ބައެއް އިންޓަރނެޓް ބްރައުޒާ ތަކައް ނަޒަރެއް
ކުރި އަރާފައިވާ މި ޒަމާނުގައި އިންޓަރނެޓަކީ އަހަރެމެންގެ ދިރި އުޅުމުގައި ވަރަށް މުހިއްމު ދައުރެއް އަދާކުރާ އެއްޗެކެވެ. މިގޮތުން މަޢުލޫމާތު ހޯދާ ލިބިގަތުމާއި،މުނިފޫހި ފިލުވުމުގައި އިންޓަރނެޓްގެ ބޭނުން ކުރާމީހުން މި ދަނީ އެއްދުވަހުން އަނެއް ދުވަހަށް އިތުރު ވަމުންނެވެ.
އިންޓަރނެޓަކީ މިހާ މުހިއްމު އެއްޗަކަށް ވީއިރު މިކަމަށް ބޭނުން ކުރާ ބްރައުޒާ އަކީ ވަރަށް މުހިއްމު އެއްޗެކެވެ. އާއްމުކޮއް މިބޭނުން ކުރާ ބްރައުޒާ ތަކަށް ބަލާލާއިރު، އިންޓަރނެޓް އެކްސްޕްލޯރާ، ފަޔާފޮކްސް، ގޫގްލް ކުރޯމް، އޯޕެރާ އަދި އެޕަލް ގެ ސަފާރީ ހިމެނެއެވެ.
އިންޓަރނެޓް އެކްސްޕްލޯރާ އަކީ ބްރައުޒިން ދާއިރާ ގައި އެންމެ ގިނަދުވަސްވީ އެއް ބްރައުޒާއެވެ.މިހާގިނަ ދުވަސް ބްރައުޒިން ގައި ހޭދަކުރިނަމަވެސް އިންޓަރނެޓް ބޭނުން ކުރާ މީހުންގެ މާބޮޑު ތަރުހީބެއް ލިބިފާ ނެތްކަން ފާހަގަ ކޮއްލަން ޖެހެއެވެ.ސަބަބެއް ކަމަށް ގިނަމީހުން ބުނަނީ ބްރައުޒިން ސްޕީޑް ލަސްވުމާއި،ކަސްޓަމަރ ފްރެންޑްލީނެތުމެވެ. ނަމަވެސް އިންޓަރނެޓް އެކްސްޕްލޯރާ 8 ނިކުތުމާއެކު މި އަޑު ވަނީ ކޮންމެވެސް ވަރަކަށް މަޑުވެފައެވެ.
މޮޒިއްލާގެ ފަޔާފޮކްސް އަކީ މިހާރު އެންމެ ކުރި އަރަމުން އަންނަ އަދި އެންމެ ގިނަމީހުންގެ ތަރުހީބު ލިބޭ ބްރައުޒާއޭ ދެންނެވުމަކީ ކުށަކަށް ނުވާނެއެވެ. ސަބަބަކީ ބޭނުން ކުރާމީހުންނާ ރަހުމަތްތެރި ބްރައުޒާ އަކަށް ފަޔާފޮކްސް ވުމެވެ. އަދި މީގެ އިތުރުން ފަޔާފޮކްސް ގެ ދުވެލި ހަލުވި ވުމީވެސް މީގެ ސަބަބެކެވެ.ފަޔާފޮކްސް ވަނީ އެންމެ ފަހުން ބޭއްވުނު ބްރައުޒާހެކިން މުބާރާތުން ދެވަނަ ހޯދާފައެވެ. މީގެން ދޭހަވަނީ ފަޔާފޮކްސް ވަނީ ސެކިޔުރިޓީއަށް ބެލިނަމަވެސް އިންޓަރނެޓް އެކްސްޕްލޯރާ އަށް ވުރެ ކުރި ހޯދާފައިކަމެވެ.
ފަޔާފޮކްސް ޑައުންލޯޑު ކުރެއް ވުމަށް މިތަނަށް ފިތާލަށްވާ!
ބްރައުޒާ ހެކިން މުބާރާތުން އެއްވަނަ ހޯދުމަށްފަހު ގޫގުލްގެ ކްރޯމް ވެސް ވަނީ ބްރައުޒިން ދާއިރާ ގައި ކުރިއަށްވުރެ ބޮޑަށް ވަކި ހިއްޕާލާފައެވެ. މިދާއިރާގައި މާގިނަދުވަސް ތަކެއް ނުވިނަމަވެސް ކޮރޯމް ވަނީ ގިނަ ބައެއްގެ މަގުބޫލުކަން ހޯދާފައެވެ. ގޫގްލް އެންޑްރޮއިޑް އޮޕަރޭޓިންސިސްޓަމެއްގެ ގޮތުގައި ވުޖޫދަށް ނިކުމެއްޖެނަމަ ކްރޯމް ވެގެންދާނީ އިންޓަރނެޓް ބްރައުޒިން އަށް ގެނެވޭ އިންގިލާބަކަށެވެ.
ކްރޯމް ޑައުންލޯޑު ކުރެއްވުމަށް މިތަނަށް ފިތާލަށްވާ!
އޯޕެރާމިނީއާއި، އެޕަލްގެ ސަފާރީ ވެސް ވަކި މިދެންނެވި ބްރްއުޒާ ތަކަށް ވުރެ ދެރައެކޭ ނުދެންނެވޭނެއެވެ.އޯޕެރާމިނީވެސް އަދި ސަފާރީވެސް ވަނީ ގިނަބައެއްގެ މަގުބޫލުކަން ހޯދާފައެވެ. ނަމަވެސް މެކް އޮޕަރޭޓިން ސިސްޓަމެއް ގެނގުޅޭމީހަކަށް އޯޕެރާ އަށްވުރެ ސަފާރި ކަމުހިނގައިދާނެއެވެ. ދެ ބްރައުޒާގެވެސް ފީޗާސް ތައް ދާދި އެއްގޮތެވެ. ސަފާރީގައި ވިޝުއަލް އިފެކްޓްސް ހިމަނާފައި ވުމުން ބަލާމީހުންގެ ލޮލަށް ހިތްހަމަޖެހުން ގެނުވައެވެ.
އޯޕެރާ ޑައުންލޯޑް ކުރެއްވުމަށް މިތަނަށް ފިތާލަށްވާ!
ސަފާރީ ޑައުންލޯޑް ކުރެއްވުމަށް މިތަނަށް ފިތާލަށްވާ!
ކޮންމެއަސް މިހުރިހާ ކަމަކަށް ބަލާއިރު ވަކި މިވެނި ބްރައުޒާ އަކީ ކަމުނުދާ ބްރައުޒާ އެކޭ ނުދެންނެވޭނެއެވެ.
ޕޯސްޓް ކުރީ ބުރުނު
ތާރީޚް Sunday, April 26, 2009. މިލިޔުން ހިމެމެނޭނީ
ޓެކްނޮލޮޖީ
.
ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..
