ކަނޑުމަތިން ފެނުނު ހަގީގަތަކަށްވި ހުވަފެން.
އެއީ މީގެގާތްގަނޑަކަށް 30 އަހަރު ކުރީގެ ހާދިސާއެކެވެ. ކުރިނބީ ހާޖީގެ ދޯނީގައި އެދަތުރު މާލޭން ފުރައިގެން ހަސަން ޒާހިރުމެން ފުރަތަމަ ދިޔައީ ނޮޅިވަރަންފަރަށެވެ. މަންޒިލަކަށްވީ މަކުނުދުއެވެ. އަރުވާލި މީހުން އެދޯނީގައި ވަރަށް ގިނައެވެ. ޒާހިރަކީވެސް އޭގެތެރޭގައި ހިމެނޭ މީހެކެވެ.
ޒާހިރަކީ އާދައިގެ ގޮތެއްގައި ކަނޑުމަތީގައި ނިދާ އުޅޭމީހެއްނޫނެވެ. ނަމަވެސް އިރުއޮއްސެން ދާދި ކައިރިވެފާ ވަނިކޮށް، ވަރަށްބޮޑަށް ފޫހިވެގެން ދޯނީގެ ފެންފިލާމަތީގައި އޮށޯވެލިއެވެ. މޯޅިއަށް ދެމިލާ ސިނގިރެޓެއް ބޮއިލާހަދާލަން ކަމަށެވެ. ނަމަވެސް ކުޑައިރުކޮޅަކުން ނިދިއަންނަގޮތް ވިއެވެ.
އޭނާއަށް ނިދުނުތާ މާގިނައިރެއްނުވެ ފެނުނީ ހުވަފެނެކެވެ. "އަވަހަށް ތިޔަ ދޯނި އަނބުރާލާ! ތިޔަދިމާ ކަނޑުތެރޭގައި މީހަކު ވެއްޖެ." ފެނުނު ހުވަފެނާ ބެހޭގޮތުން އޭނާ ކިޔައިދިނެވެ.
ހަސަން ޒާހިރަކީ ދިވެހިރާއްޖޭގެ އަޑުގެ ޑިއުޓީ އޮފިސަރެއްގެ ގޮތުގައި މަސައްކަތްކުރި މީހެކެވެ. އޭނާ ނިޔާވުމުގެ ކުރިން މިވާހަކަ ސޯދުބެއަށް ވަނީ ކިޔާދީފައެވެ. ބައެއްމީހުން ބުނާގޮތުގައި ހުވަފެނަކީ ބިލާހެކެވެ. އެކަމަކު މިއީ ހަޤީގަތެކެވެ. އެ ހުވަފެންވީ ހަޤީގަތަކަށްކަން އޭނާއާއި އެކު އެދޯނީގައި ތިބި އެހެން މީހުންވެސް ދަންނާނެއެވެ. މިވާހަކަ މި ލިޔަނީ އޭނާ ސޯދުބެއަށް މިވާހަކަ ކިޔައިދީފައިވާ ގޮތަށެވެ.
މި ހުވަފެން ފެނުމާއި އެކު ސިއްސައިގެން ގޮސްފައި އޭނާއަށް ހޭލެވުނެވެ. ހަމައެއާއި އެކު ދޯނި ދުއްވަން ހުރި މީހާޔަށް ޒާހިރު ބުންޏެވެ. އަވަހަށް ދޯނި އަނބުރާލާށެވެ. މިދިމާ ކަނޑުތެރޭގައި މީހަކ ވެއްޖެއެވެ. އެވަގުތު ހުންގާނުގައި ހުރި މީހާ ހީގެންފައި ބުންޏެވެ. ކަލޭ ތިހުރީ މޮޔަވެފައިތާއެވެ. މިއާއި އެކު ދޯނީގައި ތިބި އެހެންމީހުންވެސް ހޭންފެށިއެވެ. ނަމަވެސް ޒާހިރު ހުރީ ވަރަށް ކަންބޮޑުވެފައެވެ.
އިރުކޮޅަކުން މީހަކު ހަޅޭއްލަވައިގެން އަޑު އިވުންހެން ހީވިއެވެ. ޒާހިރު އެމީހުންނާ ދިމާލަށް ބުންޏެވެ. އެއިވެނީ އެމީހާގެ އަޑެއް ނޫންހެއްޔެވެ؟ އަވަހަށް އަނބުރާލާށެވެ. ނަމަވެސް ހިތާމަޔަކީ އެއަޑު އެހެން މީހަކަށް ނީވޭކަމެވެ. އެމީހުން ބުންޏެވެ. މިހާ ވައި ދަތިއިރު، އިރުއޮއްސި އަނދިރިވާއިރު އެހެން އޮޑި އަނބުރާލެވިދާނެ ހެއްޔެވެ؟ މީނާ އަވަހަށް ބަންނާށެވެ.
ހަމަ ކުއްލިއަކަށް އަނެއްކާވެސް މީހެއްގެ ހަޅޭކުގެ އަޑު އިވިއްޖެއެވެ. އެއަޑުގައި އެކުލެވިގެންވަނީ ވޭނާއި ހިތާމައަށް ގެނބިފައިވާ ކަހަލަ އަސަރެކެވެ. އެވަގުތު ޒާހިރު ބުނަމުން ދިޔައެވެ. ކަލޭމެންވެސް ނިކަން އަޑުއަހާލަ ބަލާށެވެ. އިރު އިރުކޮޅުން އޭނާ ހަޅޭއްލަވާއަޑު އެއިވެނީ ނޫންހެއްޔެވެ؟
ދެން ވަރަށް ގިނަމީހުން ފިލާގަނޑުމައްޗައް ހިނގައްޖެއެވެ. ގޮސް ކަނުލާއަހަންތިއްބެވެ. އެފަހަރު އެ އެންމެންނަށްވެސް މީހަކު ހަޅޭއްލަވައިގެން އަޑުއިވިއްޖެއެވެ. އެވަގުތު އެންމެންނަށް އެއްފަހަރާ ބުނެލެވުނެވެ. "އާނ! އަހަރެމެންނަށްވެސް އަޑުއިވިއްޖެއެވެ. އަވަހަށް ދޯނި އަނބުރާލާށެވެ."
އޮޑި އަނބުރާލައިފިއެވެ. އޭރު ދުނިޔެމަތި މުޅިންހެން ވަނީ އަނދިރިވެފައެވެ. ދެން އެމީހަކަށް ލިބުނު އަލިކަމެއްހިފައިގެން އެމީހަކު އިންދިމާއަކުން ތެދުވެ އަލިކުރަން ފަށައިފިއެވެ. މީގެ ތެރޭގައި ފަސްބުރި ބެޓެރީގެ ޗޯޓުވެސް ހުއްޓެވެ. މިގޮތައް ހޯދަ ހޯދާ ތިއްބާ ދޯނީގެ ކުރިން އަނދިރިގަނޑެއްކަހަލައެއްޗެއް ރާޅާއެކު މަޑުމަޑުން ދޯންޏާ މަޑުމަޑުން ކައިރިވާތީ ފެނިއްޖެއެވެ. ދޯނި މަޑުކޮއްލާފައި ބަލާލިއިރު އެއީ ހަމަ، މީހެކެވެ. ރަނގަޅު އިންސާނެކެވެ.
އަހަރެމެން އޭނާ ދޯންޏަށް ނެގީމެވެ. އޭނާގެ އަނގައިން ބޭރުވީ އެންމެ އަޑެކެވެ. އެއާއި އެކު ހޭނެތިއްޖެއެވެ. އޭނާގެ ކިހިލިފަތްދޮށުންފެށިގެން އުނަގަނޑުން ތިރިއަށްދާންދެން އެންމެ ހަންފަށެއްވެސް ނެތެވެ. އަވަސް އަވަހަށް ހުރިހާމީހުންގެ ލަފާގެ މަތިން ފަނިގިރައިގެން އޭނާގެ ބޮލަށާއި ފަނި އެޅީއެވެ. ފަނި އަޅާތެންމާލީއެވެ.
ގާތްގަނޑަކަށް ދެގަޑިއިރެއްހާ އިރުތެރޭގައި އޭނާ ހޭއަރައިފިއެވެ. ބަލި ބަލި އަޑަކުން އޭނާ ބުނެދިންގޮތުގައި އޭނާޔާ އަދި އެހެން މީހަކާއި އެކު ގޮއިދޫން ފަތިހު ވަދާ ނުކުމެ އުޅެނިކޮށް، ދޯނި ބަންޑުންޖަހާލީއެވެ. އަނެކަކަށް ވީގޮތެއް އޭނާއަކަށް ނޭގެއެވެ. އޭނާގެ އަތުގައި ޖެހުނު މަޅުގަނޑެއްގައި ހިފައިގެން އޭގެ އެހީގައި ފެންމަތީގައި އޮތީއެވެ. އެހެން އޮންނަތާ އެއީ ހަތަރުވަނަ ދުވަސްކަމަށް އޭނާ ބުންޏެވެ. އޭނާ ބުނި ގޮތުގައި ދުވާލުވެސް ދޯނިފަހަރު އޭނާ އާއި ދާދި ކައިރިންވެސް ދެއެވެ. ނަމަވެސް ގޮވާ ގޮވާވެސް އެއްވެސް ބަޔަކަށް އެއަޑެއްނީވެނީއެވެ. ﷲ ގެ އިރާދަ ފުޅުން މި ދޯންޏާ ދިމާވެ ސަލާމަތްވާގޮތް ވީއެވެ. އެރެއަކީ މުޅިން އުންމީދު ކެނޑި އިރު އަރަންދެންވެސް ނޯވެވޭނެ ރޭކަމަށް އޭނާ ބުންޏެވެ. އެއީ ހަކަތަ ދެރަ ކަމުންނެވެ. ނަމަވެސް ސަލާމަތް ކުރައްވާނެއަޅަކު އެކަލާނގެ ސަލާމަތް ކުރައްވާނެކަން މިކަމުންވެސް އެނގެއެވެ.
އޭނާގެ ވާހަކަ މިހާ ހިސާބަށް ދިޔުމުން، ވާހަކަ ނުދައްކާ މަޑުން އޮވެ އަރާމު ކުރުމަށް ދޯނީގެ މީހުން އޭނާ ގާތު އެދުނެވެ. އޭނާ ގެންދިޔައީ އެމީހުންނާއި އެކު މަކުނުދުއަށެވެ.
http://dhiburunu.blogspot.com
ޒާހިރަކީ އާދައިގެ ގޮތެއްގައި ކަނޑުމަތީގައި ނިދާ އުޅޭމީހެއްނޫނެވެ. ނަމަވެސް އިރުއޮއްސެން ދާދި ކައިރިވެފާ ވަނިކޮށް، ވަރަށްބޮޑަށް ފޫހިވެގެން ދޯނީގެ ފެންފިލާމަތީގައި އޮށޯވެލިއެވެ. މޯޅިއަށް ދެމިލާ ސިނގިރެޓެއް ބޮއިލާހަދާލަން ކަމަށެވެ. ނަމަވެސް ކުޑައިރުކޮޅަކުން ނިދިއަންނަގޮތް ވިއެވެ.
އޭނާއަށް ނިދުނުތާ މާގިނައިރެއްނުވެ ފެނުނީ ހުވަފެނެކެވެ. "އަވަހަށް ތިޔަ ދޯނި އަނބުރާލާ! ތިޔަދިމާ ކަނޑުތެރޭގައި މީހަކު ވެއްޖެ." ފެނުނު ހުވަފެނާ ބެހޭގޮތުން އޭނާ ކިޔައިދިނެވެ.
ހަސަން ޒާހިރަކީ ދިވެހިރާއްޖޭގެ އަޑުގެ ޑިއުޓީ އޮފިސަރެއްގެ ގޮތުގައި މަސައްކަތްކުރި މީހެކެވެ. އޭނާ ނިޔާވުމުގެ ކުރިން މިވާހަކަ ސޯދުބެއަށް ވަނީ ކިޔާދީފައެވެ. ބައެއްމީހުން ބުނާގޮތުގައި ހުވަފެނަކީ ބިލާހެކެވެ. އެކަމަކު މިއީ ހަޤީގަތެކެވެ. އެ ހުވަފެންވީ ހަޤީގަތަކަށްކަން އޭނާއާއި އެކު އެދޯނީގައި ތިބި އެހެން މީހުންވެސް ދަންނާނެއެވެ. މިވާހަކަ މި ލިޔަނީ އޭނާ ސޯދުބެއަށް މިވާހަކަ ކިޔައިދީފައިވާ ގޮތަށެވެ.
މި ހުވަފެން ފެނުމާއި އެކު ސިއްސައިގެން ގޮސްފައި އޭނާއަށް ހޭލެވުނެވެ. ހަމައެއާއި އެކު ދޯނި ދުއްވަން ހުރި މީހާޔަށް ޒާހިރު ބުންޏެވެ. އަވަހަށް ދޯނި އަނބުރާލާށެވެ. މިދިމާ ކަނޑުތެރޭގައި މީހަކ ވެއްޖެއެވެ. އެވަގުތު ހުންގާނުގައި ހުރި މީހާ ހީގެންފައި ބުންޏެވެ. ކަލޭ ތިހުރީ މޮޔަވެފައިތާއެވެ. މިއާއި އެކު ދޯނީގައި ތިބި އެހެންމީހުންވެސް ހޭންފެށިއެވެ. ނަމަވެސް ޒާހިރު ހުރީ ވަރަށް ކަންބޮޑުވެފައެވެ.
އިރުކޮޅަކުން މީހަކު ހަޅޭއްލަވައިގެން އަޑު އިވުންހެން ހީވިއެވެ. ޒާހިރު އެމީހުންނާ ދިމާލަށް ބުންޏެވެ. އެއިވެނީ އެމީހާގެ އަޑެއް ނޫންހެއްޔެވެ؟ އަވަހަށް އަނބުރާލާށެވެ. ނަމަވެސް ހިތާމަޔަކީ އެއަޑު އެހެން މީހަކަށް ނީވޭކަމެވެ. އެމީހުން ބުންޏެވެ. މިހާ ވައި ދަތިއިރު، އިރުއޮއްސި އަނދިރިވާއިރު އެހެން އޮޑި އަނބުރާލެވިދާނެ ހެއްޔެވެ؟ މީނާ އަވަހަށް ބަންނާށެވެ.
ހަމަ ކުއްލިއަކަށް އަނެއްކާވެސް މީހެއްގެ ހަޅޭކުގެ އަޑު އިވިއްޖެއެވެ. އެއަޑުގައި އެކުލެވިގެންވަނީ ވޭނާއި ހިތާމައަށް ގެނބިފައިވާ ކަހަލަ އަސަރެކެވެ. އެވަގުތު ޒާހިރު ބުނަމުން ދިޔައެވެ. ކަލޭމެންވެސް ނިކަން އަޑުއަހާލަ ބަލާށެވެ. އިރު އިރުކޮޅުން އޭނާ ހަޅޭއްލަވާއަޑު އެއިވެނީ ނޫންހެއްޔެވެ؟
ދެން ވަރަށް ގިނަމީހުން ފިލާގަނޑުމައްޗައް ހިނގައްޖެއެވެ. ގޮސް ކަނުލާއަހަންތިއްބެވެ. އެފަހަރު އެ އެންމެންނަށްވެސް މީހަކު ހަޅޭއްލަވައިގެން އަޑުއިވިއްޖެއެވެ. އެވަގުތު އެންމެންނަށް އެއްފަހަރާ ބުނެލެވުނެވެ. "އާނ! އަހަރެމެންނަށްވެސް އަޑުއިވިއްޖެއެވެ. އަވަހަށް ދޯނި އަނބުރާލާށެވެ."
އޮޑި އަނބުރާލައިފިއެވެ. އޭރު ދުނިޔެމަތި މުޅިންހެން ވަނީ އަނދިރިވެފައެވެ. ދެން އެމީހަކަށް ލިބުނު އަލިކަމެއްހިފައިގެން އެމީހަކު އިންދިމާއަކުން ތެދުވެ އަލިކުރަން ފަށައިފިއެވެ. މީގެ ތެރޭގައި ފަސްބުރި ބެޓެރީގެ ޗޯޓުވެސް ހުއްޓެވެ. މިގޮތައް ހޯދަ ހޯދާ ތިއްބާ ދޯނީގެ ކުރިން އަނދިރިގަނޑެއްކަހަލައެއްޗެއް ރާޅާއެކު މަޑުމަޑުން ދޯންޏާ މަޑުމަޑުން ކައިރިވާތީ ފެނިއްޖެއެވެ. ދޯނި މަޑުކޮއްލާފައި ބަލާލިއިރު އެއީ ހަމަ، މީހެކެވެ. ރަނގަޅު އިންސާނެކެވެ.
އަހަރެމެން އޭނާ ދޯންޏަށް ނެގީމެވެ. އޭނާގެ އަނގައިން ބޭރުވީ އެންމެ އަޑެކެވެ. އެއާއި އެކު ހޭނެތިއްޖެއެވެ. އޭނާގެ ކިހިލިފަތްދޮށުންފެށިގެން އުނަގަނޑުން ތިރިއަށްދާންދެން އެންމެ ހަންފަށެއްވެސް ނެތެވެ. އަވަސް އަވަހަށް ހުރިހާމީހުންގެ ލަފާގެ މަތިން ފަނިގިރައިގެން އޭނާގެ ބޮލަށާއި ފަނި އެޅީއެވެ. ފަނި އަޅާތެންމާލީއެވެ.
ގާތްގަނޑަކަށް ދެގަޑިއިރެއްހާ އިރުތެރޭގައި އޭނާ ހޭއަރައިފިއެވެ. ބަލި ބަލި އަޑަކުން އޭނާ ބުނެދިންގޮތުގައި އޭނާޔާ އަދި އެހެން މީހަކާއި އެކު ގޮއިދޫން ފަތިހު ވަދާ ނުކުމެ އުޅެނިކޮށް، ދޯނި ބަންޑުންޖަހާލީއެވެ. އަނެކަކަށް ވީގޮތެއް އޭނާއަކަށް ނޭގެއެވެ. އޭނާގެ އަތުގައި ޖެހުނު މަޅުގަނޑެއްގައި ހިފައިގެން އޭގެ އެހީގައި ފެންމަތީގައި އޮތީއެވެ. އެހެން އޮންނަތާ އެއީ ހަތަރުވަނަ ދުވަސްކަމަށް އޭނާ ބުންޏެވެ. އޭނާ ބުނި ގޮތުގައި ދުވާލުވެސް ދޯނިފަހަރު އޭނާ އާއި ދާދި ކައިރިންވެސް ދެއެވެ. ނަމަވެސް ގޮވާ ގޮވާވެސް އެއްވެސް ބަޔަކަށް އެއަޑެއްނީވެނީއެވެ. ﷲ ގެ އިރާދަ ފުޅުން މި ދޯންޏާ ދިމާވެ ސަލާމަތްވާގޮތް ވީއެވެ. އެރެއަކީ މުޅިން އުންމީދު ކެނޑި އިރު އަރަންދެންވެސް ނޯވެވޭނެ ރޭކަމަށް އޭނާ ބުންޏެވެ. އެއީ ހަކަތަ ދެރަ ކަމުންނެވެ. ނަމަވެސް ސަލާމަތް ކުރައްވާނެއަޅަކު އެކަލާނގެ ސަލާމަތް ކުރައްވާނެކަން މިކަމުންވެސް އެނގެއެވެ.
އޭނާގެ ވާހަކަ މިހާ ހިސާބަށް ދިޔުމުން، ވާހަކަ ނުދައްކާ މަޑުން އޮވެ އަރާމު ކުރުމަށް ދޯނީގެ މީހުން އޭނާ ގާތު އެދުނެވެ. އޭނާ ގެންދިޔައީ އެމީހުންނާއި އެކު މަކުނުދުއަށެވެ.
http://dhiburunu.blogspot.com
ޕޯސްޓް ކުރީ dhi-burunu
ތާރީޚް Tuesday, November 24, 2009. މިލިޔުން ހިމެމެނޭނީ
ހަގީގީ ހާދިސާ
.
ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..
