެވެ. އޭނާ ބަރާބަރަށް ނަމާދު ކުރެއެވެ. ރަސޫލާގެ ސުންނަތަށް ތަބާވެ އެގޮތައް އަމަލު ކުރުމަކީ އޭނާގެ އެންމެ ހާއްސަ އެއް ސިފައެވެ. އަހަރެމެން ކުރާ ގޯސް ކަންތައްތަކަށް އޭނާ ނަފުރަތު ކުރެއެވެ. އަދި އެފަދަ ގޯސް ކަންތައްތައް ނުކުރުމަށް އަހަރެމެންނަށް އޭނާ ނަސޭހަތް ދެއެވެ. ހާއްސަކޮށް ދޮގު ނުހެދުމަށް އަބަދުވެސް އޭނާ އަހަރެމެން ކައިރީ ބުނަމުން ދެއެވެ. ސަމާސާއަކަށް ނަމަވެސް ދޮގެއް ނުހެދުމަށެވެ. މި ދަތުރުގައި އޭނާ ބައިވެރި ނުވަނީ އަހަރެމެންގެ އަމަލުތައް ހުންނަގޮތުން ކަމަށް ފަހަރުގައި ވެދާނެއެވެ.
ކޮންމެއަކަސް ފަރުހާދުގެ ހަބަރެއް ނުވުމުން އަހަރެމެން އޭނާއަށް ފޯނު ކުރީމެވެ. އޭނާ ބުނީ ދަތުރު ނުދާނެ ކަމަށެވެ. ސަބަބެއް ކަމަށް އޭނާ ބުނީ ހުކުރު އަޅާފައި ދާން ޖެހޭތީއެވެ. އަދި އަހަރެމެންގެ އަމަލުތައް ހުންނަގޮތުން އޭނާ ހިތްހަމަ ނުޖެހެނީ ކަމަށެވެ. އަހަރެމެން އެ ރަށަށްގޮސް ކޮންމެފަދަ އަމަލެއްވެސް ކޮށްފާނެ ކަމަށް އޭނާބުންޏެވެ. ފަރުހާދުގެ މި ޖަވާބަށް އަހަރެމެންގެ ތެރެއިން ވަރަށް ގިނަ ކުދިން މަލާމާތްކޮށް ހީހެދިއެވެ. އެއްބަޔަކު ބުނީ ފަރުހާދަކީ ފިނޑިއެއްކަމުގައެވެ. އަނެއްބަޔަކު ބުނީ ފަރުހާދު އެހުރީ ހާބީ ވެފާކަމުގައެވެ. އޭނާއަށް ރަށުގެ މުދިމުކަން ދޭންވީކަމުގައެވެ.
ރަށުން ދޯނި ނައްޓާލައިފީމެވެ. ކަނޑުމަޑު މޫސުން ރީތި ދުވަހެކެވެ. ދާން ހަމަޖެހިފައިވާ ރަށަކީ ފުދޭވަރަކަށް ދުރު ރަށެއްކަމުން ކަނޑުމަތީގައި ވަރަށްގިނަ އިރު ހޭދަކުރަންޖެހުނެވެ. އެހެންވެ ދޯނި މަތީގައި ސަކަރާތްޖަހާ މަޖާކުރުން އޮތެވެ. ބެރުޖެހުމާއި ލަވަ ކިޔުމެވެ.
ގާތް ގަނޑަކަށް 2 ގަޑި އިރެއްހާއިރު ދަތުރު ކުރުމަށްފަހު އަހަރެމެން ގެ ދަތުރުގެ މަންޒިލަށް ވާސިލް ވެވިއްޖެއެވެ. ރަށަށް ފޭބުމަށްފަހު ފުރަތަމަ އޮތީ ހެނދުނުގެ ސައި ބުއިމެވެ. އެއަށްފަހު ތަފާތު ކުޅިވަރުތައް ކުޅުން އޮތެވެ. ފުޓްބޯޅަ އާއި ވޮލީއެވެ. އަދިވެސް އެހެނިހެން ކުޅިވަރުތަކެވެ. ކުޅިވަރުތަކުގެ ތެރޭގައި ފޯރިގަދަ ކަމުން ވަގުތު ދިޔަ ނުދިޔަ ގޮތެއްވެސް ނޭނގުނެވެ. ގަޑި ބަލާލި އިރު މެންދުރު އަނބުރާ 2 ޖަހަނީއެވެ. ހުކުރު ވަގުތު ދިޔަ އިރުވެސް އަހަރެމެން ތިބީ ފޯރީގައި ކުޅޭށެވެ.
ކުޅިވަރުތައް ކުޅެ ނިންމާލުމަށްފަހު އޮތީ މެންދުރުގެ ކެއުމެވެ. ކާންތިބެގެން އެންމެން އެންމެނަށް ތަފާތު ވާހަކަތައް ދެއްކިއެވެ. މިގޮތުން އަހަރެމެންގެ ތެރޭގައި އިން އަހުމަދު ކިޔާ ކުއްޖަކު ހިޔާލެއް ދިނެވެ. އޭނާ ދިން ހިޔާލަކީ ކޯސްޓްގާޑަށް ގުޅާފައި އަހަރެމެންގެ ދޯނި ކަނޑު ގަދަ ވެގެން އަޑިޔަށް ދާވާހަކަ ބުނުމެވެ. " ކާކު ތިވާހަކަ ގަބޫލު ކުރާނީ؟ މިހާރުވެސް މޫސުން މި އޮތީ ވަރަށް ރީތިކޮށް، އެހެން ނޫނަސް އަހަރެންގެ ބައްޕަގެ މި އޮޑި އަޑިޔަށް ދާކަށެއް ނުކެރޭނެ. މި ދޯނި އަޑިޔަށްދާވަރުގެ ރާޅެއް ކަނޑުގަ ނުވެސް ނެތެއްނު." އަހަރެން ބުނީމެވެ. އަހަރެންގެ މިވާހަކަ އެމީހުން ގަބޫލެއް ނުކުރިއެވެ. އަދި އެންމެފަހުން ކޯސްޓްގާޑަށް ގުޅާފައި އެހެން ބުންޏެވެ. އެމީހުން އެކަން ކުރީ ސަމާސާއަކަށެވެ. މަޖަލަކަށެވެ.
އެންމެފަހުން ދަތުރު ނިންމާލާފައި ރަށަށް ދާ ގަޑި ޖެހިއްޖެއެވެ. އޭރު އިރު އޮއްސެނީއެވެ. އެރަށުން ދޯނި ނައްޓާލިތާ މާގިނަ އިރު ތަކެއްނުވެ މޫސުން ގޯސްވެ ކަނޑު ގަދަވާން ފަށައިފިއެވެ. ބޯ ކެރިއާއި އެކީ ގަދަ ވައި އަތުވެއްޖެއެވެ. ދެވޭ ނުދެވޭ ދިމާލެއް ނޭނގެއެވެ. ދޯނި ދިޔަވާންވެސް ފަށައިފިއެވެ. އެއްބަޔަކު ބިރުން ތެޅި ފޮޅެނީއެވެ. އަނެއްބަޔަކު ބެލީ ދޯންޏަށް އަރަމުންދާ ދިޔަތައް ހިއްކޭތޯއެވެ. ނަމަވެސް އެކަން ކާމިޔާބެއްނުވިއެވެ. ދޯނީގައި ހުރި ޕަންޕުވެސް ހުރީ ހަލާކު ވެފައެވެ. އަހަރެން ކުއްލިއަކަށް ހަނދާންވީ މެންދުރު ކާންތިބެފައި ދެއްކި ވާހަކަތަކުގެ މަތިންނެވެ. މި ހިޔާލު އައުމުން އަހަރެން މަސައްކަތް ފެށީ ކޯސްޓްގާޑަށް ގުޅާށެވެ. ފޯނު ހިފައިގެން އެހެން އިންދާ ކޮންމެވެސް އެއްޗަކުން އަހަރެންގެ ބޮލުގައި ޖެހުނުހެން ހީވިއެވެ. ދެން ވީ ނުވީއެއް ނޭނގުނެވެ. ހޭ އެރި އިރު އޮތީ ރަށު ހޮސްޕިޓަލްގައެވެ. ކައިރީގައި މަންމަ އާއި ބައްޕަ އަދި ޑަކްޓަރު ހުއްޓެވެ. ޑަކްޓަރު ބުނީ ހޮނުގެ ސަބަބުން އަހަރެންގެ ފައި ވާގި ނެތިފައިވާކަމުގައެވެ. އަދި އެކަން ރަނގަޅު ނުކުރެވޭނެކަމުގައެވެ. ދެން އިތުރު މައްސަލައެއް ނެތްކަމުގައިވެސް ޑަކްޓަރު ބުންޏެވެ. އަހަރެން ވަރަށް ދެރަވިއެވެ.
ޑަކްޓަރު ދިއުމާއި އެކީ އެތަނަށް ވަދެގެން އައީ ސިފައިންގެ މީހެކެވެ. ސިފައިންގެ މީހާ އަހަރެންނަށް ކަން ހިނގިގޮތް ކިޔާދިނެވެ. އޭނާ ބުނި ގޮތުގައި އަހަރެމެންގެ ދޯންޏަށް ހޮނު އެޅީއެވެ. އެވަގުތު ކޯސްޓްގާޑްގެ ލޯންޗް އޮތީ އަހަރެމެންގެ ދޯންޏާއި ދާދި ކައިރީގާ ކަމުން، އަހަރެމެންގެ ދޯންޏަށް ހޮނު އެޅި މަންޒަރު ވަރަށް ކައިރިން އެމީހުން ދުށްކަމަށް އޭނާ ބުންޏެވެ. " ހޮނު އަޅާ ދޯނި އެކީ ހަލާކުވީ. އަދި ހޮނު އެޅުމުގެ ތެރޭގައި ބައެއްކުދިން ވަނީ ފިހިގެން މަރުވެފަ. އަނެއްބައި ކުދިން ވަނީ ވީނުވީއެއް ނޭނގި ގެއްލިފަ" އޭނާ ކިޔައި ދިނެވެ. އަދި ސަލާމަތްވީ އަހަރެން އެކަނި ކަމުގައިވެސް ބުންޏެވެ.
އަހަރެން ގެއަށް ފޮނުވާލީ އޭގެ އަނެއްދުވަހު ހެނދުނެވެ. ގެއަށް ދިޔަ މަގުމަތީގައި ފަރުހާދުއާ ދިމާވިއެވެ. އޭނާ އަހަރެންނާއި ވަރަށް ގިނަ ވާހަކަ ދެއްކި އެވެ. އަދި ވަރަށް ގިނަ ނަސޭހަތްދިނެވެ. އަހަރެން ކަންހިނގި ހުރިހާ ގޮތެއް ފަރުހާދަށް ކިޔައިދިނީމެވެ. އެދުވަހަށް ފަހު އަހަރެން އަޒުމް ކަނޑައެޅީމެވެ. ގޯސްގޮތަކަށް ނޫޅުމަށެވެ. ބަރާބަރަށް ނަމާދުކޮށް ރަސޫލާގެ ސުންނަތައްއުޅުމަށެވެ. އަހަރެމެންގެ ދަތުރަށް މިފަހަރު މިހެން މިވީ ހުކުރު އަޅާފައި ދިއުމުންކަން އަހަރެން ގަބޫލު ކުރަމެވެ. މި ދަތުރުގެ ހަނދާނެއް އަހަރެން ދުވަހަކުވެސް ހަނދާނެއް ނުނެތޭނެއެވެ. ހުކުރު އަޅާފައި ދަތުރު ދާ ކޮންމެ ފަހަރަކު ކަމެއް ނުވެދާނެއެވެ. ނަމަވެސް ކަމެއް ވާނީކީ ބުނެފައެއް ނޫނެވެ. ވިސްނާށެވެ. ﷲ އާއި ރަސޫލާގެ އަމުރުފުޅުތަކަށް ކިޔަމަންވާށެވެ.
Wednesday, December 30, 2009 |
Posted in
ވާހަކަ
|
އިތުރަށް ވިދާޅުވޭ »
އަޙްމަދު ފަހުމީ
ތަޢާރުފު
ފާރާބީ އަކީ، ދުނިޔޭގައި އުފެދުނު ވިސްނުން ތޫނު، ފުރިހަމަ، މޮޅު، ހަތަރު މީހުންގެ ތެރެއިން އެކަކު ކަމުގައި ބެލެވެ އެވެ. އޭނާ އަކީ، ޖުމްލަކޮށް ހުރިހައި ދާއިރާއަކަށް ވެސް މޮޅު ބޭފުޅެކެވެ. މީނާގެ ފުރިހަމަ ނަމްފުޅަކީ، أبو نصر محمد بن محمد بن أوزلغ بن طرخان އެވެ.
ޙަޔާތުގެ ކުރީކޮޅާއި ތަޢުލީމާއި ތަރުބިޔަތު
އަބޫ ނަޞްރު ފާރާބީ އަކީ، ވަރުގަދަ ސިކުނޑީގެ ވެރި ބޮޑު މުފައްކިރު އަދި ސައިންސު ދާނެވެ.
Tuesday, December 29, 2009 |
Posted in
ޝަހުސިއްޔަތު
|
އިތުރަށް ވިދާޅުވޭ »
މިއީ އަހަރެމެންގެ ތެރެއިން ގިނަމީހުންނަށް މާ އާކަމަކަށް ނުވެ ދާނެއެވެ. ނަމަވެސް މި ލިޔުން ހިމަނާލަން ޖެހުނީ މިކަން ކުރަންނޭގޭ ބައެއްމީހުން އަޅުގަނޑުމެންގެ ތެރޭގައި މަދުން ނަމަވެސް އުޅޭކަން އަޅުގަނޑަށް ފާހަގަ ކުރެވިގެންނެވެ. ދާދި ފަހުން އަޅުގަނޑުގެ ރައްޓެއްސަކުވެސް މިކަން ކުރާނެ ގޮތެއް ނޭނގިގެން އަޅުގަނޑަށް ގުޅިއެވެ. އެހެން ކަމުން މި ލިޔުމުގެ އެހީގައި މިފަދަ ފަރާތްތަކަށް އެހީއެއް ލިބިގެންދާނެ ކަމަށް އުންމީދު ކުރަމެވެ.
Monday, December 28, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
Friday, December 25, 2009 |
Posted in
ވީޑިޔޯ
|
އިތުރަށް ވިދާޅުވޭ »
ރާއްޖޭގެ އަތޮޅުތަކުގެ ޒޯން ފުޓުބޯޅަ މުބާރާތަކަށް ރަށެއްގެ ބަޔަކު ތައްޔާރު ވަމުން ދަނީއެވެ. ރަށަށް ރީތި ނަންހޯދާން، މޮޅު ކަމިޔާބީ ހޯދާން، މުޅި ރައްޔިތުންވަނީ އެކަތިގަނޑަކަށްވެ އެއްއަންބާއެއް ފަށާފައެވެ.ހަގެއް ދޮށްޓެއް މުސްކުޅިއެއް ޒުވާނެއް، މުއްސަންޖެއް ފަގީރެއް، އަންހެނެއް ފިރެހެނެއް، ވަކި ތަފާތެއްނެތެވެ.
ރަށުގެ ފުޓުބޯޅަ ޓީމުގެ ކެއިން ބުއިމާއި، ސިއްހީ ކަންތައްތައްވެސް ބެލެހެއްޓެމުންދަނީ ރަށުގެ އެންމެ މަތީ ފެންވަރުގައެވެ. ލައިގެން ކާނެ އެއްޗިހި ހޯދުން ވަނީ މަސްދޯނި ފަހަރުގެ މައްޗައް ބަހާލެވިފައެވެ. ސިއްހީ ފަރުވާގެ ކަންތައްތަކުގައި " ސެންޓަރުމީހާ" ގެ އިތުރަށް ރުއްގަލުބޭހާއި ރާއްޖެބަލީގެ ބެސްފަރުވާ ކުރުމަށް ކުޅަދާނަ ހަކީމަކު ޖާމިނުވެގެން ތިއްބެވެ. ޓީމުގެ " ސެކިޔުރިޓީ" އާއި ހަވާލުވެލެއްވީ ރަށުގެ އެންމެންގެ ލޯތްބާއި ގަބޫލުވުން ލިބިފައިވާ މުސްކުޅި މުދިންބެއެވެ.
ޓީމުގެ ފަރިތަކުރުންތައް ފަރިތަކަމާއެކު ކުރިއަށް ދެއެވެ. ފަރިތަކުރުން އޮންނަ ކޮންމެ ދުވަހަކު ރަށުގެ ފައި އިނދޭ ފުރައިން ފެށިގެން " كلهم أجمعين" އޮންނަނީ ދަނދު ދޮށަށް ހާޒިރުވެފައެވެ. އޭރު ކޮންމެވެސް ގެއެއްގެ ބޮޑުއަށި މަތީގައި ނިމޭގަޑީގެ ސައި، ކުޅި ބޯކިބާ ބިސްގަނޑު ކަވާބު ތަށިތަށީގައި އެތުރެމުން ދާނެއެވެ.
މިކަމުގައި އެންމެ އިސްކޮށް، ނަގަކިޔަން ހުންނަނީ ރަށުގެ ތަރައްގީގެ ކޮންމެ ކަމެއްގައިވެސް އެންމެ އަޑުހަރުކޮށް އުޅޭ މާވަހަރުދޯނީގެ ކެޔޮޅު ސަމަދެވެ. ކާބަފައިންގެ ތަރިކައިން އޭނާއަށް ވާރުތަވީ ހަމައެކަނި އޮޑިދޯނި ފަހަރާއި ވިޔަފާރީގެ މުއްސނދިކަމެއްނޫނެވެ. ރަށުވާދަޔާއި އުފަން ފަސްގަނޑަށް ލޯބި ކުރުމުގެ ރޫހަކީވެސް ވާރުތައިން އޭނާއަށް ލިބުނު ތަރިކައެކެވެ. ރަށަށް ހިދުމަތެއްކުރުމަށް ފުރުސަތު ލިބިއްޖެ ކޮންމެހިނދެއްގައި ތިޔަކަންވާނީ މަށަށޭކިޔާ އޭނާއަށް ފުންމައިގެން ދެވެނީ އެހެންވެގެންނެވެ.
މާދަމާ އަކީ މުބާރާތުގައި ރަށުޓީމު ފުރަތަމަމެޗު ކުޅޭދުވަހެވެ. މުޅިރަށުތެރެހީވަނީ ދިހަރޯދަ ޢީދަށް ތައްޔާރުވާހެންނެވެ. ބޮޑަށްއޮތީ ގެގޭގައި ޒިކުރު މާލޫދު ކިޔުމާއި ވިދުރު ސަލަވާތް ކިޔެވުމެވެ. ޅަފުރައިގެ ކުދިން ބައެއް ފޮތިގަނޑުގަނޑުގައި ތަފާތު އުންމީދީ ޢިބާރާތްތައް ލިޔެ މަގުމަތީގައި ދަމާ އުޅެއެވެ.
މިރޭގެ އެންމެ ހާއްސަކަމަކަށްއޮތީ ރަށު މާލޫދު ހަރުގޭގައި އޮތް ރައްޔިތުންގެ ބައްދަލުވުމެވެ. މި ބައްދަލުވުމުގައި ރަށުގެ ފުޓްބޯޅަ ޓީމުގެ މެންބަރުންވެސް ބައިވެރިވިއެވެ. މާލެގައި ކިޔަވަންގޮސްތިބި ބައެއްކުދިންވެސް މިވަގުތު ރަށުގައި އައިސް އުޅޭތީ އެގެތެރެއިން ބައެއްކުދިންވެސް ބައިވެރި ވިއެވެ. ހާއްސަކޮށް މި ޓީމުގެ ކޯޗަކީ އެފަދަ ކުއްޖަކު މެދުވެރިވެގެން މާލެއިން ހޯދާފައިވާ ކޯޗަކަށްވާތީ އެކުއްޖާވެސް މިރެގެ ބައްދަލުވުމުގެ ތަންކޮޅެއް އިސް ސަފުން އެބަފެނެއެވެ.
ބައްދަލުވުން ފެށިއްޖެއެވެ. ވާހަކަ ދެކެވެނީ މާދަމާގެ ކަންތައްތައް ބަހައްޓަންވީ ގޮތުގެ މައްޗަށެވެ. މެޗަކަށްޓަކައި ވާންޖެހޭ ތައްޔާރީ ތަކުގެ މައްޗަށެވެ. ހޯދަންޖެހޭ ތަކެތީގެ ތެރެއިން އަލަށް އިވުނު ނަމަކީ ކޫލް ބޮކްސް އެއްގެ ނަމެވެ. ކޫލް ބޮކްސް އެއް ލިބިދާނެތޯ ދެފިކުރެއްގެ މަތީގައި އިނދެ އެއްކަލަ ޒުވާނާ އަހާލިއެވެ. މާލޭން އައިސް އިން ޒުވާނާގެ މި ޚިޔާލަށް ފުންމައިގެންގޮސް މިފަހަރުވެސް ތެދުވީ އެއްކަލަ ކެޔޮޅެވެ. " ކަލޯ ހީކުރާ ގޮތް ދޯ! ތިޔަ ހޯދަންވާ އެއްޗެއްގެ ނަންބުނޭ. ހެޔޮ ވިލަތެއް ނޫން ކޮންމެ ތަނެއްގައި ހަދާފައި ހުރި އެއްޗަކަސް. ބިންކޮނެ އާނު ކަނޑައިގެން ނަމަވެސް ތިޔައެއްޗެއް ދަމާ ނެރެ އަތުޖައްސާނަން." ކެޔޮޅުބޭގެ މި ޖޯޝީ ބަސްތަކަށް މުޅި ތަން ގުގުމައިގެން ދިޔައެވެ. ހީވަނީ މިވެސް އަނެއްބައިގެ ގޯލަށް ވައްދާލެވުނު ލަނޑެއް ހެންނެވެ.
އަސުރުން ފައިބައި އިރުކޮޅެއްވީތަނާ ކެޔޮޅު ހޯދަން އެގެއަށް ގޮސް ކުއްޖަކު ވަދެއްޖެއެވެ. ކޯޗު ބުނެގެން އެއްކަލަ ކޫލް ބޮކްސްގެ ޚަބަރު ބަލައިލާން ދިޔަ ކުއްޖެކެވެ. ކެޔޮޅުބެ އަހާނ! އެއްކަލަ ގޮލައި ހޯދަންދޯއޭ ބުނެ މަޑުކޮއްލަން އިޝާރާތް ކޮށްފައި ގޮސްވަނީ ބަނޑަހަގެޔަށެވެ. އިރުގަނޑަކު އުޅެފައި ނިކުމެ ބޮލުގައި އަތް އުނގުޅަން ހުރެފައި ، އާނ! އެނގިއްޖޭ ކިޔާފައި ހަރުގަންނަވާފައި ބޭރަށް ނިކުމެ އަތިރިޔާވީ ފަރާތަށް އެބަހަރަގެން ދެއެވެ. އެވާނީ އެ ސޮރުމެން މަސައްކަތްކުރާ، މިއޮއް ފަޅުރަށުގައޭ ކިޔަމުންނެވެ. ބައްތެލީގައި އެރަށްގޮސް އެހިފައިގެން އެބަ އަންނަމޭ ގޮވަމުންނެވެ. ފިކުރު ބޮޑު ނުކުރާށެވެ! އެންމެ ދޮޅަހަކަށް މިނެޓެވެ!
މެޗު ފެށިއްޖެއެވެ! ކެޔޮޅުބޭ ދައްކައެއް ނުލައެވެ! ދަނޑަށް ގެންނަންޖެހޭ ފިނި ކުރި ފެންފުޅިތަކާއި، ގުލްކޯޒްއެޅި ކުރުނބާ ފަންޏާއި، ގަނޑުފެން ޕެކެޓްތައް ހުރީ ރަށުގައި ހުރި ހަމައެކަނި ފުރިޖް ކަމަށްވާ ރައްޔިތުންގެ އިންޖީނުގޭ ފުރިޖް ގައެވެ.
ހީކުރި ވަރށް ވުރެ ނަސީބު މާރަނގަޅެވެ. ވީލް ބަރޯއެއް ހިފައިގެން މިކޮޅަށް ބޫން ކަނޑަނިކޮށް މިހާރު މަގުކޮޅުން އެ ފެންނަނީ ކެޔޮޅު ސަމަދެވެ. އިންޖީނުގެއާ ހަމައަށް މަޑުނުކޮށް އިންޖީނުގެ ފަސްދީ ދަނޑާ ދިމާއަށް އޭނާ މެކުހަށް ޖަހާފައި އެހުރީ ކީއްވެ ބާވައެވެ.؟
މިހާރު ދަނޑާ އަރާ ހަމަވެއްޖެއެވެ. މުޅިމީހާ ހުރީ ވަރުބަލި ވެފައެވެ. ލަހިވެ މަތިނޭވަޔަށް ވެފައެވެ. އާއްމުކޮށް އަންނަ ސިނގު ރުޅިގަނޑުގެ ކަނި މޫނު މަތިން ބުރަބުރައެވެ. ރުޅިއައީ ރަށުމީހުން ދެކެއެއްނޫނެވެ. އޭނާގެ އެންމެ ދޮށީ ދަރިފުޅު ދެކެއެވެ. މިފަދަ ބޮޑު ދުވަހެއްގައި އެފަދަ ބޭނުންތެރި އެއްޗެއް އެކުދިން މަސައްކަތް ކުރާ ފަޅު ރަށުގައި ބެއްޓީތީއެވެ.
އޭނާ އެއައި ބާރު މިނުގައި އައިސް ވީލްބަރޯއިން އަތް ދޫކޮށްލުމުން ބަރޯގެ ދެފައިގެ ކޮޅު ބިމަށް ހެރިގަތް ޑަނގަ ޑަނގަ އަޑާ އެކު ކޯޗާ ދިމާޔަށް ބުންޏެވެ. " އަނ! މިއޮތީ ތިޔަ އެއްޗަކީ! އަހަރެމެން އަތުގައި އެއްޗެހި ނެތިއެއް ނުދާނެ" އޭރު އޭނާ ގެނައި ފޮށީގެ އުޅަށްގަނޑުގައި ހިފާ ކޯޗާ ދިމާޔަށް ދިއްކޮށްގެން ހުއްޓެވެ. " އާނ.. ކީކޭ ކެޔޮޅުބޭ؟ " ކޯޗް ހައިރާން ކަމާއެކު ސުވާލު ކުރިއެވެ. " ރޭގައި ހޯދަން ބުނި އެތި މި އޮތީއޭ...."
މެޗަކާ މެޗެކެވެ. މުޅިހިސާބުގަނޑުގެ އެންމެންގެ ލޯ މިހާރު ހުއްޓިފައި އެހުރީ މިދިމާއަށެވެ. ކެޔޮޅާއި ކޯޗާ ދިމާއަށެވެ. ކޫލް ބޮކްސް އެއް ބޭނުންވާނެ ކަމަށް ރޭގައި ހިޔާލު ފާޅު ކުރި ޒުވާނާ އާ ދިމާޔަށްވެސް މެއެވެ.
މިހާރު ކޮންމެ މީހަކުވެސް ވަނީ ހައިރާން ކަންމަތީގައެވެ. އަނގަ ފަޅައިލާފައި ފުލް ޕްރެޝަރުގައި ނިކުންނަން ވަރުދައްކަމުންދާ ގަދަ ހިނިގަނޑު އޮބަހެއްޓޭތޯ ހިތްމަތްކުރުން މަތީގައެވެ.
ތެދެކެވެ. ކޫލް ބޮކްސް އަކީ އަދި މުޅި އެރަށްވެސް ހަމަ މުޅިން އާނަމެކެވެ. އާ އެއްޗެކެވެ. ކެޔޮޅުބެއަށް ފަރިތަ އޭނާ ދަންނަ ނަމާ މިނަން މާ ވައްތަރީއެވެ. އޭނާ ދަންނަނީ އޮޑީ އިންޖީނު ހެދުމުގެ މަސައްކަތުގައި ގެންގުޅޭ އެއްޗެއްގެ ނަމެވެ. އޭނާ ހީކުރީ އޭގެ ވާހަކަ ކޯޗު ބުނީ ކަމަށެވެ. އެ އެއްޗަކީ ކޫލް ބޮކްސް އެއް ނޫނެވެ. އެއީ ކޮން އެއްޗެއްތޯ ރަނގަޅަށް އޮޅުން ފިލުވާލުމަށްޓަކައި "ކޫލް ބޮކްސް" މިނަމުގެ ފެށޭ އަކުރު ޓަވިޔަންޏަކަށް ބަދަލު ކޮށްލާށެވެ...އާދެ! ކެޔޮޅު ސަމަދު ފަކީރު ކަނޑުފަތައިގެން މިގެނައީ "ޓޫލް ބޮކްސް" އެކެވެ. އުމުރުން ދުވަސްވެ ލޯބޯ ކޮށިވީމާ ކެޔޮޅުބެއަށް ކުޑަ އޮޅުމެއް އެރީތާއެވެ.
ދި-ބުރުނު ގެ ނޯޓް: މިއީ 2006 ވަނަ އަހަރު މައުހަދުގެ ގްރޭޑް 11 ގެ ދަރިވަރުންގެ ދިވެހި އިމްތިހާނުގެ ދޭހައަށް ހުށައަޅާފައިވާ ލިޔުމެކެވެ. މި ލިޔުން ތިޔަބޭފުޅުންނާ ހިއްސާ ކޮއްލުމުގެ ގޮތުން މި ބްލޮގް ގައި ހިމަނާލީއެވެ.
Thursday, December 24, 2009 |
Posted in
ވާހަކަ
|
އިތުރަށް ވިދާޅުވޭ »
ތަޢާރުފު
މުޙައްމަދު ބިން މޫސާ އަކީ، ފަލަކީ ޢިލްމާ ފަލްސަފާއާ ހިސާބު ޢިލްމާ އަސްދުއްވުން ތެރިކަމަށް ވެސް ކުޅަދާނަ ބޭފުޅެކެވެ.
ޢިލްމީ ޙަޔާތާއި ތަޢުލީމާއި ތަރުބިއްޔަތު
އަބޫޖަޢުފަރު މުހައްމަދު ބިން މޫސާ ޝާކިރަކީ، ބައިތުލް ޙިކްމަތުގައި ތަޢުލީމާއި ތަރުބިއްޔަތު ލިބިވަޑައިގެންނެވި ތިންބެއިން ކުރެ އެކެކެވެ. އެހެންކަމުން ވަރަށް ފުރިހަމައަށް އޭނާއަށް ތަޢުލީމާއި ތަރުބިއްޔަތު ލިބިވަޑައިގަތެވެ. ޢިލްމަށް އޭނާ ހުރި ޝައުޤުވެރިކަމުގެ ބޮޑުކަމުން އެމަގުގައި ވަރަށްގިނަ ޢަދަދަކަށް ފައިސާ ވެސް ޚަރަދު ކުރައްވަމުން ގެންދެވިއެވެ. އޭނާގެ އެކުވެރިން ކަމުގައި އިޚްތިޔާރު ކުރެއްވީ، ހެޔޮލަފާ ރަނގަޅު މީހުންނެވެ. އެހެންކަމުން އޭނާ އަކީ، ރަނގަޅު ރަށްވެއްސަކަށް ވެވަޑައިގެންނެވި އެވެ.
އޭނާގެ ކާބަފައިންގެ މަސައްކަތަކީ، އަސް ދުއްވުމެވެ. އެހެންކަމުން އޭނާއަކީ ވެސް މި ފަންނުގައި ކުޅަދާނަ ބޭފުޅަކަށް ވެވަޑައިގަތެވެ. އޭނާ ހަނގުރާމައިގައި ވެސް ބައިވެރިވެ ވަޑައިގެންފައި ވެ އެވެ.
މީނާ، ބަޣުދާދުގައި، ދެވަނަ ސައެންސު އެކަޑަމީއެއްގެ ބިންގާ އެޅުއްވި އެވެ.
ޢިލްމީ ޚިދުމަތްތައް
މުޙައްމަދު ބިން މޫސާ، ވަރަށްގިނަ ޢިލްމީ ޚިދުމަތްތައް ކުރައްވާފައި ވެއެވެ. އެއްކަމަކަށް ފާހަގަ ކުރެވެނީ، އޭނާ އުފެއްދެވި ޢިލްމީ އިދާރާއެވެ. މިތަނުގެ ޚަރަދު ބަރަދު ބެލެހެއްޓެވީވެސް އޭނާއެވެ. އޭނާ ވަރަށްގިނަ ޤާބިލް ބޭފުޅުން އެއްކުރެއްވިއެވެ. އަދި ވަރަށްގިނަ ޢިލްމީ ފޮތްތައް ޢަރަބިބަހަށް ތަރުޖަމާ ކުރެއްވި އެވެ.
އޭނާއަކީ، ހިސާބު ޢިލްމުގެ ވެސް މާހިރެކެވެ. ވިސްނަވައި، ފިކުރު ކުރެއްވުމަށްފަހު ދެ މިންވަރެއްގެ ދެމެދުގައި މުތަނާސިބު ދެ މިންވަރު ހޯދާނެ މަގު އީޖާދު ކުރެއްވި އެވެ. އޭގެ ސަބަބުން ހިސާބު ޢިލްމަށް ވަރަށް ބޮޑު ފަސޭހަކަމެއް ލިބުނެވެ.
މުޙައްމަދު ބިން މޫސާ އަކީ، ކީމިޔާވީ ތަރާޒޫ އެއް އީޖާދުކުރެއްވި އެވެ. މިއަދު ކެމިކަލް ބެލެންސު - chemicall balance ގެ ނަމުން މަޝްހޫރު ތަރާޒޫއަކީ، މުޙައްމަދު ބިން މޫސާ ޝާކިރުގެ އުފެއްދެވުމެކެވެ. މި ތަރާޒޫ އިން ކިތަންމެ މަދު މިންވަރެއް ވެސް ހަމައަށް ކިރައިލެވެ އެވެ. މި ތަރާޒޫ އަކީ، ހީރާ އާއި ޖަވާހިރާއި އަގުބޮޑު ބޭސް ކިރުމަށް ތައްޔާރު ކުރެވިފައިވާ ތަރާޒޫ އެކެވެ. މިއަދުވެސް ދުނިޔޭގައި ސައެންސު ލެބޯޓްރީ ތަކުގައި ބޭނުން ކުރެވެނީ މި ތަރާޒޫ އެވެ.
Tuesday, December 22, 2009 |
Posted in
ޝަހުސިއްޔަތު
|
އިތުރަށް ވިދާޅުވޭ »
އެންޓި މައުމޫން އަދި އައްނި
ޑީ.އާރް.ޕީ އަށް. ނުހަނު އިހްތިރާމާއެކު ދަންނަވަމެވެ. ތިޔަ ބޭފުޅުންގެ ލޮބުވެތި މައުމޫންގެ 30 އަހަރު ވީ ދިގު ވެރިކަމުގައި ކޮށްފައިވާ ނުރަނގަޅު ކަންތައް ރައްޔިތުންގެ ލޮލަށް ފޮރުވަން ނޫޅޭށެވެ. އެ30 އަހަރުގައި އިސްލާމްދީނަށް ކުރި ފުރައްސާރަ ތަކާއި އެދީން އެމަނިކުފާނު ބޭނުންވާގޮތަށް ބަދަލުކުރަން ކުރި މަސައްކަތް ރައްޔިތުންގެ ލޮލަށް ފޮރުވަން ނޫޅޭށެވެ. ޤުރުޢާނުގެ އާޔަތް ތަކާއި އިސްލާމްދީނުގެ ޝިޢާރު ތަކައް ކުރި މަލާމާތް ފޮރުވަން ނޫޅޭށެވެ. ދަންނަވަންތޯއެވެ؟ ކިތަންމެ ވަރަކަށް ފޮރުވަން އުޅުނަސް އަހަރުމެން މިތިބީ ހަމަ ހޭގައެވެ. ރައީސް ނަޝީދު އަބަދަށް ހަމަ ހޭގަ ތިބެން ނުޖެހޭނެޔޭ ދެންނެވުމުން ތިބޭފުޅުން ހީކުރެއްވީ އަހަރުމެންތިބީ މަސްތުގެ ތެރޭގައި ކަމަށް ތޯއެވެ. އެހެނެއް ނޫނެވެ. އަހަރުމެން މިތިބީ ހަމަ ހޭގައެވެ. އެހެން ހީފުޅުވެސް ނުކުރައްވާށެވެ.
Saturday, December 19, 2009 |
Posted in
ސިޔާސީ
|
އިތުރަށް ވިދާޅުވޭ »
"އުމުރުން 23 އަހަރުވީއިރުވެސް އެންމެ ސަޖިދައެއްވެސް ނުޖަހައެވެ. ދުނިޔޭގައި ހެއްދެވިއްޔާ ހެއްދެވިހާ ފާޙިޝް ޢަމަލުތަކެއް ދިޔައީ ކުރަމުންނެވެ. ނަމަވެސް.......... އެއަންހެންކުއްޖާއަށް ކުރެވުނު ކުށުގެ އުޤޫބާތެއްގެ ގޮތުން ދަންޖައްސާ މަޅިގަނޑާދިމާލަށް ގެންދެވުނު އިރު މުޅިތަން ވަނީ މީސްތަކުންނާއިގެން ފުރިފައެވެ. އެ ފުރާނަ މިފަނާވަނިވި ދުނިޔެއާއި ވަކިވިހިނދު، ޢިލްމުވެރިންގެ ހެޔޮދުޢާތަކާއި، ދީންވެރި އަންހެނުންގެ އުދާސްތަކާއި،އެތަކެއް މުސްލިމުންގެކެކުޅުންތަކާއި ރުއިމުން މުޅިހިސާބު ގުގުމަމުންދިޔައެވެ.
"
Friday, December 18, 2009 |
Posted in
ދީން
|
އިތުރަށް ވިދާޅުވޭ »
ދި-ބުރުނު
އިންޓަރނެޓް ބޭނުންކުރާ ފަރާތްތަކުން އިންޓަރނެޓަށް ވަންނަ ކޮންމެފަހަރަކު އެތައްބައިވަރު ބޭކާރު ފައިލްތަކެއް ކޮމްޕޔުޓަރުގެ ސީ. ޑްރައިވްގައި ސޭވްކުރެއެވެ. މިފަހަރު މި ކިޔާލަދެނީ މިފަދަ ބޭކާރު ފައިލްތައް ފަސޭހަ ކަމާ އެކީ ފޮހެލެވިދާނެ ގޮތެކެވެ.
Wednesday, December 16, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
( ކުރީގެ ބަޔާ ގުޅޭ)
ދި-ބުރުނު
މާލޭ އެއާރޕޯޓުން ބޯޓް ނައްޓާލިތާ ގާތްގަނޑަކަށް ހަތަރު ވަރަކަށް ގަޑިއިރުގެ ތެރޭގައި ދާން ހަމަޖެހިފައިވާ ގައުމަށް ދެވިއްޖެއެވެ. އެއާރޕޯޓަށް ފައިބާ ވަށައިގެންވާ މާހައުލަށް އަހަރެން ބަލައިލީމެވެ. ފެންނަނީ މުޅިން ތަފާތު މާހައުލެކެވެ. އެކި ޑިޒައިންތަކަށް ހަދާފައިވާ އެކި ކުލަކުލައިގެ އިމާރާތްތަކެވެ. ތަފާތު ނަސްލުތަކުގެ މީހުންނެވެ. ހައިރާން ވެފައި އެތައްއިރަކު ބަލަހައްޓައިގެން ހުރެވުނެވެ.
އެއާރޕޯޓުން ނިމިގެން އަހަރެން ހުންނަން ހަމަޖެހިފައިވާ އެޕާޓްމަންޓަށް ދެވުނުއިރު އިރުއޮއްސެނީއެވެ. އެޕާޓްމަންޓަށްގޮސް ފެންވަރައިލައިގެން އެނދުގައި ޖައްސާލީ ލިބިފައިވާ ވަރުބަލިކަން ފިލުވާލުމަށްޓަކައެވެ. އެނދުގައި ޖައްސަލިތާ މާގިނައިރުތަކެއްނުވަނީސް އަރާމު ނިދީގެ ތެރެއަށް ގެނބިގެން ހިނގައްޖެއެވެ. ހޭލެވުނީ އަނެއްދުވަހުގެ ހެދުނު 9 ޖެހިފަހުންނެވެ. ތެދުވެ ފެންވަރާލާ ތާޒާވެލުމަށްފަހުދިޔައީ ރެސްޓޯރެންޓަކަށް ހެނދުނުގެ ސައިބޯށެވެ.
އެމާހައުލު ވީ އަހަންނަށް ވަރަށް އާތަނަކަށެވެ. ދަންނަ މީހަކު އުޅެނީކީ ނޫނެވެ. އެހެންވެ ކޮންމެވެސް ވަރަކަށް ފޫހިވާގޮތް ވިއެވެ. މަންމައާއި ބައްޕަ އަދި ރައްޓެހިންގެ މަތިން ހަނދާންވާން ފެށިއެވެ. އަދި އެނބުރި ރާއްޖެދާން ހިތައްއެރިއެވެ. ނަމަވެސް މަންމައާއި ބައްޕަ އެވަރުން ފޮނުވުމުން އަނބުރާލާ ރާއްޖެގޮސްފިނަމަ އެމީހުންވާނޭ ދެރަ ހިތައްއަރާފައި ކެތްކޮއްލައިގެން ހުރީއެވެ. ހެނދުނުގެ ސައިބޮއެނިމިގެން އަހަރެން އަވަސްވެގަތީ ކޮންމެވެސް ގޮތަކުން މަންމަމެންގެ ހާލުއަހުވާލު ބަލާލުމަށް މަންމަމެންނަށް ގުޅާލުމަށެވެ. އިރަދަކުރެއްވީތީ އެންމެންގެ ހާލުވެސް ރަނގަޅެވެ.
އޭގެ ދެދުވަސްފަހެވެ. އަހަރެން ކޮލެޖަށް ދާންފަށައިފީމެވެ. އެތަނުން އަހަރެންނަށް ފެނުނީ ވަރަށް ތަފާތު މަންޒަރުތަކެކެވެ. އަހަރެން އެމަންޒަރު ތަކަށް ނަފުރަތުކުރާ މަންޒަރުތަކެކެވެ. އަންހެންކުދިންނާ ފިރެހެންކުދިން ގައިގޯޅިވެ އުޅޭތަން ފެނުމުން އަހަރެން އެހާ ހިތްހަމައެއް ނުޖެހުނެވެ. އަދި ނިވާކަން ކުޑަހެދުމުގައި އަންހެންކުދިން އުޅޭތަން ބެލުމަކީ އަހަރެން ކުރާހިތްވާ ކަމަކަށް ނުވެއެވެ. އަހަރެންނަކީ އިސްލަމެއްކަމާއި އެފަދަ ގޮތްގޮތަށް އުޅުމަކީ އިސްލާމްދީނުގައި ހަރާމް ކުރައްވާފައިވާ ކަމެއްކަން އަހަރެންނަށް ރަނގަޅަށް އިގެއެވެ.
ދުވަސްތައްފާއިތުވަމުން ދެއެވެ. މަޑުމަޑުން އަހަރެންވެސް ކޮލެޖްގެ ތެރެއަށް ފަރިތަވެ ތަފާތު ރައްޓެހިންތަށް ލިބެމުން ދިޔައެވެ. ރަނގަޅުރައްޓެހިންނާއި ގޯސްތައްޓެހިންނެވެ. އަދި އެންމެ ފަހުން އެމީހުންގެ އެއުޅުން އަހަރެންނަށް ކަމުދާން ފެށިއެވެ. އެމީހުން ކުރާ ފާހިޝްއަމަލުތައް އަހަރެންވެސް ކުރަންފަށައިފީމެވެ. އެމީހުން ބުނަމުން ދިޔައީ އެއީ ފެޝަންކަމުގައެވެ. އެކަހަލަ ކަންތައްތައްނުކޮއް ތިބޭނީ ނުކެރޭ ފިނޑިންކަމުގައެވެ. އެހެންވެ އަހަރެންވެސް އަހަރެންގެ ކެރޭކަން ދައްކާލަންބޭނުންވީއެވެ. އެންމެ ފަހުންގޮސް އަހަރެންނަކީ އަހަރެމެންގެ ކޮލެޖްގައިހުރި އެކަހަލަ ކަންތައްތައް ކުރަން އެންމެ މޮޅުމީހާ ކަމުގައި ވެއްޖެއެވެ. ކޮލެޖްގެ ހުރިހަ އަންހެންކުދިންވެސް ބޭނުންވަނީ މިހާރު އަހަރެންނެވެ. އެހެންވެ ކޮންމެ އަންހެން ކުއްޖަކު ބުންޏަސް އަހަރެން އެކަމެއް އެކަމެއް އެކުއްޖަކަށް ފުއްދާދީ އެކުދިންގެ ފަރާތުން އުފާ ހާސިލް ކުރަމެވެ. ބައެއްފަހަރު އަހަރެންގެ އެޕާޓްމަންޓަށް ކުދިން ގެނެސްގެންނެވެ. އަނެއްބައިފަހަރު ކޮލެޖްތެރޭގައެވެ. އެތަންތާގައި އެއީ މާބޮޑުކަމެއްނޫނެވެ.
ދުވަސްތައް ހަފްތާތަކަށް، ހަފްތާތަށް މަސްތަކަށް، މަސްތައް އަހަރުތަކަށް ބަދަލުވަމުން ދެއެވެ. މިހާރު އަހަރެން އެއްވެސް ވަރަކަށް މަންމަމެން މަތިން ހަދާނެއްނުވެއެވެ. އަހަރެންގެ އިސްލާމްކަމެއްވެސް މިހާރަކު އަހަރެންގެ ކިބައަކު ނެތެވެ. ނަމާދެއް ނުކުރަމެވެ. ނުވިތާކަށް އަހަރެން އުޅެނީ ކްރިސްޓިއަންދީނުގެ މީހުން އުޅޭހެންނެވެ. އަދި ރާއްޖެދާކަށްވެސް ބޭނުމެއްނުވެއެވެ. އަހަރެން ބޭނުންވަނީ މިތާގައި މި އަރާމު ތަކުގެ ތެރޭގައި އަބަދާއި އަބަދު ދިރިއުޅޭށެވެ. ނަމަވެސް ކަންތައްތައް ހިނގާނީ މާތްﷲ ތަގުދީރު ކުރައްވާފައިވާ ގޮތުގެ މަތިންނެވެ.
ކުއްލިއަކަށް އަހަރެން ބަލިވެއްޖެއެވެ. ހަށިގަނޑުގައި ވޭންއަޅާވަރުން ކެތްނުކުރެވިގެން އެންމެފަހުން ޑަކްޓަރަށް ދެއްކީމެވެ. ޑަކްޓަރު އެންގީ ޓެސްޓްތަކެއް ހެދުމަށެވެ. ޓެސްޓްތަކުގެ ނަތީޖާ ލިބުނު ވަގުތު އަހަންނަށް ހީވީ ދުނިޔެ ކުދިކުދިވެގެން ދިޔަހެންނެވެ. ޓެސްޓްތަކުގެ ނަތީޖާއިން ދެއްކީ އަހަރެންނަށް އެއިޑްސް ޖެހިފައިވާކަމަށެވެ. އަހަންނަށް ހަދާނެގޮތް ހުސްވިއެވެ. އަހަރެން އެކަނިވެރިވިއެވެ. އެދުވަހުން ފެށިގެން އަހަރެންނާއި އެކީ ކޮލެޖްގައި އުޅުނު ރައްޓެހިންވެސް ގެއްލި ދުނިޔެއަށް ގިނަވިއެވެ. އެންމެފަހުން މަންމައާއި ބައްޕަގެ މަތިން ހަނދާންވާން ފެށިއެވެ. އަހަރެންގެ މާޒީގެ ހަނދާންތައް އާވާން ފެށިއެވެ. އިސްލާހުވާން ބޭނުންވިއެވެ. ނަމަވެސް މިހާރު މިވަނީ ވަގުތު ފާއިތުވެފައެވެ.
އަހަރެން ނިންމީ ވަގުތުން ރާއްޖެދާށެވެ. މަންމައައި ބައްޕަގެ ކައިރީގައި އަހަރެންގެ ހަޔާތުގެ އެންމެ ފަހު ވަގުތުތައް ހޭދަކުރަން އަހަރެން ބޭނުންވިއެވެ. ރަށަށް ދިއުމުން އަހަރެންނަށް ލިބުނީ އަދި ކުރިއަށް ވުރެ މާބޮޑު ހިތާމައެކެވެ. މަންމައާއި ބައްޕަ ވަނީ އެކަމާ ހިތާމަ ކޮށްކޮށް މިދުނިޔެ ދޫކޮއްފައެވެ. މިއީ ހަމަ އަހަރެން ކުރި ކުށުގެ ޝަޒާއެވެ. މިއީ ވިސްނުމެއްނެތި ކުރާ ކަންނަމުގެ ނިމުން އަންނަގޮތެވެ. ޝާއިރުވެސް ވިދާޅުވަނީ މިހެންނެވެ.
ވިސްނުމެއްނެތި ކޮއްފިކަމަކުން އެންމެފަހަރަކު ދޭހުގާ
ގިސްލަމުން ހިތި ކަރުނަ އޮއްސަން ޖެހިދެޔޭ އުމުރަށް މުޅިން.
Wednesday, December 16, 2009 |
Posted in
ވާހަކަ
|
އިތުރަށް ވިދާޅުވޭ »
ދި-ބުރުނު
ސ- މައިކްރޯސޮފްޓް އޮފީސް 2010 ގައި ހިމެނޭނީ ކޮން އެޕްލިކޭޝަން ތަކެއް؟
ޖ. ތިރީގައި މިވަނީ މައިކްރޯސޮފްޓް 2010 ގައި ހިމެނޭ އެޕްލިކޭޝަން ތަކުގެ ލިސްޓެއް:
1- މއިކްރޯސޮފްޓް ވޯޑް 2010
2- މައިކްރޯސޮފްޓް އެކްސެސް 2010
3- މައިކްރޯސޮފްޓް އެކްސެލް 2010
4- މައިކްރޯސޮފްޓް ޕަވާރޕޮއިންޓް 2010
5- މައިކްރޯސޮފްޓް އައުޓްލުކް 2010
6- މައިކްރޯސޮފްޓް ވަން ނޯޓް 2010
7- މައިކްރޯސޮފްޓް ޕަބްލިޝާ 2010
8-
މައިކްރޯސޮފްޓް ކޮމިޔުނިކޭޓާރ 2010
9- މައިކްރޯސޮފްޓް އިންފޯ ޕާތް ޑިޒައިނާރ 2010
10- މައިކްރޯސޮފްޓް އިންފޯ ފިލާރ 2010
11- މައިކްރޯސޮފްޓް ޝެއާރ ޕޮއިންޓް ވޯކް ސްޕޭސް 2010
މި ހިމެނުނު އެޕްލިކޭޝަން ތަކުގެ އިތުރުން މައިކްރޯސޮފްޓް ވިސިއޯ 2010 އަދި މައިކްރޯސޮފްޓް ޕްރޮޖެކްޓް 2010 ހިމެނެއެވެ. ނަމަވެސް މިއީ އޮފީސް 2010 ސުއިޓްގެ ތެރޭގައި ހިމެނޭ ދެ އެޕްލިކޭޝަނެއްނޫނެވެ.
Saturday, December 12, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
ދި-ބުރުނުއަހަރެމެންގެ ތެރެއިން ވަރަށްގިނައިން ފެންނަ ކަމެކެވެ. އަބަދުވެސް ދައްކާނީ އަނެކާ ކުރާ ކުށްތަކުގެ ވާހަކައެވެ. ދުވަހަކުވެސް ތިމާއަށް ކުރެވޭ ކުށެއް ނުފެންނާނެއެވެ. އަދި އެކުށް އިސްލާހުކޮށް ތިމާ އިސްލާހުވާކަށް ބޭނުމެއްވެސް ނުވާނެއެވެ. ނަމަވެސް ހަޤީގަތާ އެއްކޮޅަށް ބުރަވެ ވާހަކަ ދައްކާނަމަ ބުނަންޖެހޭނީ މިއީ ތާކުންތާކު ނުޖެހޭ ކަމެއެއް ކަމުގައެވެ. ސަބަބަކީ އަނެކާ އިސްލާހު ކުރެވޭނީ ފުރަތަމަ ތިމާ އިސްލާހުވެގެން ކަމުގައި ވާތީއެވެ.
Thursday, December 10, 2009 |
Posted in
އެހެނިހެން
|
އިތުރަށް ވިދާޅުވޭ »
ދި-ބުރުނުމިއީ ފަޔާފޮކްސް އާއި ޖެހިގެން މޮޒިއްލާއިން އެންމެ އިސްކަމެއްދީގެން ތަރައްގީކުރާ އޯޕަންސޯސް ސޮފްޓްވެއާއެވެ. ތަންޑާރ ބާރޑަކީ އީމެއިލް ފޮނުވާ ލިބިގަތުމަށް ބޭނުން ކުރެވޭ ސޮފްޓްވެއާއެކެވެ. މިގޮތުން ބާލާއިރު ތަންޑާރ ބާރޑް 3 ގައި މީގެ ކުރީގެ ވާޝަންތަކާ ތަފާތު ކަންތައްތަކެއް ވަނީ ހިމަނާފައެވެ. މިގޮތުން ޓެބްޑް އިންޓަރފޭސް އަދި ސާޗް ޓޫލް ފާހަގަ ކޮއްލެވެއެވެ. މީގެ އިތުރުން އެހެން އީމއެއިލް އެކައުންޓްތަކާ ގުޅާލެވޭނެ ގޮތްވެސް މި ވާޝަންގައި ހިމެނެއެވެ. މިސާލަކަށް ޖީމެއިލް.
ތަންޑަރ ބާރޑް 3 ކީ އީމެއިލް ފޮނުވުމަށް ބޭނުންކުރާ އެހެން ސޮފްޓްވެއާރ ތަކާއި ތަފާތު ސޮފްޓް ވެއާއެކެވެ.
Wednesday, December 09, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
عماد بن ناصر
މިއީ ޢާޔަތުލް ކުރުސި އެވެ. މާތް ﷲގެ ޙައްޤު ތަޢުރީފް ބަޔާންވެގެންވާ ޢާޔަތެކެވެ. މިއާޔަތުގައި އެއިލާހުގެ ރަސްކަންފުޅާއި މިލްކިއްޔާތުގެ ބޮޑުކަން އަންގައިދީފައިވެއެވެ.
އިމާމް އަބޫދާވޫދާއި ޙާކިމާއި އިބްނު ޙިއްބާން، އުބައްޔު އިބްނު ކަޢުބް ރަޟިޔަﷲ ޢަންހްގެ ކިބައިން ރިވާކުރައްވާފައިވެއެވެ. އެކަލޭގެފާނު ވިދާޅުވިއެވެ.
Wednesday, December 09, 2009 |
Posted in
ދީން
|
އިތުރަށް ވިދާޅުވޭ »
عماد بن ناصر
ކޮންމެ ކަމަކަށްވެސް ކަނޑައެޅިފައިވާ އުސޫލަކާއި ޤަވާޢިދެއް އޮންނަ ފަދައިން ދުޢާ ކުރުމުގައްޔާއި ﷲއަށް ދެންނެވުމުގައި ވެސް އެކަމަށް ކަނޑައެޅިފައިވާ ޤަވާޢިދު ތަކަކާއި އަދަބުތަކެއް ހުރެއެވެ. އެއަދަބުތަކަށް ސަމާލުކަންދީ، އެއަށް ރައްކައުތެރިވެހުރެ ދުޢާ ކުރުމީ ﷲގެ ޙަޟްރަތަށް ކުއްތަންވެ ދުޢާ ދަންނަވާ ކޮންމެ މީހަކަށް އެދެވިގެންވާ ކަމެކެވެ. އަދި އެކަމަކީ ދުޢާކުރާމީހާގެ ދުޢާ މަޤްބޫލު ދުޢާއަކަށް ވުމުގެ ސަބަބެއް ވެސް މެއެވެ.
Wednesday, December 09, 2009 |
Posted in
ދީން
|
އިތުރަށް ވިދާޅުވޭ »
ތަޢާރުފު
މުޙައްމަދު ބުނި މޫސާ އަކީ، ހިސާބު ޢިލްމުގެ މަޝްހޫރު ޢާލިމު އަދި އަލްޖެބްރާގެ މޫޖިދު ވެސް މެ އެވެ.
مُحَمَّدُبْنِ مُوسَي اَلْخُوَارِزَمِي، بَيْتُ الْحِكْمَة އަށް ހުށައެޅުއްވި އާޓިކަލްގެ ފުރިހަމަ ކަމުން، بَيْتُ الْحِكْمَة (ސައެންސު އެކަޑަމީ) ގެ މެމްބަރުކަން އޭނާއަށް ލިބިވަޑައި ގަތެވެ.
Tuesday, December 08, 2009 |
Posted in
ޝަހުސިއްޔަތު
|
އިތުރަށް ވިދާޅުވޭ »
ދި-ބުރުނު
މިއަދު އަހަރެންނަކީ އެކަނިވެރިއެކެވެ. އަޅާ ލާނެ ޔާރެއް އިޔާރެއް ނެތް ނިކަމެއްޗެކެވެ. އަހަރެން މިވަނީ ދުނިޔެއަށް ގިނަވެފައެވެ. މިހެން މިވީ ހަމަ އަހަރެން އަމިއްލައަށްކުރި ނުބައި އަމަލު ތަކުގެ ސަބަބުންކަން އަހަރެން ގަބޫލު ކުރަމެވެ.
އެއީ މީގެ އެތައް އަހެރެއް ކުރިއެވެ. އަހަރެންނަކީ މަންމައާއި ބައްޕަގެ ހުރި ހަމައެކަނި ދަރި ކަމުން އަހަރެން ބޮޑުވަމުން އައީ މަންމައާއި ބައްޕަގެ ލޯބި ބަރާބަރަށް ލިބެމުންނެވެ. މަންމަ އާއި ބައްޕައަކީ ދީނަށް ލޯބި ކުރާ ދެމީހުން ކަމުން އެމީހުންގެ ފަރާތުން ދީނަށް ލޯބި ކުރުމާއި ރިވެތި އާދަތައް ދަސްވިއެވެ. ރިވެތި އަޚްލަގަކީ ކޮބައިކަން އެމީހުން އަހަންނަށް އުނގަނއި ދިނެވެ. ގަޑިން ގަޑިއަށް ބަރާބަރަށް ނަމާދު ކުރުމަކީ އަހަރެން އޭރު އެންމެ އިސްކަމެއްދީގެކުރާ އެއްކަންތަކެވެ. އެއްވެސް ގޮތަކުން ނަމަވެސް ނަމާދެއް ނުކޮއް ހުރެވިއްޖެ ނަމަ އަހަރެންގެ ހިތައް އެއްވެސް ވަރެއްގެ ހަމަޖެހުމެއް ނުލިބެއެވެ. ހާއްސަކޮއް މިސްކިތުގައި ޖަމާއަތުގައި ނަމާދު ނުކުރެވިއްޖެ ނަމަ އަހަރެންގެ ހިތައް ހުންނަނީ ނުތަނަވަސްކަން ވެރިވެފައެވެ.
ގަޑިނުޖެހި ސްކޫލަށް ދިއުމާއި ސްކޫލުންދޭ ފިލާވަޅުތައް ބަރާބަރަށް ނިންމުމާއި މިފަދަ ކަންނަމަކީވެސް އަހަރެންގެ ހަޔާތުގައި އޭރު މުހިންމު ކަންނަމެވެ. ކޮންމެ ފަހަރަކު ކުލާހުން އެއްވަނަ ހޯދަން ކުރާ ބުރަ މަސައްކަތްތައް އަދިވެސް އަހަރެން ހަނދާން އެބަހުއްޓެވެ. އަދި އެއްވަނަ ލިބުމުން މަންމައާއި ބައްޕަގެ މޫނު މަތިން އެ ފެންނަ ހިނިތުންވުން މިއަދުވެސް އަހަރެންނަށް ސިފަވާކަހަލައެވެ.
ދުވަސްތައް ފާއިތުވަމުން ދެއެވެ. އެގޮތުން މިއަދަކީ ރަށުން ލިބެން ހުރި އެންމެމަތީ ތައުލީމް ހާސިލުކުރުމަށްފަހު ރާއްޖެއިން ބޭރަށް ތައުލީމުހާސިލު ކުރުމަށް ފުރާ ދުވަހެވެ. މިއަދަކީ އަހަރެންގެ ހަޔާތުގައި އައި އުފާވެރި އަދި ހިތާމަވެރި ދުވަސްތަކުގެ ތެރެއިން ދުވަހެކެވެ. ހިތާމަވެރި ދުވަހަކަށްވީ މައިންބަފައިންނާއި އަމިއްލަ ވަޒަންދޫކޮއް އެހެންތާކަށް ދާންޖެހޭތީއެވެ. އުފާވަނީ އިތުރަށް ކިޔެވުމުގެ ފުރުސަތު އެހެން ގައުމަކުން ނަމަވެސް ލިބުނީތީއެވެ.
ބޯޓް ފުރާގަޑި ކައިރިވުމާއި އެކީ މަންމަ އާއި ބައްޕައަށް އެންމެ ފަހުގެ ސަލާމްކުރުމަށްފަހު ބޯޓަށް އަރަން ހިނގައިގަތީމެވެ. ހިތާއި ދެކޮޅަށެވެ. އޭރުވެސް މަންމަ އާއި ބައްޕަ ކަޅިޖަހާ ނުލާ އަހަރެންނާ ދިމާލަށް ބަލަން ހުއްޓެވެ. އެމީހުންގެ ލޯބިވާ ދަރިފުޅު އެމީހުންނާއި ދުރަށް ދާތީ ކުރާ ހިތާމަ އެމީހުންގެ މޫނުމަތިން ފެންނަން ހުއްޓެވެ.
= ނުނިމޭ =
Monday, December 07, 2009 |
Posted in
ވާހަކަ
|
އިތުރަށް ވިދާޅުވޭ »
އޭ ލޮބުވެތި މުސްލިމް ދިވެހި ދަރީންނޭވޭ! އެންމެ ފުރަތަމަ އިސްކުރަންވީ ތިބާގެ އިސްލާމް ކަމެވެ. ދެން އެއަށްފަހު ތިގެންނަ އެއްޗެއް ގެންނާށެވެ. އެކަމަކު އިސްލާމްކަމާއި ފުށުނާރުވައެވެ.
މުނާފިޤު ނުވާށެވެ. ހަނދާން ކުރާށެވެ. ތިބާ ވޯޓްދިނީ، މިތަނުގައި އިސްލާމްދީން ހިމާޔަތް ކުރާކަށް ނޫން ހެއްޔެވެ! ދެން މިހާރު ޕާޓީގެ ކުލުނާއި ލޯބި އިސްލާމްދީނަށް އޮތް ލޯތްބާއި ކުލުނަށްވުރެ ވަކި މަތިވީ ހެއްޔެވެ! ދީނަށް ޢަމަލުކުރުމުން މަތިވެރި އިލާހުގެ ހަޟްރަތުން ލިބޭނޭ މަތިވެރިކަމާއި ދަރުމައަށްވުރެ ޑިމޮކްރަސީގެ ވެރިން ދައްކާ ދެއުޅިއެއް ނުވާ ވާހަކަ ތަކަށް މާބޮޑަށް ހެއްލެވުނީ ހެއްޔެވެ!
Sunday, December 06, 2009 |
Posted in
އެހެނިހެން,
ދީން
|
އިތުރަށް ވިދާޅުވޭ »
ނ.މާޅެންދޫ ގާފާލަމޭ ކިޔާ ސަރަހައްދަކީ ވަރަށް ނާމާން ސަރަހައްދެއްކަމަށް ޒަމާނުންސުރެ ކިޔާ އުޅޭ ތަނެކެވެ. އެތަނުން އެކި މީސްމީހުންނަށް ތަފާތުވައްތަރުގެ ރޫހާނީ ކަންތައްތައް ފެނިފައިވާ ކަމަށް ކިޔާ އުޅެއެވެ.
Saturday, December 05, 2009 |
Posted in
ހަގީގީ ހާދިސާ
|
އިތުރަށް ވިދާޅުވޭ »
ދި-ބުރުނު
ނިމްބަޒް ގެ ބްލެކްބެރީއަށް ހާއްސަ އެޕްލިކޭޝަން ރިލީސް ކޮއްފިއެވެ. މި އެޕްލިކޭޝަނުގެ ސަބަބުން ބްލެކް ބެރީ ބޭނުންކުރާ ފަރާތްތަކަށް ސޯސިއަލް ނެޓްވޯކްތަކާއި ގުޅާލުމަށް ފަސޭހަވެގެން ދާނެއެވެ. މި ގޮތުން ސްކައިޕް، އެމް އެސް އެން، ފޭސްބުކް، މައި ސްޕޭސް، ޔާހޫ އަދި ގޫގުލް ޓޯކް ބެނުން ކުރުމުގައި ފަސޭހަތަކެއް ވާނެ ކަމަށް މައުލޫމާތު ލިބިއެވެ.
Friday, December 04, 2009 |
Posted in
ހަބަރު,
ޓެކްނޮލޮޖީ
|
އިތުރަށް ވިދާޅުވޭ »
ދެކުނު އޭޝިއާގެ ޤައުމުތަކުގެ މެދުގައި ކުޅެވޭ އެންމެ ބޮޑު ފުޓްބޯޅަ މުބާރާތް "ސާފް ޗެމްޕިއަންޝިޕް" މިއަދު ބަންގްލަދޭޝަގެ ވެރިރަށް ޑާކާގައި ފެށޭނެއެވެ. އަށް ގައުމަކުން
ވާދަކުރާ މިމުބާރާތުގައި ފުރަތަމަ ބައްދަލުކުރާނީ، ސްރީލަންކާއާއި، ޕާކިސްތާނެވެ. ސްރީލަންކާއަކީ ކުރިން މި މުބާރާތް ކާމިޔާބުކޮށްފައިވާ ޤައުމަކަށްވާއިރު އަނެއްކޮޅުން ބައްދަލްކުރާ ޕާކިސްތާނަށް މިމުބާރާތުން ލިބިފައިވާ އެންމެ މަތީވަނަޔަކީ ތިންވަނައެވެ. މިމުބާރާތް ބޭއްވޭ ބަންގްބަންދު ސްޓޭޑިއަމްގައި މިހާރު ފަހުގެ ތައްޔާރީތަށްކުރިއަށް އެބަދެއެވެ.
Friday, December 04, 2009 |
Posted in
ހަބަރު
|
އިތުރަށް ވިދާޅުވޭ »
އައި އެސް އޯ ފައިލަކީ އިމޭޖެކެވެ. އެފައިލް ބޭނުން ކުރެވޭނީ ސީޑީ އެއް ނުވަތަ ޑީވީޑީ އަކަށް ބާން ކޮއްގެންނެވެ. މިގޮތައް ބާން ކުރުމުގެ ކުރިން އެފައިލްގެ އެއްވެސް އެއްޗެއް ބަދަލު ކުރަނ ބޭނުންވެއްޖެ ނަމަ އެ އައި އެސް އޯ ފައިލް ހުޅުވަން ޖެހެއެވެ. ނަމަވެސް މިފަދަ ހާލަތެއްގައި އައި އެސް އޯ ފައިލެއް ހުޅުވާނީ ކިހިނެއް ހެއްޔެވެ؟
Thursday, December 03, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
* ކޮންމެ އިންސާނެއްވެސް ދުވާލެއްގެ މައްޗަށް 1 ލިޓަރު ކުޅު އަނގައި ގެ ތެރޭގައި އުފައްދައެވެ.
* އެންމެ ފުރަތަމަ މިލްކް ޗޮކުލެޓް އުފެއްދީ ޑެނިއެލް ޕީޓާރ އެވެ. ނަމަވެސް މީނާ ފަހުން މިލްކް ޗޮކުލެޓް ހަދާގޮތާއި އޭގެ ސިއްރުތައް ހެންރީ ނެސްޓްލޭ އަށް ވިއްކާލީއެވެ.
Thursday, December 03, 2009 |
Posted in
އެހެނިހެން
|
އިތުރަށް ވިދާޅުވޭ »
1-ވީ މިންވަރަކުން ޠަހާރަތުގެ މަތީގައި ވުމަށާއި، ނަމާދުގެ ވަގުތުގައި ނަމާދު ކުރުމަށް ފަރުވާތެރިވާށެވެ.
Wednesday, December 02, 2009 |
Posted in
ދީން
|
އިތުރަށް ވިދާޅުވޭ »
މައިކްރޯސޮފްޓާއި ގޫގުލް އަކީ ވަރަށް ވާދަވެރި ދެކުންފުންޏޭ ދެންނެވުމަކީ ކުށަކަށް ނުވާނެއެވެ. ކޮންމެ ބަޔަކުވެސް ބަލަނީ އަނެއްބަޔަކަށް ވުރެ ކުރި އަރާ، އަނެއްބަޔަކަށް ވުރެ މޮޅުއެއްޗެއް އާއްމުންގެ ތެރެއަށް ނެރެވޭތޯއެވެ.
މިއީ މިއަދަކު އިއްޔެއަކު ފެށިގެން އުޅޭކަމެއްނޫނެވެ. މިއީ މީގެ އެތައް އަހަރެއްކުރިން ފެށިގެން އުޅޭ ހަނގުރާމައެކެވެ.
Tuesday, December 01, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
މިއަދަކީ ދުނިޔޭގެ އެއިޑްސް ދުވަހެވެ. މިއަހަރުގެ އެއިޑްސް ދުވަސް އަޅުގަނޑުމެންނާއި މި ބައްދަލު ކުރަނީ އަޅުގަނޑުމެންގެ ތެރެއަށް ސްވައިންފްލޫ ފެތުރެމުންދާ ދުވަސްވަރެއްގައެވެ. އެހެންކަމުން ސްވައިން ފްލޫއިން ރައްކާތެރިވުމަށް އެންމެހާ ފަރާތްތަކަށް ގޮވާލަމެވެ.
Tuesday, December 01, 2009 |
Posted in
ރިޕޯޓް
|
އިތުރަށް ވިދާޅުވޭ »
ދިވެހިރާއްޖޭގައި ބޭރުމީހުން އަޅުކަންކުރާނެ ޚާއްޞަ ތަންތަން ހެދިދާނެ ހެއްޔެވެ؟ ފައްޅިތަކާއި ސިނަގޮގުތައް ހެދިދާނެ ހެއްޔެވެ؟ އަޅުކަން ކުރުން ނޫންގޮތަކަށް ކާވެނީގެ ރަސްމިއްޔާތު ބޭއްވުމުގެ ބޭނުމުގައިވެސް ފައްޅިއެއް އެޅިދާނެ ހެއްޔެވެ؟
Monday, November 30, 2009 |
Posted in
ދީން
|
އިތުރަށް ވިދާޅުވޭ »
ވަރަށް ހަމަޖެހިގެން ދިރިއުޅޭ ދެމަފިރިންކަމަށްވާ ސްޓީވެންއާއި ކެތަރިންގެ އިންތިޒާމްތައް ރަނގަޅު ގެއެއް އެމެރިކާގެ އެންމެ ތަރައްޤީ އެއް ޝަހަރުކަމުގައިވާ ލަސްވެގާސްގައި ހުރެއެވެ.
އެމީހުންގެ ގޭގައި ރަނގަޅުބަދިގެއަކާއި ނިދާކޮޓަރިއެއް ހުންނައިރު އެކޮޓަރީގައި ޑަބަލްބެޑަކާއި ހެދުންއަޅުވާ ހަރެއްގެ އިތުރުން ފޮތްހަރުގަނޑުވެސް ހުރެއެވެ. އަދި އެމީހުން އާމްދަނީ ހޯދަނީ ދުނިޔޭގެ އެންމެ ބޮޑެތި ކެސީނޯ (ޖުވާކުޅޭތަންތަން)ތަކުގެ ތެރެއިން ކެސީނޯއަކުންނެވެ. މިއީ ލަސްވެގާސްގެ ބޮޑުކެސީނޯއެއްގެ ކައިރީގައި ދިރިއުޅޭ ސްޓީވެންއާއި ކެތަރިން އެމީހުންގެ ދިރިއުޅުމުގެ ވާހަކަ ދަސަންގެ ނޫސްވެރިންނަށް ކިޔައިދީފައިވާ ގޮތެވެ.
Saturday, November 28, 2009 |
Posted in
ރިޕޯޓް
|
އިތުރަށް ވިދާޅުވޭ »
ނޮކިޔާ އެން 900 އަކީ ދާދި ފަހުން ބާޒާރަށް ނިކުތް ނޮކިޔާ އެން ސީރީސް ގެ ފޯނެކެވެ. މިއީ ގިނަ ބައެއްގެ މަގްބޫލުކަން ހޯދަމުން އަންނަ ފޯނެކެވެ.
މި ފޯނުގައި ހިމެނެނީ ޓަޗް ސްކްރީނެކެވެ.
Saturday, November 28, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
ޢީދުއައީ ހިނިތުންވަމުންނެއް ނޫނެވެ. މީރުވަހުން ޖައްވުގައި ހުވަނދުލަމަކުންވެސް ނޫނެވެ. މިވަގުތު މުޅި ރާއްޖެއޮތީ އޫރުރޯގާގެ ބިރުވެރިކަމުގެ ތެރޭގައެވެ. އަޅުގަނޑުމެންނާއި ބަރަކާތެރި އަޟްޙާ ޢީދު ބައްދަލުކުރީ ނުތަނަސްކަމުގައި އަޅުގަނޑުމެން ތިއްބައެވެ.
Friday, November 27, 2009 |
Posted in
އެހެނިހެން,
ދީން
|
އިތުރަށް ވިދާޅުވޭ »
الْحَمْدُ لِلَّهِ رَبِّ الْعَالَمِيْنَ. وَالصَّلَاةُ وَالسَّلَامُ عَلَى أَشْرَفِ الْأَنْبِيَاءِ وَالْمُرْسَلِيْنَ. نَبِيِّنَا وَحَبِيْبِنَا وَقُدْوَتِنَا مُحَمَّدٍ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الِّدْينِ. أَمَّا بَعْدُ
އަޅުގަނޑުމެންނާއި ކުރިމަތިމިލަނީ މުސްލިމުން އުފާފާޅުކުރުމަށްޓަކާ ﷲ ތަޢާލާ ލައްވަވާފައިވާ ދެދުވަހުގެ ތެރެއިން ދުވަހެކެވެ. އާދެ އަޟްޙާޢީދު ދުވަހެވެ. އަނަސްބިން މާލިކް ރަޟިޔަﷲޢަންހު ވިދާޅުވިއެވެ. كَانَ لِأَهْلِ الْجَاهِلِيَّةِ يَوْمَانِ فِي كُلِّ سَنَةٍ يَلْعَبُوْنَ فِيْهِمَا فَلَمَّا قَدِمَ النَّبِيُّ صَلَّى اللهُ عَلَيْهِ وَسَلَّمَ الْمَدِيْنَةَ قَالَ كَانَ لَكُمْ يَوْمَانِ تَلْعَبُوْنَ فِيْهِمَا وَقَدْ أَبْدَلَكُمُ اللهُ بِهِمَا خَيْرًا مِنْهُمَا يَوْمَ الْفِطْرِ وَيَوْمَ الأَضْحَى (قال الشيخ الألباني : صحيح ) "
Thursday, November 26, 2009 |
Posted in
ދީން
|
އިތުރަށް ވިދާޅުވޭ »
ސައުދި އަރަބިޔާގެ އެކި ހިސާބުތަކަށް ވިއްސާރަ ކުރަމުންދާކަމަށް ހަބަރުތައް ލިބެމުން އެބަދެއެވެ. ވެހެމުންދާ ވާރޭގެ ސަބަބުން ބިންގަނޑު ކަނޑައިގެން ދިއުމުގެ ހާދިސާތައްވަނީހިނގާފައެވެ.
އަދި ހަބަރު ލިބިފައިވާ ގޮތުގައި 90 މިލިމީޓަރަށް ވާރޭވެހިފައިވެއެވެ. އަދި މަދުވެގެން 48 މީހުން މަރުވެފައި ވާކަމަށް ހަބަރުތައް ބުނެއެވެ. ނަމަވެސް މީގެ ތެރޭގައި އެއްވެސް ހައްޖުވެރިއަކު ނުހިމެނޭ ކަމަށް ސައޫދީގެ އޮފިސަލުން ހާމަކުރައްވައެވެ.
Thursday, November 26, 2009 |
Posted in
ހަބަރު
|
އިތުރަށް ވިދާޅުވޭ »
އަހަރުގެ ޙައްޖުގެ އަޅުކަން އަދާކުރުމަށް އައިސްތިބި ދިވެހި ޙައްޖާޖީން ޢަރަފާތް ބިމަށް އަތުވެއްޖެއެވެ. ރޭ ދަންވަރުގެ ވަގުތެއްގައި މިނާގެ ޓެންޓުތަކުން ޢަރަފާތަށް ދިޔުމަށް ފުރި ހުރިހާ ގުރޫޕްތައް މިހާރުވަނީ ޢަރަފާތްބިމުގައެވެ.
Thursday, November 26, 2009 |
Posted in
ހަބަރު,
ދީން
|
އިތުރަށް ވިދާޅުވޭ »
الحمد لله وحده، والصلاة والسلام على من لا نبي بعده، وبعد
ޢަރަފާތް ދުވަހަކީ މާތްވެގެންވާ ދުވަހެކެވެ.
އެދުވަހަކީ ދުޢާ އިޖާބަކުރައްވާ ދުވަހެކެވެ. އަދި މަލާއިކަތުންގެ އަރިހުގައި ﷲ ސުބުޙާނަހޫވަތަޢާލާ ފަޚުރުވެވޮޑިގަންނަވާ ދުވަހެވެ. އެހެން ދުވަސްތަކުގެ މައްޗަށް ﷲ ސުބުޙާނަހޫ ވަތަޢާލާ އެދުވަސް ވަނީ މާތްކުރައްވާފައެވެ. އެދުވަހަކީ އިސްލާމް ދީން ފުރިހަމަ ކުރެއްވި ދުވަހެވެ. އަދި އެކަލާނގެ އަޅުތަކުންނަށްޓަކައި އެކަލާނގެ ނިޢްމަތް ފުރިހަމަ ކުރެއްވި ދުވަހެވެ. ނަރަކައިން މުއްތިކުރައްވައި ފާފަ ފުއްސެވުމުގެ ދުވަހެވެ.
Wednesday, November 25, 2009 |
Posted in
ދީން
|
އިތުރަށް ވިދާޅުވޭ »
އެއީ މީގެގާތްގަނޑަކަށް 30 އަހަރު ކުރީގެ ހާދިސާއެކެވެ. ކުރިނބީ ހާޖީގެ ދޯނީގައި އެދަތުރު މާލޭން ފުރައިގެން ހަސަން ޒާހިރުމެން ފުރަތަމަ ދިޔައީ ނޮޅިވަރަންފަރަށެވެ. މަންޒިލަކަށްވީ މަކުނުދުއެވެ. އަރުވާލި މީހުން އެދޯނީގައި ވަރަށް ގިނައެވެ. ޒާހިރަކީވެސް އޭގެތެރޭގައި ހިމެނޭ މީހެކެވެ.
Tuesday, November 24, 2009 |
Posted in
ހަގީގީ ހާދިސާ
|
އިތުރަށް ވިދާޅުވޭ »
އޮޕެރާ 10.10 ގެ ފައިނަލް، ރިލީސް ކޮށް އަދި އާއްމު ޑައުންލޯޑަށް ދޫކޮއްލައިފިއެވެ. އޮޕެރާ 10.10 ގެ ފައިނަލް މި ރިލީސްކުރީ ގިނަ ދުވަސްތަކެއްވަންދެން ބީޓާ ޓެސްޓްކުރުމަށްފަހުއެވެ. އޮޕެރާކުންފުނިން ހާމަކުރާގޮތުގައި މިއީ މިހާތަނަށް ނެރެވުނު އޮޕެރާގެ އެންމެ ފުރިހަމަ އަދަދެވެ.
Monday, November 23, 2009 |
Posted in
ހަބަރު,
ޓެކްނޮލޮޖީ
|
އިތުރަށް ވިދާޅުވޭ »
ޖޯޖް ވޮޝިންގޓަން މަޝްހޫރު ވެފައިވަނީ އެމެރިކާގެ ބާނީ ގެ ގޮތުގައެވެ. އަދި އެމެރިކާގެ ބައްޕަގެ ގޮތުގައެވެ. 22 ފެބުރުއަރީ 1732 ގައި އުފަންވެ ވަޑައިގަތް ޖޯޖް ވޮޝިންގޓަން އަކީ އިގިރޭސިންނާއި ދެކޮޅަށް މީލާދީން 1775ން 1783 އަށް
ހިންގި އެމެރިކާގެ އިންގިލާބީ ހަގުރާމައިގައި އެމެރިކާގެ ކޮންޓިނެންޓަލް އާރމީންނަށް ކާމިޔާބު ހޯއްދަވައި އެމެރިކާ މިނިވަންކުރެއްވި މޭސްތިރި އެވެ.
Monday, November 23, 2009 |
Posted in
ޝަހުސިއްޔަތު
|
އިތުރަށް ވިދާޅުވޭ »
ލިޔުއްވީ : މުޙައްމަދު ޝަމްޢޫނު
الحمد لله رب العالمين. والصلاة والسلام على أشرف الأنبياء والمرسلين. نبينا وحبيبنا وقدوتنا محمد وعلى آله وأصحابه ومن تبعهم بإحسان إلى يوم الدين. أما بعد.
ﷲ ތަޢާލާގެ ފޮތަށް ބަލައިފިމީހަކަށް އެއިލާހު ވަގުތުތައް
ގަންދެއްވަވައި ހުވާ ވަޙީ ކުރައްވަވާފައިވާތަން ފެންނާނެއެވެ.ފަތިސްވަގުތު ގަންދެއްވަވައި އެއިލާހު ވަޙީކުރައްވަވާފައިވެއެވެ.) وَالْفَجْرِ( ޟުޙާވަގުތު ގަންދެއްވަވައި އެއިލާހު ވަޙީ ކުރައްވަވާފައިވެއެވެ.) وَالضُّحَى (މެންދުރުވަގުތު ގަންދެއްވަވައި އެ އިލާހު ވަޙީ ކުރައްވަވާފައިވެއެވެ.) وَالنَّهَارِ إِذَا تَجَلَّى( ހަވީރު ވަގުތު ގަންދެއްވަވައި އެއިލާހު ވަޙީ ކުރައްވަވާފައިވެއެވެ.
Monday, November 23, 2009 |
Posted in
ދީން
|
އިތުރަށް ވިދާޅުވޭ »
ވީޑިޔޯ ޕްލޭކުރެއްވުމަށް އަދި ބޮޑުކޮއް ބެއްލެވުމަށް "އިތުރަށް ވިދާޅުވޭ" އަށް ކްލިކް ކޮއްލައްވާ!
Saturday, November 21, 2009 |
Posted in
ވީޑިޔޯ
|
އިތުރަށް ވިދާޅުވޭ »
މުޙައްމަދު އަނީލް – ނޫރުލްއިސްލާމްގެ އެޑިޓަރ:
މާތްކަމާއި ބަރަކާތުން ފުރިގެންވާ ދުވަސްތަކެއް އަޅުގަނޑުމެންނާއި ކުރިމަތިލައިފިއެވެ. އަޅުގަނޑުމެން މިހާރު އުޅެމުން މި ގެންދަނީ އެ ދުވަސްތަކުގެ ތެރޭގައެވެ. ޙައްޖުމަހުގެ ފުރަތަމަ 10 ދުވަހެވެ.
Saturday, November 21, 2009 |
Posted in
ދީން
|
އިތުރަށް ވިދާޅުވޭ »
މޯބައިލް ފޯނުތަކަށް އަމާޒުކޮއްގެން ޔާހޫއިން ހިންގަމުންދިޔަ އެޕްލިކޭޝަން "ޔާހޫގޯ" ބަންދު ކުރުމަށް ޔާހޫއިން ނިންމައިފިއެވެ.
Friday, November 20, 2009 |
Posted in
ހަބަރު,
ޓެކްނޮލޮޖީ
|
އިތުރަށް ވިދާޅުވޭ »
ޖިމްޕް:
ޖިމްޕަކީ ފޮޓޯ އެޑިޓް ކުރުންފަދަ ކަންކަމަށް ހާއްސަކުރެވިފައިވާ ސޮފްޓްވެއާރ އެކެވެ. މިސޮފްޓްވެއާރގެ އެހީގައި ފޮޓޯޝޮޕާއި ދާދި އެއްކަހަލަ މަސައްކަތްތަކެއް ކުރެވެއެވެ. ޖިމްޕް ގެ ތަފްސީލް ވިދާޅު ވުމަށް
މިތަނަށް ކްލިކް ކޮއްލައްވާ! އަދި ޑައުންލޯޑް ކުރެއްވުމަށް މި ލިންކަށް
ކްލިކް ކޮއްލައްވާ
!
Friday, November 20, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
ޝެއިޚް ސަޢީދު އިބުނު މުފްސިރު މި ހައިރާންކުރުވަނިވި ޙާދިޘާ ކިޔައިދިނެވެ.
އަހަރެން މަސްޖިދުލް ޙަރާމް އިން ނުކުމެގެން ދިޔައިރު އެތަނުގައި ސަލާން ޖަހާ މީހަކު ހުއްޓެވެ. ހަމަ އެ ވަޤުތު މުއްސަނދި މީހަކު އޭނާގެ އަގުބޮޑު ކާރަށް އެރުމަށްޓަކައި މަގު ހުރަސްކޮށްލިއެވެ.
Thursday, November 19, 2009 |
Posted in
ވާހަކަ,
ދީން
|
އިތުރަށް ވިދާޅުވޭ »
ތަޢާރަފް:
ފަޔާފޮކްސްގެ ތަޢާރަފްގައި މޮޒިއްލާ ކޯޕަރޭޝަނުން ބުނަނީ "އެއީ މޮޒިއްލާއިން ޑިވެލޮޕް ކުރާ، އަންނަން އޮތް ޖީލުތަކުގެ ވެބް ބަރައުޒާއެވެ. އަދި އެއީ އޯޕަންސޯސް ސޮފްޓްވެއާރ އެކެވެ.
Wednesday, November 18, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
=
ޑިގްސްބައި: މިއީ ޗެޓް ކުރުމަށް ހާއްސަކޮށް ތައްޔާރު ކުރެވިފައިވާ ސޮފްޓްވެއާރ އެކެވެ. މި ސޮފްޓްވެއާރ ގެ އެހީގައި އޭ.އައި.އެމް، ޔާހޫ، އެމް.އެސް.އެން އަދި ގޫގުލް ޓޯކް ބޭނުން ކުރެވޭނެއެވެ. އަދި އީމެއިލް ޗެކް ކޮއްލަން ބޭނުންނަމަ އެ ހިދުމަތްވެސް މި ސޮފްޓްވެއާރ ގެ އެހީގައި ލިބޭނެއެވެ. ޑިގްސްބައި ޑައުންލޯޑް ކުރެއްވުމަށް
މިތަނަށް ކްލިކް ކޮއްލަށްވާ!
Tuesday, November 17, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
އެލެގްޒެންޑްރިޔާގެ ލައިޓް ހައުސް އަކީ މީލާދީގެ ކުރިން 3 ވަނަ ގަރުނުގައި ބިނާކުރެވުނު ތަނެކެވެ. އިސްކަންދަރިއްޔާގެ އަލިގެ' ، ނުވަތަ އިސްކަންދަރިއްޔާގެ ބައްތި ގެ ނަމުން މަޝްހޫރުވެފައިވާ މިތަނަކީ ދުނިޔޭގެ ގަދީމީ ޒަމާނުގެ 7 އަޖައިބު ތަކުގެ ތެރޭގައި ގުނާލެވޭ ތަނެކެވެ. މިތަން ހުންނަނީ މިޞްރުގެ އުތުރުން މެދުތެރޭ ކަނޑުގެ އައްސޭރި ފަށުގައި އޮންނަ އިސްކަންދަރިއްޔާގެ އައްސޭރީގައެވެ.
Monday, November 16, 2009 |
Posted in
އެހެނިހެން
|
އިތުރަށް ވިދާޅުވޭ »
-އޭނާ އޮތީ ހަތަރެސްފައި ބަނދެ އަނގަޔަށް ކަރުދާސް ކޮއްޕާފައި.
- އޭނާ މަރުން ސަލާމަތްވީކިހިނެއް؟؟
ކުޑަކުޑަ އައްޒާމް އެތަނަށްދިޔައީ ބަޔަކު އޭނާ ހިފަހައްޓާ މަރާލަނެ ކަމަކަށް ވިސްނައިގެނެއްނޫނެވެ. އޭނާގެ ޅަސިކުނޑިޔަށް އެފަދަ ގޮތަކަށް ކަމެއް ހިނގާފާނެ ކަމަކަށް ގަބޫލެއްވެސް ނުކުރެވެއެވެ.
Monday, November 16, 2009 |
Posted in
ހަގީގީ ހާދިސާ
|
އިތުރަށް ވިދާޅުވޭ »
އަހަރެމެން މި ބޭނުންކުރާ ގިނަ ސޮފްޓްވެއާރތައް، ހާއްސަކޮއް މުހިންމު ކަންކަމުގައި ބޭނުން ކުރާ ސޮފްޓްވެއާރ ތަކަކީ އަގުބޮޑުކޮއް ގަންނަންޖެހޭ ސޮފްޓްވެއާރ ތަކެކެވެ.
Sunday, November 15, 2009 |
Posted in
ޓެކްނޮލޮޖީ
|
އިތުރަށް ވިދާޅުވޭ »
މީހުން ދިރިއުޅޭ ރަށްރަށުގައި ބަނގުރަލާއި އޫރުމަހާއި އޫރުމަހުން އުފައްދާ ތަކެތި ވިއްކުމާބެހޭ ގަވައިދަށް އަންނަ އާދީއްތަ ދުވަހުން ފެށިގެން ހުއްދަ ދޭގޮތަށް ކުރިން ހަމަޖައްސާފައި އޮތް ނަމަވެސް އެގަވައިދަށް އަމަލު ކުރުން ފަސްކުރަން ސަރުކާރުން އިއްޔެ
ނިންމަވާފައި އޮތްއޮތުމަށް ފަހު އަލުން ގަވައިދަށް އިސްލާޙު ގެނެއުމަށް ފަހުވެސް ރާއްޖޭގެ މީހުން ދިރިއުޅޭ އެއްވެސް ރަށެއްގެ އެއްވެސް ތަނެއްގައި ބަނގުރާ ވިއްކުން ހުއްދަ ނުކުރުމަށް އިސްލާމިކް މިނިސްޓްރީން ސަރުކާރަށް ގޮވާލައިފިއެވެ.
Saturday, November 14, 2009 |
Posted in
ހަބަރު
|
އިތުރަށް ވިދާޅުވޭ »
ލިޔުއްވީ : މުޙައްމަދު އަނީލް
މީހެއްގެ ވާހަކައެވެ. ﷲ ސުބްޙާނަހޫ ވަތަޢާލާ އޭނާއަށް އާރާއި ބާރު ދެއްވިއެވެ. އެހެން ނަމަވެސް އޭނާ، އޭނާއަށް ބާރުދެއްވި ގަދަކީރިތިވަންތަ އިލާހު ހަނދުމަ ނައްތާލިއެވެ. ﷲ ގެ ޙަޟްރަތުން ގޮވާލެވޭ އަޑު އޭނާއަށް އިވެއެވެ. އެހެން ނަމަވެސް އެއަޑަށް އޭނާ ދިނީ ބީރު ކަންފަތެކެވެ. އޭނާ ތަބާވީ އޭނާގެ ހަވާ ނަފްސަށެވެ. ދުނިޔޭގެ ފަނާކުރަނިވި މުދާތަކެއް އެއްކުރުމުގައި އޭނާގެ ދިރިއުޅުން ފަނާ ކުރަމުން ގެންދިޔައެވެ. ޙަލާލުތޯ ޙަރާމްތޯ ނުބަލައެވެ. ލިބެންޏާ ވަރިހަމަ އުޞޫލުންނެވެ.
Friday, November 13, 2009 |
Posted in
ވާހަކަ,
ދީން
|
އިތުރަށް ވިދާޅުވޭ »
އޯގާތެރި ކަމާ އެކަކު އަނެކަކަށް އަޅާލުމަކީ އިސްލާމްދީނުގެ އެންމެ މުހިއްމު އެއް އަސާސެވެ. އެހެން ކަމަށް ވީހިނދު އަހަރެމެން އެކަކު އަނެކަކަށް އަޅާލާ އޯގާތެރިވާން ޖެހެއެވެ. ސަބަބަކީ އެކަމަކީ ހަތް އުޑުމަތިން އަހަރެމެންނަށް ކުރައްވާފައިވާ އަމުރަކަށް ވާކަމެވެ.
އަދި އެކަކު އަނެކަކަށް އަނިޔާވެރިވުންވަނީ މާތްﷲ ހަރާމް ކުރައްވާފައެވެ. އަނިޔާވެރިކަމަކީ އެކަލާނގެ އަމިއްލަ ޒާތުފުޅަށްވެސް ހަރާމް ކަމެކެވެ. އެހެން ކަމަށްވާނަމަ އަހަރެމެން އެކަކު އަނެކަކަށް އަނިޔާވެރި މި ވަނީ ކީއްވެގެންތޯއެވެ؟
Friday, November 13, 2009 |
Posted in
ދީން
|
އިތުރަށް ވިދާޅުވޭ »
ދަތްއުނގުޅާ ބުރުސް އުފެއްދީކާކު؟
އީސާގެފާނުގެ 3000 އަހަރު ކުރީގައިވެސް ދަނޑިކޮޅު ސިފައިގައިވާ ބުރުސް ބޭނުން ކޮއްފައިވާކަން އެނގެއެވެ. މިހާރު މިގެ
ންގުޅޭ ސިފައިގައި ފުރަތަމަ ފަހަރަށް ދަތްއުނގުޅާ ބުރުސް އުފެއްދީ 1938 ވަނަ އަހަރުގައި ޑޫޕޮންޓް ޑޫނިމޯސް އެވެ.
އެހެން ނަމަވެސް 1498 ވަނަ އަހަރުން ފެށިގެން ޖަނަވާރުންގެ ކެހެރި ބޭނުންކޮއްގެން ބުރުސް އުފައްދާފައިވެއެވެ. ގިނައަދަދަކަށް ފުރަތަމަ ބުރުސް އުފައްދަންފެށީ 1780 ވަނަ އަހަރުގައި
Wednesday, November 11, 2009 |
Posted in
އެހެނިހެން
|
އިތުރަށް ވިދާޅުވޭ »
ޑިމޮކްރަސީގެ ޗެމްޕިއަނުންކަމަށްވާ އެމެރިކާއާއި އިނގިރޭސިވިލާތުން އަޅުގަނޑުމެންގެ ރާއްޖެއަށް އިމްޕޯޓުކޮށްގެން މިއުޅޭ ޑިމޮކްރަސީގެ ޢަދުލު އިންސާފުވެރިކަން ހުރި މިންވަރު ނިކަންފަހެ ބައްލަވާލައްވަބަލާށެވެ. އެއްވެސްމީހަކު ކުށްކުރާކަމަކަށް ނުވެއެވެ.
Wednesday, November 11, 2009 |
Posted in
ރިޕޯޓް
|
އިތުރަށް ވިދާޅުވޭ »
