އަނެކާ ކުރާ ކުށްތަކުގެ ވާހަކަ ދެއްކުމުގެ ބަދަލުގައި ފުރަތަމަ ތިމާ އިސްލާހުވާށެވެ.

ދި-ބުރުނު

އަހަރެމެންގެ ތެރެއިން ވަރަށްގިނައިން ފެންނަ ކަމެކެވެ. އަބަދުވެސް ދައްކާނީ އަނެކާ ކުރާ ކުށްތަކުގެ ވާހަކައެވެ. ދުވަހަކުވެސް ތިމާއަށް ކުރެވޭ ކުށެއް ނުފެންނާނެއެވެ. އަދި އެކުށް އިސްލާހުކޮށް ތިމާ އިސްލާހުވާކަށް ބޭނުމެއްވެސް ނުވާނެއެވެ. ނަމަވެސް ހަޤީގަތާ އެއްކޮޅަށް ބުރަވެ ވާހަކަ ދައްކާނަމަ ބުނަންޖެހޭނީ މިއީ ތާކުންތާކު ނުޖެހޭ ކަމެއެއް ކަމުގައެވެ. ސަބަބަކީ އަނެކާ އިސްލާހު ކުރެވޭނީ ފުރަތަމަ ތިމާ އިސްލާހުވެގެން ކަމުގައި ވާތީއެވެ.


ކުޑަކުޑަ މިސާލެއް ދަންނަވާލާނަމެވެ. މަންމައަކާއި ބައްޕައަކު ނަމާދެއްނުކޮއް ރޯދައެއް ނުހިފާ އަދި ނުވިތާކަށް އިސްލާމްދީނުގެ އެއްވެސް ކަމަކަށް ނުކުރާހާލު އެދެމީހުންގެ ދަރިފުޅު ކައިރީ ތަޤުވާވެރިވެ ނަމާދު ކޮއް އުޅޭށެ ބުނެފި ނަމަ އެކުއްޖާ އެކުއްޖާ އެގޮތައް އަމަލު ކުރާނެ ހެއްޔެވެ؟ ޖަވާބު ވަރަށް ފުރިހަމައެވެ. ދަންނަވަން ޖެހޭނީ ނޫނެކޭއެވެ. އެކުއްޖާ ނަމޫނާއެއް ކަމުގައި ބަލާ އެކުއްޖާގެ މަންނައާއި ބައްޕަ ނަމާދު ނުކޮއް އުޅޭ ކަމުގައި ވާނަމަ ނަމާދެއް ނުކުރާނެއެވެ. ފުރަތަމަ މަންމައާއި ބައްޕަ އިސްލާހުވެ އެކުއްޖާއަށް ރަނގަޅު ނަމޫނާ ދައްކައިދީގެން ނޫނީ އެކުއްޖާ އިސްލާހެއް ނުކުރެވޭނެއެވެ.

އަހަރެމެންގެ މި މުޖުތަމައުގެ ތެރޭގައިވެސް ކަންތައް ކުރަންވީ އެގޮތަށެވެ. އެހެންމީހުން އިސްލާހު ކުރަން ތިބި މީހުން ރަނގަޅު ނަމޫނާ ދައްކަން ވީއެވެ. އެއީ އާއިލާއެއްގެ ތެރޭގައި ކަމުގައިވިޔަސް، ނުވަތަ ސިޔާސީ މައިދާނުގާ ކަމުގައި ވިޔަސް އެކަން އޮތީ ހަމަ އެހެންނެވެ. އާއިލާއެއްގެ ތެރޭގައި ނަމަ އެއާއިލާއެއްގައި ތިބި ބޮޑެތި މީހުން އިސްލާހުވެ، ކުޑަކުދިންނަށް ރަނގަޅު ނަމޫނާ ދައްކަންވީއެވެ. ސިޔާސީ މައިދާނުގައި ނަމަ އެއްޕާޓީ އަނެއްޕާޓީ އަށް ނަމޫނާ ދައްކަންވީއެވެ. ނަމަވެސް އެއީ ތިމާމެން އިސްލާހުވެގެން ތިބެއެވެ. ސިޔާސީ މައިދާނުގައި އެންމެ ވަރުގަދަ ކަމަކަށް އޮންނަނީ އެއްޕާޓީން އަނެއްޕާޓީއަށް މަލާމާތްކޮއް އެއްޗިހި ކިޔުމެވެ. އަބަދުވެސް ދައްކާނީ އެހެން ޕާޓީތަކުން ކުރާ ގޯސް ކަންތައްތަކުގެ ވާހަކައެވެ. ދުވަހަކުވެސް އެ ޕާޓީއަކުން ކުރެވޭ ގޯސްކަމެއް ނުފެންނާނެއެވެ. މިފަދަ ކަންކަމަށް ބައެއްމީހުން ފާޑު ކިޔުމޭ ކިޔާ ފާނެއެވެ.
ރަނގަޅު ވާހަކައެކެވެ. ފާޑުވެސް ކިޔަން ޖެހޭނެއެވެ. އެހެން މީހުން ކުރާ ކުށްތަކުގެ ވާހަކަވެސް ދައްކަން ޖެހޭނެއެވެ. ނަމަވެސް އެއީ ފުރަމަ ތިމާ އިސްލާހު ވުމަށް ފަހުއެވެ.

ޕޯސްޓް ކުރީ dhi-burunu ތާރީޚް Thursday, December 10, 2009. މިލިޔުން ހިމެމެނޭނީ އެހެނިހެން . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..