އަދުލް އިންސާފް ކޮބައިތޯއެވެ؟

މިއީ 100 ޕަސަންޓް މުސްލިމް ގައުމެކެވެ. އެހެންކަމައް ވާނަމަ މިގައުމުގައި އަދުލްއިންސާފު އޮންނަންޖެހޭނެއެވެ. މިގައުމުގެ އަދުލު އިންސާފް ކޮބައިތޯއެވެ. އަދުލު އިންސާފޭ މިކިޔާއެތި އޮތީ ނިދާފައިތޯއެވެ؟ ނުވަތަ މަރުވީތޯއެވެ؟ ނިކަން މިސުވާލުތަކަށް ކެރިގެން ޖަވާބު ދެއްވަބައްލަވާށެވެ.

ބޮޑެތި ޖަރީމާތަކުން އޮހޮރެމުންދާ ލެއިން މުޅިގައުމު މިވަނީ ރަތްވެފައެވެ. ބޮޑެތި ކުށްތައްކުރާ މީހުން އަދުލުއިންސާފުގެ ކުރިމައްޗަށް ގެނެވޭތަނެއް ނުފެނެއެވެ. މިއާ ހިލާފަށް އަބަދުވެސް މިފެންނަނީ ކުށްވެރިން ގޭބަންދައް ދޫކުރާތަނެވެ. އެމީހުން ހައްޔަރުކޮށް އެމީހުން އަދުލުއިންސާފުގެ ކުރިމައްޗަށް ނުގެނެވެންޏާ މިގައުމުގައި ހަމަޖެހުމެއް ނޯންނާނެއެވެ. މިއީ އެއްވެސްމީހަކު ދެބަސްވާނެ ކަމެއްނޫނެވެ. ހަގީގަތަށް ބަލަންޏާ މި ދިވެހިރާއްޖޭގެ އަދުލުއިންސާފުގެ ނިޒާމްއޮތީ ފޭލްވެފައެވެ. މިނިޒާމުގައި ބޮޑެތި ބާގަޑުތަކެއް އެބަހުރިކަމަށް ގިނަފަރާތް ތަކަކުން ބުނަމުންދާއިރު އެބާގަޑުތައް ބައްދަން ގާނޫނުތައް މަޖިލީހުންނަހަދަނީ ކީވެގެންތޯއެވެ؟ އާގާނޫނު އަސާސީއެއްއޮތް ކަމުގައިވިޔަސް އަދުލުއިންސާފުގެ ނިޒާމް އަދިވެސް އޮތީ ކުރިން ހަމައޮތް ގޮތަށެވެ. ޖިނާއީ އިޖުރާތުގެ ބިލް އޮތްގޮތަށް އޮތީއެވެ. އަމަލު ކުރަމުންދަނީ މީގެ 42 އަހަރުކުރިން ހަދާފައިވާ ގާނޫނުލް އުގޫބާތަށެވެ. ހެއްކާ ބެހޭ ގާނޫނެއް ނެތް އިރު ހެކިބަސްދޭ މީހުންގެ ހިމާޔަތެއްނެތެވެ.

ގާނޫނުލް އުގޫބާތާއި،ހެއްކާބެހޭގާނޫނާއި،ޖިނާއި އިޖުރާތުގެގާނޫނާ ތިނެތި ނިކުމެގެންނޫނީ(ޖިނާއީ އަދއަދުލުގެ ނިޒާމް)ނުހިންގޭނެ ކަމަށް ކުރީގެ ބަންޑާރަނައިބު ވަނީވިދާޅުވެފައެވެ .އެކަމަކު އެގާނޫނުތައް ނެތަސް ފުލުހުންގެ ގާނޫނުން ލިބިދޭބާރުތަކާ އެކު މައްސަލަތައް މިހާރަށްވުރެ ކުޑަ ކުރެވޭނެ ކަމަށް އޭނާ ދެކިލައްވައެވެ.

ކުށްކުރާމީހުން ހައްޔަރު ކުރުމުގާއެންމެ އިސްރޯލެއް އަދާކުރަނީ ފުލުހުންނެވެ. ކުށްކުރާމީހުން ހިފާ ހައްޔަރުކުރުމަށް ފުލުހުންނަށް ވަރަށް ބޮޑެތި ބާރުތަކެއް ލިބިދީފައި ވާކަން އެމީހުން ވެސް ގަބޫލު ކުރެއެވެ. ނަމަވެސް ސްޕްރިޑެންޓް އޮފް ޕޮލިސް ދެކެވަޑައި ގަންނަވާ ގޮތުގައި މުޅި ނިޒާމު އިސްލާހު ނުވަނީސް އެބާރު ތަކެއްގެ ފައިދާއެއް ނުފެންނާނެއެވެ.

ޖަލަށް ހުކުމް ކޮށްފައި ތިބި އެތަށް ކުއްވެރިންނެއް ގޭބަންދަށް ދޫލޮށްފައި ވުމީ އަދުލު އިންސާފްގެ ނިޒާމް ބަރާބަރަށް މަސައްކަތް ނުކުރާ ކަމުގެ ހެއްކެކެވެ. ސަރުކާރުން މިކަންކަމާމެދު ފިޔަވަޅެއް އަޅާފައި ނުވުމުން މިއިން ދޭހަވަނީ ރައްޔިތުންނަށް ރައްކާތެރިކަން ހޯދައިދިނުމަށް ސަރުކާރު ނުކުޅެދިފައިވާ މިންވަރެވެ.

މުޖުތަމައުގައި ކުށްކުރާ މީހުން އިތުރުވެ ކުރާކުށްތަށް ހައްދުން ނެއްޓުމަކީ ގައުމީ ބޮޑު މައްސަލައެކެވެ. މި މައްސަލަ ހައްލު ކުރެވެން އޮތީ އެންމެން އެއްގަލަކަށް އަރާ އަދުލު އިންސާފްގެ ނިޒާމް ހަރުދަނާ ކޮށްގެންނެވެ. އެއްބަޔަކު އަނެއްބަޔަކު ކުއްވެރި ކުރުމަށް ނަގާލާ ކޮންމެ ވަގުތަކީ ކުށުގެ ޗޭނަށް އެމުނޭނެ އިތުރު ބޮޅެކެވެ. ރައްޔިތުންނަށް އިހްސާސް ކުރަން ޖެހޭނީ އިތުރު ބިރުވެރި ކަމެކެވެ.

ލިޔުނީ: އަލް އިސްލާޙް

ޕޯސްޓް ކުރީ dhi-burunu ތާރީޚް Monday, March 29, 2010. މިލިޔުން ހިމެމެނޭނީ ރިޕޯޓް . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..