އޮޕެރާ 10.10 ގެ ފައިނަލް ރިލީސް ކޮއްފި.

އޮޕެރާ 10.10 ގެ ފައިނަލް، ރިލީސް ކޮށް އަދި އާއްމު ޑައުންލޯޑަށް ދޫކޮއްލައިފިއެވެ. އޮޕެރާ 10.10 ގެ ފައިނަލް މި ރިލީސްކުރީ ގިނަ ދުވަސްތަކެއްވަންދެން ބީޓާ ޓެސްޓްކުރުމަށްފަހުއެވެ. އޮޕެރާކުންފުނިން ހާމަކުރާގޮތުގައި މިއީ މިހާތަނަށް ނެރެވުނު އޮޕެރާގެ އެންމެ ފުރިހަމަ އަދަދެވެ.


މި އަދަދުގައި ބޭނުންކުރާމީހުންނަށް ކަމުދާނެ ވަރަށްގިނަ ފީޗާސް ތަކެއް ހިމަނާފައިވާނެކަމަށް އެކުންފުނިން ހާމަ ކުރެއެވެ. މިގޮތުން ފައިލް ޝެއާރ ކުރުން، ފޮޓޯ ހޮސްޓްކުރުން، މީޑިޔާ ސްޓްރީމިންގ،ފައިލް ސިންކްރޮނައިޒިން އަދި ޗެޓް ކުރުންފަދަ އެތައް ކަމެއްހިމެނެއެވެ.
އޮޕެރާ ކުންފުނިން ހާމަ ކުރާ ގޮތުގައި އޮޕެރާ 10.10 ގެ ބީޓާ ބޭނުން ކުރާ ފަރާތްތަކަށް، އޮޕެރާގެ ފައިނަލްއަށް އަޕްގްރޭޑްކުރުމުން މާބޮޑު ތަފާތެއް ނުފެންނާނެއެވެ. ނަމަވެސް ކުރީގެ އަދަދުތައް ބޭނުންކުރާ ފަރާތްތަކަށް މި ތަފާތު ފާހަގަ ކުރެވޭނެއެވެ.

ނޯޓް: ފޮޓޯތައް ސާފުކޮއްބެއްލެވުމަށް ފޮޓޯއަށް ކްލިކް ކޮއްލައްވާ!