ކަނބުލޮ (2)
އެމީހުންނަށް އެހިސާބަށް ނުދެވި އުޅެނިކޮށް އެއަޑު ކެނޑިއްޖެއެވެ. ދެން އިވުނީ ބާރު އަޑުފަށްގަނޑެކެވެ. ވަރަށްބާރަށް އެއްޗެއްވެއްޓި ބިން މަތީގައި ޖެހުމުން އިވޭކަހަލަ އަޑެކެވެ. އެއީ އާދައިގެ އަޑެއްނޫންކަން އެމީހުންނަށް އެނގެއެވެ. އެންމެންގެ ހިތުގައިވެސް މިހާރު އުފެދިފައި ވަނީ ބިރުވެރިކަމެވެ. "ހިނގާ އަވަހަށް މިތަނުން ނިކުމެވޭތޯ އުޅެމާ" އަސްލަމް އޭނާގެ ހިޔާލު ފާޅު ކުރިއެވެ. އަސްލަމްގެ މި ބަހަށް އެންމެންވެސް އެއްބަސްވެ ވަލު ތެރެއިން ނިކުންނަން ހިނގައިގަތެވެ.
އެމީހުން ހިނގަމުން ދިޔަ މަގުގެ އެއްފަރާތުގައި އެއޮތީ ޒަމީރުއެވެ. ޒަމީރުގެ ފުރާނަ ނެތް މަސްގަނޑެވެ. ބަލާ ބެލުމަށް ހީވަނީ އެނާ ވަނީ ވަރަށް އަނިޔާވެރި ގޮތަކަށް މަރާލާފައި ހެންނެވެ.
މާ ގިނަ އިރުތަކެއްނުވެ ޒަމީރުގެ ފުރާނަ ނެތް މަސްގަނޑު ހޮސްޕިޓަލަށް ގެންދެވުނެވެ. ޑަކްޓަރުން ބެލި ބެލުމުން އެނގުނު ގޮތުގާ ޒަމީރު ވަނީ ކޮންމެވެސް މީހަކު މަރާލާފައެވެ.
ފުލުހުންވެސް ވަރަށް ބޮޑެތި ތަހުގީގު ތަކެއް ކުރިއެވެ. އެމީހުންގެ ތަހުގީގުންވެސް ނިކުތީ ހަމަ އެއް ނަތީޖާއެކެވެ. ޒަމީރު ވަނީ ކޮންމެވެސް މީހަކު ނުވަތަ ބަޔަކު މަރާލާފައި ކަމެވެ. އެއްބަޔަކު ބުނަމުން ދިޔައީ އެއީ އެރަށުގައި އަރުވާލާފައި ތިބޭ މީހުންގެ ކަމެއް ކަމަށެވެ. އެހެންވެ އެމީހުންނަށް ޝައްކު ކުރެވޭތީ ފުލުހުން އެމީހުން ހަށްޔަރުކޮށް ތަހުގީގު ކުރަން ފުލުހުންގެ މައި މަރުކަޒު ހުންނަ ރަށް ގެންދެވުނެވެ. އަނެއް ބަޔަކު ބުނަމުން ދިޔައީ އެއީ އިންސާނެއްގެ އަމަލެއް ނޫން ކަމަށެވެ. އެއީ ޖިންނިއެއްގެ ކަމެއް ކަމަށެވެ.
ޒަމީރު ވަޅުލާ ނިމުނު އިރު އިރުއޮށްސިއްޖެއެވެ. އިރު އޮށްސުމާއެކީ ހުރިހާ ގެއެއްގެ ދޮރުތައްލައްޕައިފިއެވެ. މިއީ މީގެ ކުރިން މިރަށުގައި ކަންތައްތައް ހުންނަގޮތެއްނޫނެވެ. ނަމަވެސް މި ހާދިސާއަށް ފަހު މުޅި ރަށުތެރެއަށް ވަނީ ނާމާންކަމާ ބިރުވެރިކަން ވެރިވެފައެވެ. ރަށުތެރެއިން ފެންނަނީ ހަމަ ހިމޭން ކަމެވެ. ގޭގެއިން ޖަހަމުންދާ ގުރުއާނުގެ އަޑު ފިޔަވާ އިތުރު އަޑެއް ނީވެއެވެ. މަގެއްގެ މަތިން މިހަކުވެސް ފެންނަނީ ވަރަށް މަދުންނެވެ. ކޮންމެހެން ނިކުންނަން ޖެހިއްޖެ ހާލަތެއްގާ ނޫނީ މީހަކު ބޭރަށް ނިކުމެ ނޫޅެއެވެ.
ރޭގަނޑުގެ ކެއުމަށްފަހު އަސްލަމް، ގޭ ދޮރުމަތީގާ ހުރި ޖޯލި ފަތީގައި އޮށޯވެލައިގެން އޮތެވެ. އޭނާ ވިސްނަމުން ދިޔައީ ޒަމީރުގެ މަރާ ދޭތެރޭގައެވެ. އެހެން އޮވެފައި އަސްލަމް ތެދުވެ ބޭރަށް ނިކުމެ ހިނގައި ގަތެވެ. ހީވަނީ ކޮންމެވެސް ކަމެއް ހަނދާން ވީހެންނެވެ. އޭނާ އެދިޔަ ބާރުމިނުގައި ގޮސްވަނީ އެރަށު މުދިންބެމެން ގެއަށެވެ. މުދިންބެއަކީ މިހާރު އެރަށުގައި ހުރި ފަންޑިތަ ހެދުމަށް އެންމެ މޮޅުމީހާއެވެ. އަސްލަމް ދިޔައިރު މުދިންބެ އިނީ ގޭ ބޮޑުއަށި މަތީ ފޮތެއް ހިފައިގެން ކޮންމެވެސް އެއްޗެއް ކިޔާށެވެ.
"އައްސަލާމް އަލައިކުމް" އަސްލަމް ސަލާމް ގޮވާލިއެވެ. " ވައަލައިކުމް ސަލާމް. އަހަނ. އަސްލަމް! ވަދޭ ވަދޭ އިށީނދޭ" މުދިންބެ ސަލާމްގެ ޖަވާބު ދެމުން އަސްލަމަށް ބުނެލިއެވެ. އަސްލަމް ގޭތެރެއަށް ވަދެ މުދިންބެގެ ގަތުގާ އިށިނދެލިއެވެ. އަދި އޭނާ އަށް ކުރިން ރޭފެނުނު މީހާގެ ވާހަކަ މުދިންބެއަށް ކިޔައިދިނެވެ. " އަހަންނަށް އިނގޭ އަސްލަމް ތިއައީ އެވާހަކައިގެންކަން. ބުނަން އަސްލަމް! މިހާރު މިރަށް މިއޮތީ ވަރަށްބޮޑު ނުރަށްކަލެއްގެ ތެރޭގަ. މިރަށުން އެއްވެސް މީހަކު ދެން ސަލާމަތެއް ނުވާނެ. އެކަމަކު އަހަރެން މިދަނީ އަހަރެންނަށް ކުރެވުނު މަސައްކަތެއް ކުރަމުން. މިރޭވެސް ކޮންމެވެސް މީހަކު ކޮންމެވެސް ގޮތަކަށް މަރާލާނެ. އެއީ ކޮން ވަގުތަކު، ކާކުކަމެއް އަދި ކިހިނެއްކަމެއް ބުނެދޭކަށް ނޭގެ. އެނގޭ ހާވެސް އެއްޗަކީ މިރަށުން ދެން ކޮންމެ ރެއަކު މީހަކު މަރާލާނެ ކަން." ކަންތައްތައް ހިނގަމުންދާގޮތް މުދިންބެ އަސްލަމަށް ކިޔައި ދިނެވެ. " މަރާލާނޭ؟ ކާކު؟ ކާކުތަ މަރާލަނީ؟" އަސްލަމް ކުރީ ސުވާލު ތަކެކެވެ. އަސްލަމްގެ ސުވާލުތަކަކަށް މުދިންބެ ޖަވާބެއް ނުދިނެވެ. ފަހުން އެ ސުވާލުތަކަށް ޖަވާބު ދޭނެ ކަމަށް ބުނެ ދެން އެރޭ ގެއަށް ދިޔުމަށް އަސްލަމް ގާތު މުދިންބެ އެދުނެވެ.
އެމީހުން ހިނގަމުން ދިޔަ މަގުގެ އެއްފަރާތުގައި އެއޮތީ ޒަމީރުއެވެ. ޒަމީރުގެ ފުރާނަ ނެތް މަސްގަނޑެވެ. ބަލާ ބެލުމަށް ހީވަނީ އެނާ ވަނީ ވަރަށް އަނިޔާވެރި ގޮތަކަށް މަރާލާފައި ހެންނެވެ.
މާ ގިނަ އިރުތަކެއްނުވެ ޒަމީރުގެ ފުރާނަ ނެތް މަސްގަނޑު ހޮސްޕިޓަލަށް ގެންދެވުނެވެ. ޑަކްޓަރުން ބެލި ބެލުމުން އެނގުނު ގޮތުގާ ޒަމީރު ވަނީ ކޮންމެވެސް މީހަކު މަރާލާފައެވެ.
ފުލުހުންވެސް ވަރަށް ބޮޑެތި ތަހުގީގު ތަކެއް ކުރިއެވެ. އެމީހުންގެ ތަހުގީގުންވެސް ނިކުތީ ހަމަ އެއް ނަތީޖާއެކެވެ. ޒަމީރު ވަނީ ކޮންމެވެސް މީހަކު ނުވަތަ ބަޔަކު މަރާލާފައި ކަމެވެ. އެއްބަޔަކު ބުނަމުން ދިޔައީ އެއީ އެރަށުގައި އަރުވާލާފައި ތިބޭ މީހުންގެ ކަމެއް ކަމަށެވެ. އެހެންވެ އެމީހުންނަށް ޝައްކު ކުރެވޭތީ ފުލުހުން އެމީހުން ހަށްޔަރުކޮށް ތަހުގީގު ކުރަން ފުލުހުންގެ މައި މަރުކަޒު ހުންނަ ރަށް ގެންދެވުނެވެ. އަނެއް ބަޔަކު ބުނަމުން ދިޔައީ އެއީ އިންސާނެއްގެ އަމަލެއް ނޫން ކަމަށެވެ. އެއީ ޖިންނިއެއްގެ ކަމެއް ކަމަށެވެ.
ޒަމީރު ވަޅުލާ ނިމުނު އިރު އިރުއޮށްސިއްޖެއެވެ. އިރު އޮށްސުމާއެކީ ހުރިހާ ގެއެއްގެ ދޮރުތައްލައްޕައިފިއެވެ. މިއީ މީގެ ކުރިން މިރަށުގައި ކަންތައްތައް ހުންނަގޮތެއްނޫނެވެ. ނަމަވެސް މި ހާދިސާއަށް ފަހު މުޅި ރަށުތެރެއަށް ވަނީ ނާމާންކަމާ ބިރުވެރިކަން ވެރިވެފައެވެ. ރަށުތެރެއިން ފެންނަނީ ހަމަ ހިމޭން ކަމެވެ. ގޭގެއިން ޖަހަމުންދާ ގުރުއާނުގެ އަޑު ފިޔަވާ އިތުރު އަޑެއް ނީވެއެވެ. މަގެއްގެ މަތިން މިހަކުވެސް ފެންނަނީ ވަރަށް މަދުންނެވެ. ކޮންމެހެން ނިކުންނަން ޖެހިއްޖެ ހާލަތެއްގާ ނޫނީ މީހަކު ބޭރަށް ނިކުމެ ނޫޅެއެވެ.
ރޭގަނޑުގެ ކެއުމަށްފަހު އަސްލަމް، ގޭ ދޮރުމަތީގާ ހުރި ޖޯލި ފަތީގައި އޮށޯވެލައިގެން އޮތެވެ. އޭނާ ވިސްނަމުން ދިޔައީ ޒަމީރުގެ މަރާ ދޭތެރޭގައެވެ. އެހެން އޮވެފައި އަސްލަމް ތެދުވެ ބޭރަށް ނިކުމެ ހިނގައި ގަތެވެ. ހީވަނީ ކޮންމެވެސް ކަމެއް ހަނދާން ވީހެންނެވެ. އޭނާ އެދިޔަ ބާރުމިނުގައި ގޮސްވަނީ އެރަށު މުދިންބެމެން ގެއަށެވެ. މުދިންބެއަކީ މިހާރު އެރަށުގައި ހުރި ފަންޑިތަ ހެދުމަށް އެންމެ މޮޅުމީހާއެވެ. އަސްލަމް ދިޔައިރު މުދިންބެ އިނީ ގޭ ބޮޑުއަށި މަތީ ފޮތެއް ހިފައިގެން ކޮންމެވެސް އެއްޗެއް ކިޔާށެވެ.
"އައްސަލާމް އަލައިކުމް" އަސްލަމް ސަލާމް ގޮވާލިއެވެ. " ވައަލައިކުމް ސަލާމް. އަހަނ. އަސްލަމް! ވަދޭ ވަދޭ އިށީނދޭ" މުދިންބެ ސަލާމްގެ ޖަވާބު ދެމުން އަސްލަމަށް ބުނެލިއެވެ. އަސްލަމް ގޭތެރެއަށް ވަދެ މުދިންބެގެ ގަތުގާ އިށިނދެލިއެވެ. އަދި އޭނާ އަށް ކުރިން ރޭފެނުނު މީހާގެ ވާހަކަ މުދިންބެއަށް ކިޔައިދިނެވެ. " އަހަންނަށް އިނގޭ އަސްލަމް ތިއައީ އެވާހަކައިގެންކަން. ބުނަން އަސްލަމް! މިހާރު މިރަށް މިއޮތީ ވަރަށްބޮޑު ނުރަށްކަލެއްގެ ތެރޭގަ. މިރަށުން އެއްވެސް މީހަކު ދެން ސަލާމަތެއް ނުވާނެ. އެކަމަކު އަހަރެން މިދަނީ އަހަރެންނަށް ކުރެވުނު މަސައްކަތެއް ކުރަމުން. މިރޭވެސް ކޮންމެވެސް މީހަކު ކޮންމެވެސް ގޮތަކަށް މަރާލާނެ. އެއީ ކޮން ވަގުތަކު، ކާކުކަމެއް އަދި ކިހިނެއްކަމެއް ބުނެދޭކަށް ނޭގެ. އެނގޭ ހާވެސް އެއްޗަކީ މިރަށުން ދެން ކޮންމެ ރެއަކު މީހަކު މަރާލާނެ ކަން." ކަންތައްތައް ހިނގަމުންދާގޮތް މުދިންބެ އަސްލަމަށް ކިޔައި ދިނެވެ. " މަރާލާނޭ؟ ކާކު؟ ކާކުތަ މަރާލަނީ؟" އަސްލަމް ކުރީ ސުވާލު ތަކެކެވެ. އަސްލަމްގެ ސުވާލުތަކަކަށް މުދިންބެ ޖަވާބެއް ނުދިނެވެ. ފަހުން އެ ސުވާލުތަކަށް ޖަވާބު ދޭނެ ކަމަށް ބުނެ ދެން އެރޭ ގެއަށް ދިޔުމަށް އަސްލަމް ގާތު މުދިންބެ އެދުނެވެ.
= ނުނިމޭ=
ލިޔުނީ: ޑީ.ބީ
ޕޯސްޓް ކުރީ dhi-burunu
ތާރީޚް Saturday, February 27, 2010. މިލިޔުން ހިމެމެނޭނީ
ވާހަކަ
.
ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..
