ޓްވީޓާ 10 ބިލިޔަން ޓްވީޓް އާ ދިމާލަށް...

ސޯޝިއަލް ނެޓްވޯކްގައި ކުރިހޯދުމަށް ޓްވީޓާއިން ކުރާ މަސައްކަތަށް ކުރިއެރުން ލިބެމުން ދާ ކަމުގެ ނިޝާންތައް ފެންނަށް ފަށައިފިއެވެ. ޓްވީޓާއިން މިހާރު ވަނީ އެމީހުން ގެ 10 ބިލިޔަން ޓްވީޓް އާ ދިމާލަށް މިސްރާބު ޖަހާފައެވެ. ދިރާސާ ކުރާ ފަރާތް ތަކުން ހާމަ ކުރާ ގޮތުގައި މިއީ ޓްވީޓާއަށް ލިބޭ ބޮޑު ކުރިއެރުމެކެވެ.
ޓެކް ބްލޮގްތަކުގައި ލިޔެފައި ވާގޮތުން ޓްވީޓާގެ 10 ބިލިޔަން ޓްވީޓް ހަމަ ކުރުމަށް ދެން ބޭނުންވާނީ އެއް ދުވަހެވެ. ނުވަތަ އެއަށް ވުރެ ކުޑަ ވަގުތު ކޮޅެކެވެ. ޓްވީޓާއިން ހާމަ ކުރާ ގޮތުގައި ދުވާލެއްގެ މައްޗަށް ޓްވީޓާ ގައި 50 މިލިޔަން ޓްވީޓް ކުރެއެވެ.


ޓްވީޓާގެ މިހަބަރާ އެކީ ބައެއް ފަރާތްތަކުން ބުނަމުން ދަނީ މި އަހަރަކީ 10 ބިލިޔަނުގެ އަހަރެއް ކަމަށެވެ. މީގެ ކުރިން އައި ޓިޔުންއިން ވެސް ވަނީ 10 ބިލިޔަން ލަވަ ވިއްކުން ފާހަގަކޮށްފައެވެ. އެޕަލުން ވަނީ އެފަރާތަކަށް ވަރަށް އަގުބޮޑު ހަދިޔާއެއް ވެސް ދީފައެވެ. ނަމަވެސް ޓްވީޓާއިން 10 ބިލިޔަން ޓްވީޓަށް ހަދިޔާއެއް ދޭނެކަމެއް އަދި އިއުލާނު ކޮށްފައެއް ނުވެއެވެ.

ޕޯސްޓް ކުރީ dhi-burunu ތާރީޚް Thursday, March 04, 2010. މިލިޔުން ހިމެމެނޭނީ ޓެކްނޮލޮޖީ . ވިދާޅުވަމުން ތިޔަ ގެންދަވާ ލިޔުމަށް އިސްތިރާކު ކުރައްވާ! އާރު.އެސް.އެސް..