ތަފާތު އެލާމް ގަޑި ތަކެއް.

އެލާމް ގަޑި ނުވަތަ އެލާމް ކްލޮކްއަކީ އަހަރެމެންގެ ދިރި އުޅުމުގައި ބައެއްފަހަރަށް ވަރަށް މުހިންމު ދައުރެއް އަދާކުރާ އެއްޗެކެވެ. މިގޮތުން ތަންކޮޅެއް ނިދިގަދަ މީހުންނަށް އެލާމް ގަޑި އަކީ ވަކިންބޮޑަށް ބޭނުންތެރި އެއްޗެއްކަމުގައި އޮންނަނީ ވެފައެވެ. އޮފީހަށް ދާ ގަޑިއަށް ނުވަތަ ސްކޫލަށް ދާ ގަޑިއަށް ހޭނުލެވޭ ނަމަ އެލާމް ގަޑިއެއް ބޭނުންކުރެވިދާނެއެވެ. ނަމަވެސް ބައެއް މީހުންނަކީ އެވަރުންވެސް ހޭނުލެވޭ ބައެއްކަން ފާހަގަ ކޮށްލަންޖެހެއެވެ.

މިފަހަރު މި ބަލާލަނީ އެލާމް ގަޑިތަކުގެ ތެރެއިންވެސް ތަފާތު އެލާމް ގަޑިތަކަކަށެވެ.
1- ސައިލެންޓް އެލާމް ކްލޮކް:
އެލާމް ކްލޮކްގެ އަޑު އިވުމަކީ ބައެއްމީހުންނަށް ވަރަށް ބޮލަށް އުނދަގޫވާ ކަމެކެވެ. އަރާމު ނިދީގައި އޮއްވާ އެފަދަ އަޑެއް އިވުމުން ތެދުވެ އެ ނިއްވާލުމަކީ ވެސް ބައެއްމީހުންނަށް އުނދަގޫ ކަމަކަށް ވެއެވެ. އެހެން ކަމަށް ވާނަމަ އެފަދަ މީހުންނަށް މި އެލާމް ގަޑި ކަމުދާނެކަމަށް ލަފާ ކުރެވެއެވެ. މީގެން އެއްވެސް އަޑެއްނީވޭނެއެވެ. ފެންނަން އެ އޮތް ދެ ރިންގު އަތުގައި އަޅައިގެން އޮތުމުން ކަނޑައެޅިފައިވާ ގަޑިއަށް އަތް ވައިބްރޭޓް ވާނެއެވެ. މިގޮތަށް ވައިބްރޭޓް ވާން ފެށުމުން އިތުރަށް އަތް ތަޅުވައިފިނަމަ ވައިބްރޭޓް ގަދަ ވާނެއެވެ. އެހެންވެ އެންމެ ފަހުން ހޭލަން މަޖުބޫރުވެއެވެ.


2- ފްލައިން އެލާމް ކްލޮކް:
ނިދި ގަދަ މީހަކަށް މިއީ ކަމުދާނެ އެލާމް ގަޑިއެކެވެ. އެލާމްވާ ވަގުތު ޖެހުމާއެކީ އޭގައި އެވާ އުދުހޭބައި އުދުއްސައިގެން ދެއެވެ. އަދި އެލާމް ވާން ފަށައެވެ. އެލާމް ވާ އަޑު ހުއްޓާލްން ބޭނުންނަމަ ހަދަން ޖެހޭނެ ގޮތަކީ އެނދުން ތެދުވެ، އޭގައިވާ އުދުހޭބައި ހިފާ އަލުން ގެންގޮސް އެ އިންތަނަށް ޖެހުމެވެ. މިގެ އަގަކީ 29.99 ޑޮލަރެވެ.


3- ބެން ކްލޮކް:
މިއީ ހަމަ އެކަނި އެލާމް ކްލޮކެއް ނޫނެވެ. މީގެ ސަބަބުން ރުފިޔާވެސް ރައްކާކުރެވެއެވެ. މި ގަޑީގެ ރިންގުވާ އަޑު ހުއްޓުވަންބޭނުންނަމަ ޖެހޭނީ އެއަށް ކޮއިންއެއް ވައްޓާލާށެވެ. މީގެ އަގަކީ 60 ޑޮލަރެވެ.


4- ލޭޒާ ޓެގް އެލާމް ކްލޮކް:
މިއީވެސް ތަފާތު އެލާމް ގަޑިއެކެވެ. މިގަޑީގެ އެލާމް ހުއްޓުވާލަން ބޭނުންނަމަ، އޭގައި ވާ ރިމޯޓު ބޭނުން ކޮށްގެން އޭގެ މެދަށް ލޭޒާ އަޅުވާލާށެވެ.


5- ކާޕެޓް އެލާމް ކްލޮކް:
އެނުގައި އޮވެ އެލާމް ވާން ފެށުމުން އެލާމް ނިއްވާލުމަކީ ފަސޭހަ ކަމެކެވެ. ނަމަވެސް މި ގަޑީގެ އެލާމް ނިއްވާލަން ބޭނުންނަމަ ތިބާ ޖެހޭނީ ކޮޅަށް ތެދުވާށެވެ. ކޮޅަށްތެދުވެ އޭގެ މައްޗަށް އެރުމުން ނޫނީ އޭގެ ރިންގެއް ނުނިވޭނެއެވެ.



6- ތްރޯ އެލާމް ކްލޮކް:
މިއީ އެއްލާލާ ގޮތަށް ޑިޒައިން ކުރެވިފައިވާ އެލާމް ގަޑިއެކެވެ. އެލާމް ވާން ފެށުމުން ހުއްޓާލަން ބޭނުންނަމަ އެ ގަޑި ނަގާ އެއްލާލާށެވެ. އެނޫން ގޮތަކަށް އޭގެ އެލާމެއް ނުހުއްޓުވޭނެއެވެ. މީގެ އަގަކީ 16.95 ޑޮލަރެވެ
.

ޕޯސްޓް ކުރީ dhi-burunu ތާރީޚް Wednesday, January 13, 2010. މިލިޔުން ހިމެމެނޭނީ އެހެނިހެން . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..