ފޭސްބުކު: ދުނިޔޭގެ އެންމެ މަޝްހޫރު ސޯޝިއަލް ނެޓްވޯކް.

ދުނިޔޭގެ އެންމެ މަޝްހޫރު ސޯޝިއަލް ނެޓްވޯކަކީ ކޮބާހޭ އަހަލައިފިނަމަ ޖަވާބުގައި ބުނާނީ ފޭސްބުކްއެވެ. ޝައްކެއްވެސް ނެތެވެ. ފޭސްބުކަކީ ދުނިޔޭގެ އެންމެ މަޝްހޫރު ސޯޝިއަލް ނެޓްވޯކެވެ. ދުނިޔޭގެ އެތަށް ބަޔަކު ދަނީ ފޭސްބުކުގައި ރަޖިސްޓްރީކޮށް ފޭސްބުކުގެ ބޭނުން ކުރަމުންނެވެ. މިހާތަނަށް އައި އިރު ފޭސްބުކުގައި ރަޖިސްޓްރީ ކޮށްފައިވާ މީހުންގެ އަދަދު 400 މިލިޔަނަށް ވުރެ ގިނައެވެ.

ފޭސްބުކު އާންމުންގެ ތެރޭގައި މިހާ މަޝްހޫރު ވެފާ ވަނީ އެ ސައިޓްގައި ހިމަނާފައިވާ ތަފާތު ގިނަ ކަންތައްތަކުގެ ސަބަބުންނެވެ. މިގޮތުން ބަލާ އިރު މީގެ ތެރެއިން ފާހަގަ ކޮށްލެވޭ އެންމެ މުހިންމު އެއްކަމަކީ ސައިޓްގައި ހިމަނާފައިވާ ގޭމްތަކެވެ. ދަނޑު ހެއްދުމާއި،ކެފޭ ހިންގުމާއި،މަސްގެންގުޅުމާއި އަދި މާފިޔާ ފަދަ ގޭމްތަކަކީ އެތަށް ބަޔަކު އެއަށް ދެވި ހިފާފައިވާ ގޭމް ތަކެކެވެ. އެއްބަޔަކު ދުވަހުގެ ބޮޑުބައި ފޭސްބުކުގައި ދަނޑު ހެއްދުމުގައި ހޭދަކުރާއިރު އަނެއްބަޔަކު އޮފީހުގެ ގިނަ ވަގުތުތަށް ހޭދަކުރަނީ ފޭސްބުކުގައި ކެފޭ ހިންގުމުގައެވެ. މިއީ އާންމުންގެ މެދުގައި ފޭސްބުކު މަޝްހޫރު ވެފައި ވާކަން ދޭހަވާ ކަންކަމެވެ. ފޭސްބުކުގައި ހިމެނޭ އެހެން ފީޗާތަކަށް ބަލާއިރު ފޮޓޯ އަލްބަމްހެދުން، ތަފާތުނަން ނަމުގައި ގްރޫޕްތަށް ހެދުން، ފޭން ޕޭޖްތަށް ހެދުން އަދި މީގެ އިތުރުންވެސް އެތަށް އެތަށް ކަންތަށްތަކެއް ހިމެނެއެވެ.

މިހިސާބުން މިހިމަނާލަނީ ފޭސްބުކުގެ ބައެއް ތަފާސް ހިސާބުތަކެވެ.

ފޭސްބުކުބޭނުންކުރާމީހުންގެ 50 ޕަސެންޓް މީހުން ކޮންމެދުވަހަކުވެސް ފޭސްބުކަށްވަދެއެވެ.

ފޭސްބުކު ބޭނުންކުރާމީހުންގެ ތެރެއިން 35 މިލިޔަން މީހުން ކޮންމެ ދުވަހަކު އެމީހުންގެ ސްޓޭޓަސް އަޕްޑޭޓް ކުރެއެވެ.

މަހެއްގެމައްޗަށް 3 ބިލިޔަނަށްވުރެ ގިނަ ފޮޓޯ ފޭސްބުކަށް އަޕްލޯޑް ކުރެއެވެ.

މަހެއްގެ މައްޗަށް 3.5 މިލިޔަން އިވެންޓް ފޭސްބުކުގައި އުފައްދައެވެ.

3 މިލިޔަނަށްވުރެ ގިނަ ފޭން ޕޭޖް ފޭސްބުކުގައި އެކްޓިވް ކުރެވިފައިވެއެވެ.

ފޭސްބުކު ބޭނުންކުރާ މީހުންގެ ތެރެއިން އެވަރެޖްކޮށް ކޮންމެ މީހެއްގެ 130 ރަހުމަތްތެރިން ގެންގުޅެއެވެ.

އެވަރެޖްކޮށް މަހެއްގެ މައްޗަށް ފޭސްބުކު ބޭނުންކުރާމީހުން 25 ކޮމެންޓް ކުރެއެވެ.

70 އަށްވުރެގިނަ ބަހަށް ފޭސްބުކު ޓްރާންސްލޭޓް ކުރެވެއެވެ.

ފޭސްބުކު ބޭނުން ކުރާމީހުންގެ 70 ޕަސެންޓް މީހުންނަކީ އެމެރިކާއިން ބޭރު މީހުންނެވެ.

މިހިމަނާލެވުނީ ފޭސްބުކުގެ ބައެއް ތަފާސް ހިސާބުތަކެވެ. މިނޫން އެހެން ހިސާބުތަށްވެސް ފާހަގަ ކުރެވިފައި ހުރެދާނެއެވެ. މިލިޔުމުގައި މި ހިމަނާލީ އޭގެތެރެއިން ބައެއް މުހިންމު ހިސާބުތަކެވެ.

މިހިސާބުތަކަށް ބަލާއިރު ފޭސްބުކަކީ އެންމެ މަޝްހޫރު ސޯޝިއަލް ނެޓްވޯކޭ ނުދެންނެވޭނެ ސަބަބެއްނެތެވެ.

މަޝްހޫރު ސޯޝިއަލް ނެޓްވޯކް ފޭސްބުކު އެންމެ ފުރަތަމަ ދުނިޔެއަށް "އުފަންވެފައި" ވަނީ 2004 ވަނަ އަހަރުގެ ފެބްރުއަރީ މަހުގެ ތެރޭގައެވެ. ފޭސްބުކުގެ ފައުންޑަރ އަދި ސީ.އީ.އޯ އަކީ މާރކް ޒެކަރބާގް އެވެ. ފޭސްބުކާއިބެހޭގޮތުން ހޮލީވުޑްގައި ފިލްމެއް ހަދަން އުޅޭ ކަމުގެ ހަބަރުވެސް މިދިޔަ އަހަރުގެ ތެރޭގައި ވަނީ ފެތުރިފައެވެ. އަޅުގަނޑު އުންމީދު ކުރަނީ ކުރިއަށް އޮތްތާގައިވެސް ފޭސްބުކަށް ކާމިޔާބީތަކެއް ލިބިގެން ދާނެކަމަށެވެ.

ޕޯސްޓް ކުރީ dhi-burunu ތާރީޚް Tuesday, March 30, 2010. މިލިޔުން ހިމެމެނޭނީ ޓެކްނޮލޮޖީ . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..