ކޮމްޕިޔުޓަރ ވައިރަސް
ކޮމްޕިޔުޓަރ ވައިރަހަކީ އެއް ކޮމޕިޔުޓަރުން އަނެއް ކޮމްޕިޔުޓަރަށް ފަސޭހަ ކަމާއެކީ ފެތުރޭނެހެން ތައްޔާރު ކުރެވިފައިވާ، ކުޑަވަރެއްގެ ކޮމްޕޔުޓަރ ޕްރޮގްރާމެކެވެ. އަދި އޭގެ ސަބަބުން ކޮމްޕިޔުޓަރުގެ
ހިނގުމަށް ގިނަ ހުރަސްތަކެއް ކުރިމަތި ކުރުވާ އެއްޗެކެވެ.
ހިނގުމަށް ގިނަ ހުރަސްތަކެއް ކުރިމަތި ކުރުވާ އެއްޗެކެވެ.
ވައިރަހެއް ކޮމްޕިޔުޓަރަށް އަރައިފިނަމަ ކޮމްޕިޔުޓަރުގައިވާ މައުލޫމާތުތައް ފޮހެލައެވެ. ނުވަތަ އެ މަޢުލޫމާތެއް ބޭނުން ކުރުމަށް ދަތި ކުރުވައެވެ. އަދި ބައެއް ފަހަރު ހާޑް ޑިސްކް ފޯމެޓް ކޮއްލުމުގެ ގާބިލް ކަންވެސް ބައެއް ވައިރަސް ތަކަށް ލިބިގެން ވެއެވެ.
ކޮމްޕިޔުޓަރަށް ވައިރަހެއް އެރުމަށް ފަހު އޭތީގެ އެންމެ ބޮޑު ވަޒީފާއެއް ކަމުގާ ހަދަނީ، ކޮމްޕިޔުޓަރުގައިވާ ކޮންމެވެސް ޕްރޮގްރާމެއް ބޭނުން ކޮއްގެން އެ ނެޓްވޯކުގައިވާ އެހެން ކޮމްޕިޔުޓަރުތަކަށް ވައިރަސް ފެތުރުމެވެ.
ނުވަތަ އިންޓަރ ނެޓްގެ ޒަރީއާއިން އެހެން ކޮމްޕިޔުޓަރުތަކަށް ވާސިލްވުމަށް މަސައްކަތް ކުރުމެވެ. މިގޮތުން އެންމެ ފަސޭހައިން ވައިރަސް ފެތުރެނީ އީމެއިލްއިންނާއި، މިހާރު މިގެންގުޅޭ ޕެންޑްރައިވް، ރިމޫވަބަލް ހާޑްޑިސްކް ފަދަ ތަކެތިންނެވެ.
މިކަހަލަ ކުރި އަރާފައިވާ ޒަމާނެއްގައި ކޮމްޕިޔުޓަރ ވައިރަހަކީ ވަރަށް އާއްމުކޮއް ފެތުރެމުން އަންނަ އެއްޗެކެވެ. އަދި އެހާމެ ނުރައްކާތެރި އެއްޗެއްވެސް މެއެވެ. އެހެން ކަމުން މިކަމުން ސަލާމަތް ވުމަށް ކުރެވިދާނޭ ބައެއް ކަންކަން އެބަހުއްޓެވެ. މިގޮތުން ކާކުކަން ނޭގޭމީހުން ފޮނުވާ އީމެއިލް ތަކަށް ސަމާލު ވުމަށް ހަނދާން ކޮށްދެމެވެ. ސަބަބަކީ ކުރިންވެސް ބުނިހެން އެންމެ ފަސޭހައިން ވައިރަސް ފެތުރެނީ އީމެއިލްއިންނެވެ. ހާއްސަކޮށް، އެޓޭޗްމަންޓް ފަދަ ފޮޓޯ ، ވީޑިޔޯ ،އޯޑީޔޯ ހުންނަ މެއިލް ތައް ހުޅުވުމުގައި ސަމާލުވުމަށް ހަނދާން ކޮށްދެމެވެ. ގިނަވައިރަސްތައް ޑިޒައިން ކުރެވިފައި ހުންނަ ގޮތުން ގިނަފަހަރައް ވައްތަރުވާނީ މިދެންނެވިހެން ފޮޓޯއެއް، ވީޑިއޯއެއް ނުވަތަ އޯޑިޔޯ ފައިލަކާއެވެ.
ވައިރަހުން ސަލާމަތް ވުމަށް ދެން އެންމެ މުހިންމު އެއްޗަކީ އެންޓިވައިރަސް ސޮފްޓް ވެއާއެކެވެ. މިގޮތުން އެންޓިވައިރަސް އަޕްޑޭޓް ކޮށް ބަލަހަށްޓާނަމަ ގިނަ ވައިރަސް ތަކުން ސަލާމަތް ވުމުގެ ފުރުސަތު ބޮޑެވެ. އާންމުކޮށް ބޭނުން ކުރެވޭ އެންޓިވައިރސް ސޮފްޓްވެއަރ ތަކުގެ ތެރޭގައި ނޯޓަން އެންޓިވައިރަސް، އޭ.ވީ.ޖީ، އަވާސްޓް، ކެސްޕަރސްކީ، ނޮޑް32 ، އަދި ޕެންޑާ އެންޓިވައިރަސް ފާހަގަ ކޮއްލެވެއެވެ. މީގެ އިތުރުން ސްޕައިވެއަރ ފަދަ ތަކެތިން ސަލާމަތްވުމަށް އެންޓި ސްޕައިވެއަރ އެއް ގެންގުޅުން މުހިންމެވެ. އަދި ކޮމްޕިޔުޓަރުގެ ޑިފެންޑަރ އަދި ފަޔަރ ވޯލް އަބަދުވެސް އޮން ކުރައްވާފައި ބެހެއްޓުމަކީ ދިމާވެދާނޭ ނުރައްކަލަކުން ސަލާމަތް ވުމަށް މުހިންމު ކަމެކެވެ.
ޕޯސްޓް ކުރީ ބުރުނު
ތާރީޚް Friday, June 12, 2009. މިލިޔުން ހިމެމެނޭނީ
ޓެކްނޮލޮޖީ
.
ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..
