އޭކަންގެ ކޮންސެޓު ހުއްޓުވުމަށް މަސައްކަތްކުރާނޭކަމަށް އިސްލާމިކް މިނިސްޓްރީން ބުނެފި

އެމެރިކާގެ މަޝްހޫރު ލަވަކިޔުންތެރިޔާ އޭކަން އަންނަ މަހުގައި ރާއްޖޭގައި ކޮންސަޓެއް ބާއްވަން ހަމަޖެހިފައިވާއިރު، އެއީ އިސްލާމިކް މިނިސްޓްރީން ތަރުހީބު ދޭނޭކަމެއް ނޫންކަމަށާއި އެ އިވެންޓު ދުރަށް ނުދެއްކުމަށް އިސްލާމިކް މިނިސްޓްރީން ގޮވާލައިފިއެވެ. ނޫސްވެރިންނަށް މައުލޫމާތު ދެއްވުމަށް މިއަދު އިސްލާމިކް މިނިސްޓްރީގައި ބޭއްވި ބައްދަލުވުމެއްގައި ސްޓޭޓް މިނިސްޓަރ ޝޭޚް ޝަހީމް ވިދާޅުވީ އެކަމަކީ ގައުމުގައި ހުޅުވިގެންދާ ނުބައި ދޮރެއްކަމަށާއި، އެކަން ހުއްޓުވަން ކުރެވެން ހުރި ހުރިހާ މަސައްކަތެއް ކުރައްވާނޭކަމަށެވެ.


ޝޭޚު ޝަހީމު އިތުރަށް ފާހަގަކުރެއްވި ގޮތުގައި ދީނީ އެއްބަވައިވަންތަކަމަށްޓަކައި ލަންކާއިން ފައްސާލެވިފައިވާ މީހެއްގެ ކޮންސަޓެއް ރާއްޖެ ފަދަ ސައްތައިން ސައްތަ މުސްލިމު ގައުމެއްގައި ބޭއްވުމަކީ ގަބޫލުކުރެވޭނެ ކަމެއް ނޫންކަމުގައެވެ. މީގެ އިތުރުން، އެނާ ހާމަކުރެއްވި ގޮތުގައި، މި ކޮންސަޓު ބޭއްވުމަށް ފައިސާވެރިންގެ އެހީތެރިކަން ދީފައިވާއިރު، ދުނިޔެއަށް މަޝްހޫރީ ދާޢީ ޑރ. ޒާކިރު ނައިކު ގެނައުމަށް އިސްލާމިކް މިނިސްޓްރީން ކުރާ މަސައްކަތަށް އެހީ ހޯދުމަށް ހުޅުވާލި ފުތުސަތުގައި ބައެއް ތަންތަނުން އެހީތެރިކަން ފޯރުކޮށްދީފައި ނުވާކަމަށެވެ.

ޝޭޚު ޝަހީމް މިހެން ވިދާޅުވެފައި މިވަނީ ރާއްޖޭގައި ކޮންސަރޓް ބޭއްވުމަށް ނިންމުމުން ރައީސުލްޖުމްހޫރިއްޔާގެ ސައިޓުގައި އެކަމަށް މަރުހަބާ ކިޔާފައިވާތީ އެކަމާ ގުޅިގެން އެ މިނިސްޓްރީއަށް ފާޑުކިޔުންތައް އަމާޒުވެފައިވާ ދަނޑިވަޅެއްގައެވެ. އެއީ މުޅި ދުނިޔޭގައި މަޝްހޫރު ލަވަކިޔުންތެރިއަކަށް ވުމުން، އެކަމަށް ސަރުކާރުން މަރުހަބާ ކީއިރު، މުޅި ދުނިޔެއަށް މަޝްހޫރު ޑރ. ޒާކިރު ނައިކު ރާއްޖެ ވަޑައިގަތުމަށް ހަމަޖެހުމުން ސަރުކާރުން އެކަމަށް މަރުހަބާ ކިޔާފައި ނުވާކަން ފާހަގަވެއެވެ. މީގެ އިތުރުން، އެ ކޮންސެޓު ބްރޯޑްކާސްޓު ނުކުރުމަށް އިސްލާމިކް މިނިސްޓްރީން ގޮވާލިއިރު، އާންމުން އެކަމުގައި ބައިވެރިނުވެ، އެކަމުން ދުރުކުރުމަށް މަސައްކަތްކުރާނީ ކިހާ މިންވަރަކަށް ބާއެވެ.

މުރާސިލް ނަސްރުﷲ ޖަމީލުގެ ލިޔުމެއް...

ޕޯސްޓް ކުރީ dhi-burunu ތާރީޚް Monday, April 12, 2010. މިލިޔުން ހިމެމެނޭނީ ހަބަރު . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..