މިހާތަނަށް އައި އިރު 450،000 އައިޕެޑް ވިކި 600،000 އައިބުކް ޑައުންލޯޑް ކޮށްފައިވޭ: ޖޮބްސް

އެޕަލްއިން 450،000 އައިޕެޑް ވިއްކައިފި ކަމަށާއި އަދި އައިޕެޑަށް ހާއްސަކޮށްގެން އުފައްދާފައިވާ އައިބުކުގެ 600،000 އައިބުކު ޑައުންލޯޑް ކޮށްފައިވާކަމަށް އެޕަލްގެ ޗީފް އެގްޒެކްޓިވް ސްޓީވް ޖޮބްސް ބުރާސްފަތި ދުވަހު ބުނެފިއެވެ.


"އަހަރެމެން މިދަނީ އަހަރެމެންނަށް ވިއްކުނު އެންމެ ހަލުއި މިނެއްގައި އައިޕެޑް ވިއްކަމުން" އައިފޯނުގެ އާ އޮޕަރޭޓިން ސިސްޓަމް ތަޢާރަފް ކުރުމުގެ ގޮތުން ބޭއްވި ބައްދަލުވުމުގައި ވާހަކަ ދައްކަމުން ޖޮބްސް ބުންޏެވެ. "އަދިވެސް އަހަރެމެންނަކަށް އެންމެ އެކަށީގެން ވާވަރަކަށް އައިޕެޑެއް ނުވިއްކެ.އެހެންވީމާ މިއަށްވުރެ ބޮޑަށް މަސައްކަތް ކުރަންޖެހޭ އެބަ" ޖޮބްސް ބުންޏެވެ.

އެޕަލްގެ ޗީފް އެގްޒެކްޓިވް އަދިވެސް ހާމަ ކުރިގޮތުގާ މިހާތަނަށް އައިއިރު އައިޕެޑްގެ އެޕްލިކޭޝަން ތަކުގެ ތެރެއިން 3.5 މިލިޔަން އެޕްލިކޭޝަން ޑައުންލޯޑް ކޮށްފައިވެއެވެ.

އެޕަލްއިން ވަނީ އައިޕެޑް އެމެރިކާގައި ބާޒާރަށް ނެރުނު ފުރަތަމަ ދުވަހުވެސް 300،000 އައިޕެޑް ވިއްކާފައެވެ. ކުރިއަށް އޮތްތާގައިވެސް އައިޕެޑްގެ ވިޔަފާރި އިތުރަށް ރަނގަޅުވެގެން ދާނެކަމަށް އުންމީދު ކުރެވޭކަމަށް އެޕަލްއިން ވަނީ ހާމަކޮށްފައެވެ.

ޕޯސްޓް ކުރީ dhi-burunu ތާރީޚް Friday, April 09, 2010. މިލިޔުން ހިމެމެނޭނީ ޓެކްނޮލޮޖީ . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..