ޑރ.ޒާކިރު ނައިކް

ޒާކިރު ޢަބްދުލްކަރީމް ނައިކް ނުވަތަ އެންމެން ދަންނަ ނަމުންނަމަ ޒާކިރު ނައިކް އުފަން ވެފައި ވަނީ 18 އޮކްޓޯބަރ 1965 ވަނަ އަހަރު އިންޑިޔާގެ މުމްބާއީއަށެވެ.

ޒާކިރުގެ ތައުލީމީ ހަޔާތް ފަށާފައިވަނީ މުމްބާއީގެ ހައިސްކޫލެއް ކަމައްވާ (އައި.ސީ.އެސް.އީ) އިންނެވެ.


އަދި އެއަށް ފަހު ކިޝިންޗެން ޗެލަރަމް ކޮލެޖް އަދި ޓޮޕިވާލާ ނެޝަނަލް މެޑިކަލް ކޮލެޖާއި ގުޅިވަޑައިގަތެވެ. އަދި އެއަށްފަހު ޔުނިވާސިޓީ ތައުލީމް ހާސިލް ކުރެއްވުމަށް ޔުނިވާސިޓީ އޮފް މުމްބާއީއާއި ގުޅިވަޑައިގަތެވެ. އަދި އެތަނުން މެޑިކަލް އެންޑް ސާޖަރީ ކިޔަވާ ވިދާޅުވެ އެދާއިރާއިން އެމް.ބީ.ބީ އެސް ނެންގެވިއެވެ.

މެޑިކަލް ދާއިރާއިން އެމް.ބީ.ބީ.އެސް ހެއްދެވިނަމަވެސް ޒާކިރުގެ ޝައުގުވެރިކަން އިސްލާމީ ދަޢުވާއާއި ދިމާއަށް އެނބުރުނެވެ.އެހެންކަމުން 1991 ވަނަ އަހަރު ޒާކިރު އޭނާެ ދަޢުވާގެ މަސައްކަތް ފެއްޓެވިއެވެ. އޭނާއަކީ ކުޅަދާނަ ވާހަކަ ދެއްކުންތެރިއެކެވެ. އިސްލާމްދީނަށް ގޮވާލާ އިސްލާމްދީނަށް ދައުވަތު ދިނުމުގެ މަސައްކަތް އޭނާ މިހާރުވެސް ދަނީ ކުރައްވަމުންނެވެ. ނަތީޖާއެއްގެ ގޮތުން ޑރ ޒާކިރުނައިކަކީ މިއަދު ދުނިޔޭގެ އެކި ހިސާބުތަކުގައި ވަރަށް ނަން މަޝްހޫރު ދާޢީއެކެވެ. މިގޮތުން ދުނިޔޭގެ އެކި ހިސާބުތަކުގައި ޒާކިރުގެ އެތައްސަތޭކަ ދަރުސްތަކެއް ވަނީ ދެވިފައެވެ. މިގޮތުން ހިމެނޭ ބައެއް ގައުމު ތަކުގެ ތެރޭގައި އެމެރިކާ، އިނގިރޭސިވިލާތް، ކެނެޑާ، އޮސްޓްރޭލިޔާ، ސަޢޫދިއަރަބިޔާ، ގަތަރު، ސައުތު އެފްރިކާ، ސިންގަޕޫރު އަދި މެލޭޝިޔާ ފާހަގަ ކޮށްލެވެއެވެ.

ޒާކިރު މަޝްހޫރުވެފައުވަނީ ދާޢީއެއްގެ ގޮތުގާ ވިޔަސް އޭނާއަކީ ފޮތްތަށްވެސް ލިޔަމުން އަންނަ މީހެކެވެ. މިގޮތުން ފާހަގަ ކޮށްލެވޭ ބައެއް ފޮތްތަކުގެ ތެރޭގައި:

1- ރިޕްލައިސް ޓްދަ މޯސްޓް ކޮމަން ކްއެސްޓަންސް އާސްޑް ބައި ނަން މުސްލިމްސް.

2- ޤުރްއާން އެންޑް މޮޑާން ސައިންސް – ކޮމްޕެޓިބަލް އޯ އިންކޮމްޕެޓިބަލް.

3- ކޮންސެޕްޓް އޮފް ގޯޑް އިން މޭޖާރ ރިލީޖިއަންސް.

4- އިސްލާމް އެންޑް ޓެރަރިޒަމް.

5- އަލް ޤުރްއާން- ޝުޑް އިޓްބީ ރީޑް ވިތް އަންޑަސްޓޭންޑިންގ.

6- އިޒް ދަ ޤުރްއާން ގޯޑްސް ވޯޑް.

މީގެ އިތުރުންވެސް އެތައް ފޮތް ތަކެއް ހިމެނެއެވެ.

ޒާކިރުއަކީ އިންޑިޔާގައި މަޝްހޫރު ދީނީ ޓީވީ ޗެނަލެއް ކަމަށްވާ ޕީސްޓީވީގެ ފައުންޑަރ މެންބަރެކެވެ. ޕީސްޓީވީން އިންތޒާމް ކޮށްގެން 2007 ވަނަ އަހަރުގެ ނޮވެމްބަރ އިން ފެށިގެން ކޮންމެ އަހަރަކު އެއްފަހަރު 10 ދުވަހުގެ މުއްދަތަށް ބާވާ ޕީސް ކޮންފަރެންސްގައި ޒާކިރު ނައިކް ތަގުރީރު ކުރައްވާ ވާހަކަފުޅު ދައްކަވައެވެ. މި ތަގުރީރުތަށް ވެގެން ދަނީ މަޢުލޫމާތުން ފުރިގެންވާ، އެތަށް ބައެއްގެ ސިކުނޑިތަކާ ކުޅެލާފަދަ ތަގުރީރު ތަކަކަށެވެ.

މިހާރު ޒާކިރު ގެ އުމުރަކީ 44 އަހަރެވެ. އަދި އަދަށްވެސް އޭނާދަނީ އިސްލާމްދީނަށް ގޮވާލުމުގެ ބުރަ މަސައްކަތް ކުރަމުންނެވެ. އެ ދީނަށް ވަނުމަށް އެތަށް ބަޔަކަށް ދަޢުވަތު ދެމުންނެވެ. ޒާކިރު ނައިކް އެކުރައްވާ ބުރަ މަސައްކަތުގައި މާތްﷲ ބަރަކާތް ލައްވާށިއެވެ. އާމީން!

މަސްދަރުތައް:

ފޭސްބުކް-ޑރ ޒާކިރު ނައިކް ފޭން ޕޭޖް.

ޕޯސްޓް ކުރީ dhi-burunu ތާރީޚް Thursday, March 11, 2010. މިލިޔުން ހިމެމެނޭނީ ޝަހުސިއްޔަތު . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..