ތަންޑާރ ބާރޑް 3

ދި-ބުރުނު

މިއީ ފަޔާފޮކްސް އާއި ޖެހިގެން މޮޒިއްލާއިން އެންމެ އިސްކަމެއްދީގެން ތަރައްގީކުރާ އޯޕަންސޯސް ސޮފްޓްވެއާއެވެ. ތަންޑާރ ބާރޑަކީ އީމެއިލް ފޮނުވާ ލިބިގަތުމަށް ބޭނުން ކުރެވޭ ސޮފްޓްވެއާއެކެވެ. މިގޮތުން ބާލާއިރު ތަންޑާރ ބާރޑް 3 ގައި މީގެ ކުރީގެ ވާޝަންތަކާ ތަފާތު ކަންތައްތަކެއް ވަނީ ހިމަނާފައެވެ. މިގޮތުން ޓެބްޑް އިންޓަރފޭސް އަދި ސާޗް ޓޫލް ފާހަގަ ކޮއްލެވެއެވެ. މީގެ އިތުރުން އެހެން އީމއެއިލް އެކައުންޓްތަކާ ގުޅާލެވޭނެ ގޮތްވެސް މި ވާޝަންގައި ހިމެނެއެވެ. މިސާލަކަށް ޖީމެއިލް.
ތަންޑަރ ބާރޑް 3 ކީ އީމެއިލް ފޮނުވުމަށް ބޭނުންކުރާ އެހެން ސޮފްޓްވެއާރ ތަކާއި ތަފާތު ސޮފްޓް ވެއާއެކެވެ.


އެހެންކަމުން ބަލާމީހުން ޝައުގުވެރިވާނެ ފަދަ ގޮތަކަށް އޭގެ އެޕިއަރެންސް ބަދަލު ކޮއްލެވިދާނެއެވެ. މިގޮތުން ތަފާތު ވައްތަރުގެ ތީމްތައް ތަންޑާރ ބާރޑަށް ވަނީ ތައްޔާރު ކުރެވިފައެވެ.
މީގެ އިތުރުން ތަންޑާރ ބާރޑް 3 ގައި ބޭނުން ކޮއްފައިވާ ސާޗް ޓޫލްއަކީ ސާޗް ކުރުމުގައި އެފަދަ ދެވަނައެއްނެއް ސާޗް ޓޫލްއެކެވެ. ސާޗަށް ޖައްސާތާ ކުޑަ ހިދުކޮޅެއްގެ ތެރޭގައި ސާޗްކުރަންބޭނުންވާއެއްޗެއް ސާޗްކޮއްލައެވެ. އެންމެ ހާއްސަގޮތެއްގައި ފާހަގަ ކޮއްލެވޭ ކަމަކީ އެޑްއޮން ސަޕޯޓްކުރާގޮތައް މި ސޮފްޓްވެއާރ ތައްޔާރު ކޮއްފައިވާކަމެވެ. ފަޔާ ފޮކްސް ގައި ބޭނުންކުރެވޭ އެޑްއޮން ތަކާއި ދާދި އެއްގޮތް އެޑްއޮންތަކެއް ތަންޑާރ ބާރޑްގައިވެސް ވަނީ ހިމަނާފައެވެ.
ތިޔަބޭފުޅުންގެ ހިތުގައި ސުވާލު އުފެދިދާނެ މި ސޮފްޓްވެއާރ ސަޕޯޓް ކުރަނީ ކޮންކޮން އޮޕަރޭޓީން ސިސްޓަމްތަކަކަށް ބާއޭ؟ ވިންޑޯޒް، މެކް، ލިނަކްސް ފަދަ ހުރިހާ އޮޕަރޭޓިން ސިސްޓަމަކަށް މި ސޮފްޓްވެއާރ ސަޕޯޓްކުރެއެވެ. އެހެންކަމުން ތަންޑާރ ބާރޑް 3 ކީ ތިޔައެންމެހާ ބޭފުޅުންނަށް ކަމުދާނެ ސޮފްޓްވެއާރއަކަށް ވާނެކަމަށް އުންމީދު ކުރަމެވެ.

ޕޯސްޓް ކުރީ dhi-burunu ތާރީޚް Wednesday, December 09, 2009. މިލިޔުން ހިމެމެނޭނީ ޓެކްނޮލޮޖީ . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..