“ފިތުނައިގެ ހުޅުގަނޑު” މިމަޢުލޫއަށް ދަރުސެއް ބާއްވަން ހަމަޖެހިފައިވާކަމަށް އިސްލާމިކް ފައުންޑޭޝަން އޮފް މޯލްޑިވުސް އިން ހާމަކުރައްވައިފިއެވެ.

 އެޖަމްޢިއްޔާގެ ރައީސް އިބުރާހިމް ފައުޒީ ވިދާޅުވީ “ނޮވެންބަރ މަހުގެ 5 ވަނަ ދުވަހު އަރޓިފިޝަލް ބީޗްގައި ފިތުނައިގެ ހުޅުގަނޑު މިމަޢުލޫއަށް ދަރުސްދެއްވާނީ އައްޝައިޚް މުޙައްމަދު މޫސާ” ކަމަށެވެ. އަދި މިދަރުސް ‘އެމް.އެން.ބީ.ސީ ވަން’ އިން ލައިވް ކުރަން ހަމަޖެހިފައިވާކަމަށް އެޖަމިއްޔާއިން ހާމަކުރައްވައެވެ.

މިހާރު އެޖަމްޢިއްޔާއިން ދަނީ މިދަރުސް އިސްތިހާރު ކުރުމުގެ މަސައްކަތް ކުރަމުންނެވެ.

ވީޑިޔޯ ޝެއަރ ކުރުމުގައި މުޅި ދުނިޔެއަށް މަޝްހޫރު ވެބްސައިޓް ޔޫޓީޔުބް ޕާކިސްތާނުގައި ބްލޮކް ކޮށްފިއެވެ. ޔޫޓިޔުބް ބްލޮކް ކުރަން ޖެހުނީ އެ ވެބްސައިޓްގައި އިސްލާމްދީނާ ޚިލާފް ވީޑިޔޯތައް އާންމު ކުރަމުން ދާތީ ކަމަށް ޕާކިސްތާނުގެ އޮފިޝަލުން ހާމަކުރައްވައެވެ. ޕާކިސްތާނުގެ މި އަމަލުގެ ސަބަބުން ޔޫޓިޔުބުން އަދި ވަކި އެއްޗެއް ބުނެފައިވާކަމަށް މައުލޫމާތު ލިބިފައެއް ނުވެއެވެ.

ލިޔުނީ: އަލީ އަހްސަން

ޑރ ޒާކިރު ނައިކްގެ ދަރުސް ބާއްވާން ސްޓޭޑިމްދިނުމަށްފަހު ނުލިބޭނެކަމަށް އަންގައިފިކަމަށް ވަރަށް މުއުތަބަރު ފަރާތަކުން ދިއިސްލާމްއަށް ހަބަރު ދީފިއެވެ.

‘ޑރ ޒާކިރުނައިކްގެ ދަރުސް ބޭއްވުމަށް އެކުވެނީ އައުޓްޑޯ ސްޓޭޑިއަމް ދިނުމަށްފަހު ނުދެވޭނެކަމަށް ޔޫތު މިނިސްޓްރީ އިން އިސްލާމިކް އެފެއާރޒްއަށް އަންގާފައިވާކަމަށް’ ދިއިސްލާމްއަށް ވަނީ ހަބަރުލިބިފައެވެ. ޔޫތު މިނިސްޓްރީއިން އިސްލާމިކް އެފެއާރޒްއަށް އެކުވެނި ސްޓޭޑިއަމް ދީފައި އަނެއްކާ ‘އަތުލާފައި’ވަނީ ކީއްވެކަމެއް އަދި ވަނީ މައުޟޫމާތު ލިބޭގޮތް ނުވެފައެވެ.

ޢަދާލަތު ޕާޓީގެ އިނގިރޭސި ވެބްސައިޓް މިއަދު ރަސްމީކޮށް ލޯންޗުކޮށްފިއެވެ. އަދިހަމަ މިސައިޓާއިއެކު ޢަދާލަތު ޕާޓީގެ ވީޑިއޯ ވެބްސައިޓްވެސް މިއަދު ވަނީ ލޯންޗްކޮށްފައެވެ. މިދެވެބްސައިޓަކީ ޢަދާލަތު ޕާޓީގެ މައިވެބްސައިޓް ގައި ލިންކް ކުރެވިފައިވާ ދެސައިޓެވެ. މިދެސައިޓްގެ ސަބަބުން ޢަދާލަތު ޕާޓީގެ މަޢުލޫމާތު ފެތުރުމުގެ ކަންކަމުގައި އިތުރު ކުރިއެރުން ތަކެއް ލިބިގެން ދާނޭކަމަށް އުންމީދު ކުރެވެއެވެ.

ސިޔާސީ ވާހަކަތަކާއި ހަބަރުތައް ގެނެސްދިނުމުގައި މަޝްހޫރުކަމެއް ހޯދަމުން އަންނަ ޖިބުއެބްލޮގް މިއަދުގެ ވަގުތެއްގައި ހެކްކޮށްފިއެވެ. މިހާރު ޖިބުއެ ބްލޮގަށް ވަނުމުން ފެންނަން ހުންނަނީ މަތީގައިވާ ފޮޓޯއިން އެފެންނަ ދިވެހި ނިޝާނާއި އެ ލިޔުންކޮޅެވެ. ޖިބުއެ ބްލޮގަކީ މި ފަހަކަށް އައިސް ސަރުކާރުގެ އެތެރޭގައި ހިނގާ ތަފާތު ކަންތައްތަކުގެ މައުލޫމާތު އެންމެ ތާޒާކޮށް ގެނެސްދޭ އެއްބްލޮގެވެ. އެހެންކަމަށް ވުމާއެކީ ވަރަށް ގިނަ ފަރާތްތަކެއްގެ ފާޑުކިޔުންތަކާއި ނުރުހުމުގެ ލޯތައް ޖިބުއެ ބްލޮގަށް އަމާޒުވެގެން ގޮސްފައިވެއެވެ.

އެމެރިކާގެ މަޝްހޫރު ލަވަކިޔުންތެރިޔާ އޭކަން އަންނަ މަހުގައި ރާއްޖޭގައި ކޮންސަޓެއް ބާއްވަން ހަމަޖެހިފައިވާއިރު، އެއީ އިސްލާމިކް މިނިސްޓްރީން ތަރުހީބު ދޭނޭކަމެއް ނޫންކަމަށާއި އެ އިވެންޓު ދުރަށް ނުދެއްކުމަށް އިސްލާމިކް މިނިސްޓްރީން ގޮވާލައިފިއެވެ. ނޫސްވެރިންނަށް މައުލޫމާތު ދެއްވުމަށް މިއަދު އިސްލާމިކް މިނިސްޓްރީގައި ބޭއްވި ބައްދަލުވުމެއްގައި ސްޓޭޓް މިނިސްޓަރ ޝޭޚް ޝަހީމް ވިދާޅުވީ އެކަމަކީ ގައުމުގައި ހުޅުވިގެންދާ ނުބައި ދޮރެއްކަމަށާއި، އެކަން ހުއްޓުވަން ކުރެވެން ހުރި ހުރިހާ މަސައްކަތެއް ކުރައްވާނޭކަމަށެވެ.

ޑރ ޒާކިރް ނައިކް މިމަހު 28 ގައި ރާއްޖެ ވަޑައިގަތުމަށްހަމަޖެހިފައިވާކަމަށް އިސްލާމިކް އެފެއާރޒުން ހާމަކުރައްވައިފިއެވެ.

އިންޑިއާގެ މަޝްހޫރު ދާޢީ އަދި ދިވެހިންގެ މަޤްބޫލުކަން ޒަމާނުންފެށިގެން ލިބިފައިވާ ޝެއިހް ރާއްޖެ ވަޑައިގަތުމަށް ހަމަޖެހިފައިވަނީ އިސްލާމިކް މިނިސްޓްރީގެ ދައުވަތަކަށެވެ. ޑރ ޒާކިރްގެ ޒިޔާރަތުގައި އެމަނިކުފާނުގެ އާއިލާވެސް ވަޑައިގަންނަވާނެކަމަށްވެއެވެ.

ލިޔުނީ: އަލީ އަހްސަން

ދީނީ މައްސަލައެއްގެ ސަބަބުން ‘އޭކޮން’ގެ ކޮންސެޓް ލަންކާގައި ނުބޭއްވިގެން ކޮންސެޓް ރާއްޖޭގައި ބާއްވާގޮތަށް ހަމަޖެހިފައިވާކަމަށް ދުނިޔޭގެ މީޑިއާތަކުން ހާމަކުރަމުން އެބަދެއެވެ.

މީގެ ދުވަސްތަކެއް ކުރިން ދުނިޔޭގެ އެންމެ މުއްސަނދި ފިރެހެނާގެ މަގާމު ހިފަހައްޓަމުންއައި ބިލްގޭޓްސްއަށް އޭނަގެ މަގާމު ގެއްލިއްޖެއެވެ. މިއާއެކީ މި މަގާމު ލިބެނީ މެކްސިކަން ޓެލެކޮމް ޓައިކޫންގެ އެންމެ އިސްވެރިޔާ ކާލޯސް ސްލިމް އަށެވެ. އޭނާއަށް މި މަގާމު ލިބެނީ އޭނާގެ މާލިއްޔަތުގައި 53.5 ބިލިޔަން ޑޮލަރު  ހުރުމުންނެވެ.

ޝައިޚުލްއަޒްހަރު މުހައްމަދު ސައްޔިދު ތަންތާވީ އަވަހާރަ ވެއްޖެއެވެ. އެމަނިކުފާނު އަވަހާރަ ވެފައިވަނީ ސައޫދި އަރަބިޔާގައި ހުންނަވަނިކޮންނެވެ.

ހަބަރު ލިބޭގޮތުގާ މިސްރުގެ އަލް އަޒްހަރު ޔުނިވާސިޓީގެ އެންމެ އިސްވެރިޔާ ކަމަށްވާ ތަންތާވީ އަވަހާރަވީ ހާޓް އެޓެކެއްޖެހިގެންނެވެ.

މަދަރުސަތުލްޢަރަބިއްޔާއަށް ގިނަޒަމާންތަކެއްވެ ބާވުމުގެ ސަބަބުން އެ ޢިމާރާތުގެ ބައެއްތަންތަން ފައިބަމުންދާތީ ވަކިމުއްދަތެއް ނެތި އެތަން ބަންދުކުރުމުން ޖަމްޢިއްޔަތުއްސަލަފުން އެކަމާ ކަންބޮޑުވުން ފާޅުކޮށް ކުއްލި ނޫސްބަޔާނެއް ނެރެފިއެވެ.

ޖަމްޢިއްޔަތުއްސަލަފުގެ ނޫސް ބަޔާނުގައި ޢަރަބިއްޔާ ސްކޫލު ހެޔޮ ގޮތުގައި ހިންގުމުގެ ޤާބިލްކަން ސަރުކާރުގައި ނެތްނަމަ ހެޔޮއެދޭ ފަރާތްތަކުން އެކަމުގައި ވެދެއްވެން އޮތް އެހީތެރިކަމާއި އެއްބާރުލުން ދިނުމަށް ރާއްޖޭގެ ހުރިހައި ރައްޔިތުންނަށް އިލްތިމާސްކޮށް ގޮވާލާފައިވެއެވެ.

"ސުދާމާ އާއި ކްރިޝްނާ ބައްދަލުވީ، މުޤައްދަސް ސަންދީޕުގެ އަޅުވެތިކަމާއި ޒުހުދުވެރިކަމުގެ ދުވަސްވަރުގައެވެ. ހައިނާއަށް ސިހުރު ހަދަން ކްރިޝްނާއަށް ދަސްކޮށްދިން މީހަކީ ސުދާމާއެވެ....."


މި ވާހަކައަކީ ސުދާމާ އާއި ކްރިޝްނާ އެ ދެމީހުންގެ ވާހަކަ "ބަގުވަތު ޕުރާނާ" ގައި ކިޔާދެވިފައިވާ ފަދައިން، އެދެމީހުންގެ މެދުގައި އޮތް ތެދުވެރި ރަޙްމަތްތެރިކަމުގެ ވާހަކައެވެ.....

ދި-ބުރުނު
މިއީ މި ބްލޮގަށް ޒިޔާރަތް ކުރާ މީހުންގެ މެދުގައި، އެންމެ ކަމުދާ ބްރައުޒާއެއް ހޯދުމަށް ނެގުނު ވޯޓުގެ ނަތީޖާއެވެ. މި ވޯޓުގެ ނަތީޖާ ދައްކާ ގޮތުން އެންމެ ގިނަ ވޯޓު ލިބިގެން އެންމެ ކުރީގައި އުޅެނީ ފަޔާ ފޮކްސް އެވެ. އެއީ ވޯޓުގެ 50 ޕަސެންޓް ލިބިގެންނެވެ. 25 ޕަސެންޓް ވޯޓާ އެކު ދެވަނައިގައި އުޅެނީ އޯޕެރާ އެވެ.

ދި-ބުރުނު

ސައުދި އަރަބިޔާގެ އެކި ހިސާބުތަކަށް ވިއްސާރަ ކުރަމުންދާކަމަށް ހަބަރުތައް ލިބެމުން އެބަދެއެވެ. ވެހެމުންދާ ވާރޭގެ ސަބަބުން ބިންގަނޑު ކަނޑައިގެން ދިއުމުގެ ހާދިސާތައްވަނީހިނގާފައެވެ.

އަދި ހަބަރު ލިބިފައިވާ ގޮތުގައި 90 މިލިމީޓަރަށް ވާރޭވެހިފައިވެއެވެ. އަދި މަދުވެގެން 48 މީހުން މަރުވެފައި ވާކަމަށް ހަބަރުތައް ބުނެއެވެ. ނަމަވެސް މީގެ ތެރޭގައި އެއްވެސް ހައްޖުވެރިއަކު ނުހިމެނޭ ކަމަށް ސައޫދީގެ އޮފިސަލުން ހާމަކުރައްވައެވެ.