މީހުން ދިރިއުޅޭ ރަށްރަށުގައި ރާ ވިއްކުމަށް ހުއްދަ ނުދިނުމަށް ސަރުކާރުން ނިންމަވައިފި
އިކޮނޮމިކް މިނިސްޓްރީގެ ޑެޕިއުޓީ މިނިސްޓަރު އަޙުމަދު އިނާޒް ވިދާޅުވީ މީހުން ދިރިއުޅޭ ރަށްރަށުގައި ބަނގުރާ ވިއްކުމުގެ ހުއްދަނުދޭގޮތަށް ނިންމެވީ އިސްލާމިކް އެފެއާރޒް މިނިސްޓްރީ އާއި ސަރަުކާރުގެ ކަމާބެހޭ އެހެން ވުޒާރާތަކާއެކު ކުރި މަޝްވަރާތަކަކަށް ފަހުކަމަށެވެ. ނަމަވެސް ރަލުގެ ޤަވާއިދަށް އެހެން އިސްލާޙް ތަކެއް ގެނެސް އެއަށްފަހު އެ ޤަވާއިދަށް ޢަމަލުކުރައްވާނެކަމަށް އިނާޒް ވިދާޅުވިއެވެ.
"އެ ބައި (މީހުން ދިރިއުޅޭ ރަށްރަށުގައި ބަނގުރާ ވިއްކުން) އުނިކުރުމަށްފަހު ދެން ދެން ޤަވާއިދަށް ޢަމަލު ކުރަން ފަށާނީ އެހެން އިސްލާޙް ތަކަކާ އެކު. މީހުން ދިރުއުޅޭ ރަށްރަށުގައި ބަނގުރަލެއް ނުވިއްކާނެ." އިނާޒް ވިދާޅުވިއެވެ.
މިއީ ދީނުގެ ޙައްޤުގައި ދީނާއި ޤައުމު ދެކެ ލޯބިވާ މީހުން ދީނަށް ނަޞްރު ދިނުމަށްޓަކައި ކުރި ޖިހާދުގެ ފޮނި ނަތީޖާއެވެ. އަދިވެސް މިޖިހާދުގައި އެންމެ ފުރިހަމަ ނަޞްރު ލިބުނީ ކަމުގައި ނުދެންނެވޭނެއެވެ. މުޅި ރާއްޖެއިން ބަނގުރާ ނުނިކުންމެނީސް ފުރިހަމަ ނަޞްރެއް ލިބުނީ ކަމަކަށް ނުބެލެވޭނެއެވެ. ނަމަވެސް މިފަހަރު މި ހޯދުނު ނަޞްރަކީ ވަރަށްވެސް ބޮޑު ކާމިޔާބީއެކެވެ.
އަޅަމެންގެ ވެރިންނަކީ ހެޔޮވިސްނޭ، ރައްޔިތުންނަށް އޯގާތެރި، އިބަރަސްކަލާނގެ ޤާނޫނު ބިންމަތީގައި ތަންފީޒް ކުރާ ބައެއްކަމުގައި ލައްވާށި! އާމީން.
އެންމެހައި ޙަމްދެއް މިލްކުވެވޮޑިގެންވަނީ ﷲ އަށެވެ.
ޕޯސްޓް ކުރީ عماد بن ناصر
ތާރީޚް Sunday, February 28, 2010. މިލިޔުން ހިމެމެނޭނީ
ހަބަރު,
ދީން
.
ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..
