އެއްއަހަރު ފުރުނީއެވެ.

މިއަދަކީ މި ބްލޮގްގެ އަހަރީ ދުވަހެވެ. ދި-ބުރުނު ބްލޮގަށް އެއްއަހަރު ފުރުނީއެވެ. މިދުވަހުގެ ތަހުނިޔާ ތިޔަ އެންމެހާ ލޮބުވެތި، އިއްޒަތްތެރި ކިޔުންތެރިންނަށް އަރިސްކުރަމެވެ. ތިބޭފުޅުންގެ ފަރާތުން ލިބެމުންދާ ތަރުހީބަށް ފަށްފަށުން ޝުކުރު އަދާކުރަމެވެ.

އެންމެ ފުރަތަމަ " ދި-ބުރުނު" މި ނަމުގައި ބްލޮގެއް ހަދާ ހިންގަން ފެށީ 12 އޭޕްރިލް 2009 އެއްގައެވެ. މަގުސަދަކީ އެއްމަގުސަދެކެވެ. ދިވެހި މުޖުތަމައަށް ފައިދާހުރި ބޭނުންތެރި މަޢުލޫމާތު ތަކެއް ހިށައަޅާ ދިނުމެވެ. މިއަދު މިހާތަނަށް އައިރު، އާދެ! އެއް އަހަރު ފުރުނު އިރު މި ބްލޮގްގައި ތަފާތު އެކި މައުޟޫ ތަކުގެ އެކި ކެޓަގަރީ ތަކުގެ އާޓިކަލްތައް ޕަބްލިޝް ކުރެވިފައިވެއެވެ. މިގޮތުން ދީނީ، ސިޔާސީ، ޓެކްނޮލޮޖީ، ވާހަކަ އަދި މީގެ އިތުރުން ތަފާތު ޝަޚުސިއްޔަތްތަކާ ބެހޭ ލިޔުންތައް ހިމެނެއެވެ. ތަފާތު އެކި ސަބަބު ތަކަށްޓަކައި އެކި ދުވަސްވަރު ބްލޮގް އަޕްޑޭޓް ކުރުން މެދު ކަނޑާލަން ޖެހޭ ކަމަށްޓަކާ ކިޔުން ތެރިންގެ އަރިހުން މިފުރުސަތުގައި މާފަށް އެދެމެވެ. އަޅުގަނޑު އުންމީދު ކުރަނީ ކުރިޔަށް އޮތްތަނުގައި މެދު ކެނޑުމެއްނެތި ﷲ ގެ އިރާދަފުޅުން މި ބްލޮގް އަޕްޑޭޓް ކުރެވިގެން ދާނެކަމަށެވެ.

ކޮންމެ ކަމެއް ކުރުމުގައިވެސް ތަފާތު އެކި ފަރާތްތަކުގެ އެހީތެރިކަން ލިބޭނެ ކަމީ ޝައްކެތް އޮތްކަމެއް ނޫނެވެ. މިގޮތުން މިބްލޮގް ކުރިއަށް ގެންދިޔުމުގައި އެހީތެރިވެދެއްވާ އެންމެހާ ފަރާތްތަކަކަށް ހިތުގެ އެންމެ ފުންމިނުން ޝުކުރު އަދާކުރަމެވެ. އަދި ކުރިއަށް އޮތްތަނުގައިވެސް އެފަރާތްތަކުގެ ފުރިހަމަ އެއްބާރުލުން ލިބިގެން ދާނޭކަމަށް އުންމީދު ކުރަމެވެ.

މިބްލޮގް ކުރިއެރުވުމަށްޓަކައި މިހާރުވެސް ތަފާތު ޕްލޭންތައް ދަނީ ކުރެވެމުންނެވެ. އަޅުގަނޑު ދެކޭގޮތުގައި ބްލޮގް ކުރިއެރުމުގައި އެންމެ މުހިންމު ދައުރެއް އަދާކުރާނީ ކިޔުންތެރިންގެ ހިޔާލެވެ. އެހެންކަމުން ތިޔަބޭފުޅުންގެ ހިޔާލުތަށް ވީހާވެސް ގިނައިން ފޮނުވުމަކީ އެދެވިގެން ވާކަމެކެވެ. މިހާރުގެ ޕްލޭން އޮތްގޮތުން ދުރުނޫން މުސްތަގުބަލެއްގައި މި ބްލޮގް ވެބްސައިޓަކަށް ބަދަލު ކުރުމުގެ ތަފާތު ހިޔާލުތައްދަނީ ކުރެވެމުންނެވެ. އަދި މީގެ އިތުރުންވެސް ތަފާތު ބޭފުޅުންގެ ލިޔުންތައް ގެނެސްދެވޭނެ ގޮތެއް މިދަނީ ހޯދަމުންނެވެ.

އަދިވެސް އެއްފަހަރު މި ދުވަހުގެ ތަހުނިޔާ ތިޔަ އެންމެހާ ފަރާތްތަކަށް އަރިސްކުރަމެވެ.

މާތް ﷲ އަޅުގަނޑުގެ މި މަސައްކަތުގައި ކާމިޔާބު ދެއްވާށިއެވެ! އާމީން.

ޕޯސްޓް ކުރީ dhi-burunu ތާރީޚް Sunday, April 11, 2010. މިލިޔުން ހިމެމެނޭނީ އެހެނިހެން . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..