ތްރީ ޑީ މޯބައިލް ފޯން ވަރަށް އަވަހަށް ބާޒާރަށް...

މޯބައިލް ފޯނުގެ މުޅިންއާ ޖީލެއްކަމަށްވާ ތްރީޑީ މޯބައިލް ފޯން މިއަހަރުގެ ފަހުކޮޅު ބާޒާރަށް ނެރެވޭވަރުވާނޭ ކަމަށް ޖަޕާންގެ މަޝްހޫރު އިލެކްޓްރިކް ކުންފުނި ޝާޕްއިން ބުނެފިއެވެ. ޝާޕުން އުފައްދާ ބާޒާރަށް މިނެރޭ ތްރީޑީ މޯބައިލް ފޯނަކީ ވަކި ހާއްސަ އައިނެއް ބޭނުންކުރަން ނުޖެހޭނެ ފޯނެއްކަމަށް އެފަރާތުން ދަނީ ބުނަމުންނެވެ. މި ހަފްތާ ބަންދާ ދިމާކޮށް ޝާޕުން ވަނީ އެފޯނު އާންމުންނަށް ދައްކާލާފައެވެ.


މިފޯނުގައި ހިމަނާފައިވާ ސްކްރީންގެ ސަބަބުން އެންމެ ދުރުވެގެން 12 އިންޗި ދުރުމިނުގައި އެއްވެސް ހާއްސަ އައިނެއް ބޭނުން ނުކޮށް ވީޑިޔޯ އާއި ފޮޓޯ ތްރީޑީ ކޮށް ބަލާލެވޭނެއެވެ. މި ފޯނުގެ ސަބަބުން ތްރީޑީ އިލްމު އުފައްދާ ފަރާތް ތަކަށް ވަރަށް ބޮޑު ކާމިޔާބެއް ލިބިގެން ދާނޭ ކަމަށް ވެއެވެ.

ސެޓެލައިޓް ޓީވީ ކުންފުންޏެއްކަމަށްވާ ސްކައި ޓީވީންވެސް ވަނީ ތްރީޑީ ޓީވީ ޗެނަލް އެއް ތަޢާރަފް ކޮށްފައެވެ. ނަމަވެސް މިފަދަ ޗެނަލްތައްބެލުމަށް ވަކި ހާއްސަ އައިނެއް ބޭނުން ކުރަން ޖެހެއެވެ. އެހެން ނަމަވެސް ޝާޕްގެ މި އުފެއްދުމަކީ ހާއްސަ އައިނެއް ބޭނުން ކުރަން ނުޖެހޭ ފޯނެއްކަމުން މީހުންގެ މެދުގައި ވަރަށް މަގުބޫލު އެއްޗަކަށް ވާނޭކަމަށް ގިނަ ފަރާތް ތަކުން އަންނަނީ ދެކެމުންނެވެ. ޝާޕް ކުންފުނިން ތްރީޑީ މޯބައިލް އުފެއްދުމުގެ މަސައްކަތް 2002 ވަނަ އަހަރުން ފެށިގެން އަންނަނީ ކުރަމުންނެވެ. ނަމަވެސް އެފަރާތުން ހާމަ ކުރާގޮތުގާ އާންމުންނާ ހަމައަށް ތްރީޑީ ފޯނު ގެނެސްދިނުމުގައި މިހާ ގިނަ ދުވަސްވީ ދިމާވި ބައެއް މައްސަލަ ތަކުގެ ސަބަބުންނެވެ. މިގޮތުން ފޯނުގެ ބްރައިޓްނަސް އަދި މަންޒަރުތައް ފެންނަ ފެންވަރު ރަނގަޅު ކުރުމަށް ގިނަ ދުވަސްތަކެއް ހޭދަވިއެވެ.

ޝާޕްގެ އެލްސީޑީ މެނޭޖާރ ހާމަ ކުރިގޮތުގާ އެފަރާތުން މިހާރު ދަނީ އެމީހުންގެ ޓެކްނޮލޮޖީ ބޭނުން ކުރުމާ ބެހޭ ގޮތުން މޯބައިލް ފޯނު އުފައްދާ އެހެން ފަތާތް ތަކާ ވާހަކަ ދައްކަމުންނެވެ.

ޕޯސްޓް ކުރީ dhi-burunu ތާރީޚް Saturday, April 10, 2010. މިލިޔުން ހިމެމެނޭނީ ޓެކްނޮލޮޖީ . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..